Ulqin, 3o nëntor –Poeti dhe gazetari nga Ulqini, Haxhi Shabani, është njeri ndër laureatët çmimit të manifestimit ndërkombëtar “Ditët e Naimit” që u mbajt këto ditë në Tetovë. Ai ishte përfaqësuesi i vetëm shqiptar nga Mali i Zi.

Në këtë takim, ku merrnin pjesë poetët më të rëndësishëm mbarëshqiptar, krahas 4-5 poetëve, të cilët kanë lexuar në orën e madhe poetike, edhe organizatori e quan simbolikisht “Qiriu i Naimit”u nderua edhe z. Shabani.

 Me këtë shpërblim u nderuan edhe poeti nga Shqipëria, Xhevahir Spahiu,Silka Bllumba, gjermane, por shkruan shqip, Arjan Leka, ndërsa shpërblimin kryesor, për veprën më të mirë të botuar të vitit e mori poeti nga Shqipëria, Visar Zhiti të titulluar “Si shkohet në Kosovë”.

Kështu, krahas takimeve tashmë të afirmuara letrare, siç janë ato që organizohen në Gjakovë ,  “Kalimerja poetike” në Ulqin, “Lulet e Verës” në Durrës, “Ditët e Naimit” po afirmohen si manifestim i mirëfilltë ndërkombëtar. (Intron)

Ulqin, 3o nëntor-Pema e cila tashmë po bëhet kultura kryesore në rajonin e Ulqin, mandarina, sivjet kishte rendimente shumë të larta. Fushata e vjeljes, tash, ndodhet në përfundim e sipër. Vlerësohet se në mbarë territorin e kësaj komune ndodhen mbi l2o mijë trungje të kësaj peme mesdhetare.

Edhe pse nga viti 9o-të e këndej është ngushtuar dukshëm tregu, megjithatë janë arritur të ardhura të mira.

Ostros, 3o nëntor-Në aksin rrugor Katërkollë- Lekperaj (Krajë) tash pas shirave të shumta duhet pasur kujdes shumë të madh nga rrëshqitjet e shkëmbinjve. Fatmirësisht nuk ka pasur ndonjë  pasojë e gurëve të cilët bien në rrugë, sidomos gjatë orëve të natës. Kalimtarët me automjete duhet të kenë kujdes, sidomos në kthesa, që të mos zhvillojnë shpejtësi të madhe sepse në rrugë mund të takojnë ë në gurët e rrëshqitur edhe mund të shkaktojnë të papritura. (Intron)

Ulqin, 29 nëntor-Ka ekzistuar një ide që më parë, që, në Ulqin të organizohet edhe një manifestim mbarëkombëtar i fëmijëve, meqë gjatë verë, në veçanti mbahen manifestime të ndryshme tradicionale, duke fiulluar nga” Skena verore” e deri te “Kalimerja poetike: etj., mirëpo fëmijët sikur janë lënë krejtësisht anash.Këto ditë Qendra e Kulturës së Ulqinit mori pjesë në një festival mbarëkombëtar të fëmijëve në Prishtinë, në kuadër të 4o-vjetorit të punës së Qendrës së atjeshme të fëmijëve. Ulqinin e përfaqësoi Teatri i fëmijëve të SHKA” Zgjimi “ nga Sukubina. Mirëpo, se a mund të organizohet një manifestim i ngjashëm në Ulqin, drejtori i Qendrës së Kulturës së Ulqinit, Ferid Kurti na tha se, vërtet e kemi borxh ndaj atyre që na kanë ftuar, jo vetëm tash në Prishtinë, por edhe në Durrës etj. që t`i  ftojmë edhe ne në Ulqin.

 Nuk është një investim  i madh  edhe në bashkëpunim me shkollat tona fillore. Fëmijët do të vendoseshin te moshatarët e tyre edhe kështu do të krijohej një miqësi reciproke. Në këtë festival do të merrnin pjesë përfaqësues nga Kosova, Shqipëria, Presheva, e pse jo edhe nga diaspora edhe të gjithë ata do të ishin mysafirët tanë. Mirëpo, për të arritur këtë, duhen siguruar mjete financiare edhe themeluesi ynë, Kuvendi i Komunës së Ulqinit sigurisht do ta mbështesë këtë projekt, thotë ai.(Intron)

Ulqin, 29 nëntor-Ulqini është një qytet i cili ka nisur të zhvillohet gjatë këtyre dy dekadave të fundit, duke marrë formën e një vendbanimi bashkëkohor. Mirëpo, nuk janë ndërtuar të gjitha lagjet në mënyrë sistematike, por më shumë sipas një natyre selektive. Pjesët ku kanë qenë edhe janë të koncentruar strukturat udhëheqëse, detyrimisht kanë qenë më të privilegjuara. Kështu, kanë dallim shumë të madh lagjet përreth Rane, Meterrizit, por së fundi edhe Pinjeshi, e që dallojnë tej mase nga Meraja, Totoshi, Gjeranat...

