Libra e Telefonit të Malit Zi

9/11 Loose Change

REKLAMOJENI VEHTEN QË EDHE NE TË REKLAMOHEMI !!!

Art  dhe Galeria

BIOGRAFIA
Kopshti i fëmive dhe shkolla fillore, në Ulqin m'kanë shku' shumë për dore.

Atë, të mesmen në Peje të rinisë, ku jam pjekur në gjuhë të kombesisë.

Në Dubrovnik studiova pak turizmin, në Prishtinë letërsinë sllave dhe Ilirizmin.

Unë e njohë vetëm një shkollë, veç ajo të bënë të „hollë".

la kam nisur qysh prej lindjes,jo prej zorit, por prej bindjes.

Për këtë shkollë s'ka fakulteta,as diplomë, se e ligjëron jeta!

Te Bejazja kam krye Akademinë aty kam thithur dijeninë...

Në Zvicër jam tash njëzet e pesë vite,ditë e natë punë tuj mësua rite...

Këtu i kam krye dhjetë univerziteta, me provime të idhëta si jeta...

Tash dhjetë vite jam bejta tuj shkru' provimin e bejtexhisë jam tuj e aprovu...
 

LUM AI QË DËGJON BEJTET E SILVER KORDIQIT

Pas botimit të parë "Bejte të reja për Ulqin", autori Silver Kordiqi na dhuron librin e tij të dytë, me titull: "Porsi gjëmbat e iriqit..."

Ndonëse librat ndërmjet tyre kanë disa vite, për Silverin nuk kanë qenë vite heshtjeje, por vite të një akumulimi të gjatë artistik e të një vëzhgimi të hollë të fenomeneve e dukurive të jetës në Ulqin e më gjërë. Sepse Silver Kordiqi mban me vete dy pasaporta: te Vendlindjes e të humorit. Dhe s'ka se si të ndodhë ndryshe. Në një bejte, plot mall e drithërimë

zemre shpalos botën prej poeti e bejtari, shpalos në formë kredore identitetin e tij. Ja, se si thotë Silver Kordiqi:
"Nji kokërr qep e vaj ullinit,/ njikshtu e hek unë mallin e Ulqinit!"

Në librin e dytë bejtexhiu Kordiqi vjen me një portret më të plotë, me një kualitet të ri artistik e me një humor të shëndoshë e shpesh herë fin, larg manjerizmave e bufonizmit. Me një prirje e realiste e sens pozitiv, ruan traditën e bejtarisë Ulqinake, e mban "gjallë" atë, vetëkuptohet duke e thelluar më tej e njëkohësisht me rrafshe të reja e interesante pikeshikimesh të konteksteve sociale.

Silver Kordiqi është një bejtexhi i lindur. Lum Ulqini që e ka! Siç duket nga natyra është biramel, gjë që pasqyrohet edhe në bejtet e tij. Me hokat e shpotitë e tij, me shakatë e fjalët me dykuptime, etj., Silveri i man në thellësi të humorit të tij "tharmin" krijus e autentik të gjyshes së tij të shtrenjtë e të paharruar, që e mban si idhull, Hanko Bejazes.

Në rrëfimet e tij Kordiqi është një bejtexhi i qetë. Bejtet e tij janë: here me lezet, here qiciluese, here me ironi e sarkazëm, herë zemëruese, here me pa kripë e piper se bashku, diku lakonike e diku prolikse. Gjithësesi problemet trajtohen me imtësi dhe nganjëherë me dhëmbje poeti e njeriu-qytetar.

Bejtet, nga natyra si paraqiten, janë te larmishme. Gjithnjë kanë tendencë për hapësirë e frymëmarrje të gjerë. Për rrjedhoje nga pikëpamja metrike nganjëherë "shkelen" si padashur liritë poetike.

 Duke "komunikuar" me bejtet e Silverit, kupton menjëherë që ato nuk lindin rastësisht. Kanë një fokusim të caktuar: një ngarje, fenomen apo objekt. Mbi këtë baze që shëerben si truall, shpërfaqet detaji artistik, i cili ka bashkëudhëtar humorin aq interesant të Silverit. Ndaj, në bejtet e ulqinakut të Hanko Bejazes do të gjesh dromca përvojash personale e shoqërore, gykime racionale, pärshtypje e mendime rreth problemeve për t'u zgjidhë. Të gjitha këto e të tjera që do t'i evidentojë me siguri lexuesi, përbëjnë orbitën nëpër të cilën leviz Silveri me magjine e tij të humorit. Dhe kjo magji ka emrin e tij,mënyrën e tij të përceptimit, teknikën erecepsionit etj., që gjë na bën të pohojmë se kemi të bëjmë me një individualitet tashmë të kristalizuar, qe adresën ende vazhdon ta ketë pranë gurrës së bejtarisë ulqinake, të cilen e ka për zemër, dhe githësekujt i dhuron buzeqeshje.
Duke perifrazuar mendimin e urtë të Profesorit të urtë Ramadan Sokoli, për bejtexhiun Ulqinak them: "Lum ai që dëgjon bejtet e Silver Kordiqit, e mjerë ai që bjen në gojë të tij, sepse do të gicilohet nga "gjëmbët" e tij.

Shkodër, me 09.01.2005                                                                                                Xhahid Bushati

BEJTEXHI U PASKËM BA
Jam Silveri, nipi i Bejazes i bejtes e i thumbit, por edhe i nazes.
Ja kam nisë me u marrë me bejte me nandëdhetë e pestën, një të enjte...
Kam mendu se janë veç ethe të shpejta thash se po m'kalojnë, por këtu u rrejta.
Po lajmërohem prap me bejte që, mos të thoni: "pse na rrejte?"
Dikush bela ka shpresu se unë mjeshtrinë e kam harru.
Pa ju baj edhe nji herë be do shkruj bejte der' sa t'hyj n'dhe.
Për fjalë e nder të bejtexhiut unë lajmërohem si rrajza mbas shiut.
Ishtë shumë zor me shkru urtsina aq ma lehtë me folë marrina.
Tash dhete vjetë me kunja e thumba që i shkapërceva pesëdhetë llakuma.
Unë nuk pa e zbuloj Amerikën as s’po ia shti kujt frikën...
Disa m’kan vu pakë edhe vesh tjerët i kam shti vesht’nët i kam shti vesht’në lesh.
Mbas shumë viteve e bejteve të para librit të dytë iu prift e mbara!

Tekstet e prezentuara domosdoshmërisht nuk përfaqësojnë politikën e redaksisë të www.ulqini.de  nuk jep përgjigje për faqe externe
Inhaltlich Verantwortlicher gemäß § 6 MDStV: Shaban Burri
Haftungshinweis: Trotz sorgfältiger inhaltlicher Kontrolle übernehmen wir keine Haftung für die Inhalte externer Links. Für den Inhalt der verlinkten Seiten sind ausschließlich deren Betreiber verantwortlich.Der Inhalt muss nicht mit den Vorstellungen von uns übereinstimmen.