Ta zëmë, tash dhjetë vjet e më shumë ka nisur ndërtimi i rrugës të ashtuquajtur “pas tregut” të gjelbërt, nuk ka përfunduar ende edhe në të po ndodhin deformime të shumta, si prerje, prishje të asfaltit, uzurpohet trotuari, derdhen kanalizimet etj. edhe askush të ndërmarrë ndonjë masë për të përfunduar këtë rrugë apo të mirëmbajtur atë, ashtu siç është, së paku.

 Ajo që bie në sy më shumë është se as ndriçimet publike nuk janë bërë pa zbatuar atë parimin e “ të privilegjuarve”. Kështu, rruga kryesore nga restoranti “Palma” në drejtim të Plazhit të Madh, është bërë ndriçmi publik dy vjet më parë duke ngushtuar trotuarin edhe ashtu tepër të ngushtë, kështu që edhe këmbësorët e rëndomtë e kanë vështirë të kalojnë pa pengesa.

Ose, është bërë një ndriçim publik rrugës për Pinjesh, duke filluar nga ndërtesa e Kuvendit të Komunës, nëpër një kodër që nuk ka shtëpi të ndërtuara sepse kjo rrugë të shpie në lagjen e të privilegjuarve të  Pinjeshit, kurse në aksin rrugor Udhëkryq (Ndërmarrja Komunale) e deri te Suka e Gjekës nuk është vënë asnjë shtyllë e vetme e me një poçë elektrike, por kalimtarët e kanë përshtypjen në orët e mbrëmjes se ndodhet diku në një ambinet ku ende nuk ka arritur cilivizimi bashkëkohor. (Intron)

Ulqin, 29 nëntor-Ky qytet shpesh është në shenjestër të kritikave të shumta, sidomos gjatë verës, duke e apostrofuar atë se banorët nuk kanë asnjë kujdes për hudhjen e plehërave në vendet e caktuara, por këtë e bëjnë aty ku e kanë më lehtë.Gjatë stinës së sivjetme u arrit edhe kulmi i dukurisë së papastërtisë edhe Ulqinit iu mvesh nofka, qytet i ndotur nga vetë banorët e tij. Gjatë verës, ta zëmë se do të mund të gjendej ndonjë arsyetim për shkak të numrit jashtëzakonisht të madhe të turistëve, por çfarë të thuash tash kur nuk kemi sezon turistik. Kazanat e plehrave sikur janë bërë depo të hedhurinave nga më të ndryshme-teknikë të bardhë jashtë përdorimi, gurë nga shtëpitë që skajohen nga shtëpitë që meremetohen...Nuk është fjala se, ta zëmë, kështu ndodh në lagjet me popullsi të dendur edhe më të frekuentuar, por plehrat hudhen në zonat më të urbanizuara, ku bien në sy të cdo vizituesi të këtij qyteti.

Edhe në Ulqin ndodh një dukuri e shëmtuet-në kazanat e plehrave hudhen klyshë, mace dhe qen të cilën, janë të thyer në moshë“ edhe janë bërë të padurueshëm edhe u japin një pasqyrë të keqe  rrugëve të qytetit të  Ulqinit, por në orët e mbrëmjes paraqesin  edhe rrezik për këmbësorët. Qentë e braktisur dhe të uritur bëhen shumë agresivë. E, ata nuk nuk janë hedshurina. (Intron)

Ulqin, 28 nëntor- Në të gjitha qendrat etnike shqiptare, solemnisht u shënua 28 Nëntori-Dita e Falamurit Kombëtar Shqiptar. Lidhja Demokratike në Mal të Zi dhe Unioni Demokratik i Shqiptarëve, manifestimin qendror e organizuan bashkërisht në kryeqytetin e shqiptarëve në Mal të Zi, Ulqin. Liderët e këtyre dy partive parlamentare folën mbi rëndësinë e kësaj date të rëndësishme të historisë sonë.
Lidhja Demokratike në Mal të Zi për nder të Ditës së Flamurit tonë kombëtar tubime solemne organizoi edhe në Malësi, Krajë e Katërkollë.

Oratorë të ndryshëm folën mbi këtë ditë të shënuar të popullit tonë, duke përkujtuar personalitetet më të spikatura, Skënderbeun, Ismail Qemalin,  Isa Boletinin, Dedë Gjon Lulin etj.

 Edhe programet artistike ishin tejet të pasura.Në Krajë, Anë të Malit e Ulqin u recituan poezi që ndërlidhen me ditën e flamurit, ndërsa këngëtarët, Myzafer Koliqi, Vesel Peliku, Luigji etj. kënduan këngë patriotike duke entuziasmuar kështu manifestuesit e shumtë.

Edhe partia e tretë shqiptare, ajo e Prosperiteti Demokratik me një tubim rasti në selinë e saj e shënoi këtë ditë, meqë nuk ishte ftuar  nga dy partitë paralamentare për të kremtuar bashkërisht. (Intron)

Ulqin, 28 nëntor-Pas një periudhe të gjatë e të thatë, arriten edhe shirat e vjeshtës. Gjatë 24 orëve në Ulqin edhe në fshatrat përreth ka rënë shi i shoqëruar me  erë të lehtë jugore. Ky ndërrim i motit u ka krjuar probleme rrugëve të qytetit edhe viseve  të shumta  fushore, i kanë përfshirë vërshimat edhe uji ka gjasa të qëndrojë me orë të tëra meqë kanalet kulluese janë të ngushta. Në Ulqin gjendja më kritike është përgjatë lumit Bratica sepse nga prurjet e mëdha, kërcënohet të dalë nga shtrati edhe të sjellë dëme në shtëpitë pranë tij. Në orët e pasdrekës edhe rrugët e qytetit kanë qenë, të thuash, të pakalueshme nga rrjedhat e ujit të krijuara nga shiu.

Ulqin, 28 nëntor-Ndërmarrja publike, UPIN, të cilën e ka themeluar Kuvendi i Komunës së Ulqinit ndodhet në një gjendje shumë të rëndë ekonomike. Ajo numëron dhjetë të punësuar edhe gjatë këtij viti nuk kanë marrë të ardhura personale. Drejtori i këtij kolektivi, inxhenier Andria Marnikoviqi na tha se ne kërkojmë punë, por themeluesi, Komuna e Ulqinit na ka anashkaluar, projektet u jepen firmave jashtë Ulqinit edhe pse punohet pak në këtë qytet, mirëpo një organizatë e këtillë e urbanizimit dhe projektimi i lypset shumë këtij qyteti. Ne kemi marrë pjesë në hartimin e rividimin e Planit Detaj të Ulqinit, i cili tashmë ndodhet në fund të diskutimit publik.

Vërtet se parlamenti lokal vendosi që të na mbulojë humbjet e vitit të kaluar që kapin shumën prej 8 mijë markash gjermane, por sivjet këto humbje arrijnë në 3o mijë DM. Pa u pajisur me pajime të duhura shumë vështirë e kemi të konkurojmë në tregun e projektimeve e të mbikqyrjeve, shpjegon Andria. (Intron)

 Ulqin, 27 nëntor-Shumica e ndërmarrjeve të Ulqinit ndodhen në pozitë të vështirë ekonomike dhe afariste, ose janë likuiduar edhe kanë mbetur në biografinë e ekonomisë së kësaj komune, ose ndodhen para shkatërrimit total. Kështu nuk ekziston më agrokompleksi, ndërtimtarët po ashtu, por ajo që shqetëson shumë është se edhe në kolektivin më të madh e më të pasur të Ulqinit ditëve të fundit është duke vluar revolta e pakënaqësia, sepse bëhet punë, shitet kripa, por mungojnë të ardhurat personale.Tash tetë muaj ata janë duke pritur pagat, por më kot. Nuk u janë paguar as kontributet e pensionit. Dje është pritur se sindikata e pavarur e Kripores do të mbajë grevë, por kjo pakënaqësi nuk e arriti sukesin e plotë, u tubua një numër i vogël punonjësish.

 Mësojmë se greva është shtyrë për ditën e premte, mirëpo gjasat janë të pakta se sindikata do të arrijë për të tubuar të gjithë punëtorët që me një zë të kërkojnë të ardhurat për punën e bërë. Kriporja e Ulqinit ka një traditë afro 7o- vjeçare edhe llogaritet si ndërmarrja më me perspektivë, jo vetëm e Ulqinit. Mirëpo, nëse do të vazhdohet me këtë gjendje, pa bërë ndonjë kthesë më shpresëdhënëse ,ajo mund të ballafaqohet me vështirësi edhe më të mëdha. Dikur kriporja është dalluaar për standardin e lartë të punëtorëve, me kuzhinë shumë të pasur dhe artikuj të shumtë që u janë ndarë të punësuarave, por siç shihet kanë perënduar ato kohë.(Intron)

Ulqin, 27 nëntor- Ansambli i folklorit “Ulqini” nga Ulqini është ftuar të marrë pjesë në manifestimin tradicional mbarëkombëtar që mbahet në Dibër të Madhe, konkretisht në qytetin e Peshkopisë. Udhëheqësi artistik i “Ulqinit”, kompozitori Mustafa Zhygjeli na njoftoi se kjo ftesë atyre u është bërë me rastin e organizimit të këtij takimi tradicional dhe në kuadër të përurimit të teatrit të atjeshëm vendor. Ai na tha se në këtë manifestim janë ftuar të gjithë laureatët e Festivalit Mbarëkombëtar “Gjirokastra 2ooo”.Takimi duhej të mbahej që nga data 23 të këtij muaji, por organizatori na ka njoftuar se, për shkaqe objektive, takimi do të mbahet më l5 dhjetor.
Ansambli i folklorit të Ulqinit do të paraqesim traditën e folklorit të pasur të këtij qyteti.Festivali nuk do të ketë karakter garues,por është në shenjë të ruajtjes së traditës.

Ansamblit “Ulqini” do të paraqitet me “Vallen e peshkatarëve”,  “Natën e vajzave” dhe me një koreografi  të posaçme të titulluar  “Nën hije të limonit”. Pjesëmarrja e këtij ansambli në “Sofrën dibrane” është një afimim i traditës folklorike të qytetit të Ulqinit, sidomos në zonën e Dibrës së Madhe. Z. Zhygjeli thotë se paraqitja jonë në këtë manifestim do të jetë një përjetim i rrallë kulturor, sepse kudo që është prezentuar programi i Ansamblit “Ulqini” ka hasur në mirëpritje të veçantë, sepse kemi të bëjmë me një trashëgimi kulturore e shpirtërore shqiptare të Ulqinit, të ruajtur me shekuj me  motive karakteristike detare.(Intron)

 Ulqin, 27 nëntor-Që në fillim të muajit të Ramazanit, në shitoret e këtushme u bë një ngritje e shpejtë e çmimeve të mishit të njomë të bagëtive. Derisa para dhjetë ditëve mishi i viçit të të gjitha kategorive mund të blihej edhe  më lirë se 9 marka kg, tash arrin deri në ll DM. Mishitësit këtë lëvizje të çmimeve të këtij artikulli e arsyetojnë me mungesën e fondit të bagëtive në këtë zonë, por edhe në tregun më të gjerë republikan.

Pos kësaj, tash është edhe sezoni i sigurimit të dimërishtes edhe kërkesat janë më të mëdha. Mirëpo, është edhe një fakt tjetër se në katundet e rrethinës së Ulqinit është zvogluar tej mase nuk i blegtorëve.

Ulqin, 26 nëntor- Edhe sivjet, duke vazhduar kështu traditën dhjetëvjeçare,subjekti politik shqiptar në Mal të Zi do të kremtojë Ditën e Flamurit Kombëtar Shqiptar, 28 Nëntorin. Tashmë janë bërë përgatitjet përfundimtare për të kremtuar këtë datë të shënuar të historisë së popullit shqiptar.

Në selitë e dy partive shqiptare, Lidhjen Demokratike në Mal të Zi dhe Unionin Demokratik të Shqiptarëve u informuam se manifestime rasti do të mbahen në të gjitha qendrat ku janë organizuara këto dy parti, duke filluar nga Ulqini e deri në Rozhajë.

Për nder të Ditës së Flamurit, dy partitë shqiptare bashkërisht do të organizojnë dy manifestime qendrore, në qendër të Anës së Malit, Katërkollë dhe në Ulqin. Si herave të tjera, kremtet do të shoqërohen me programe artistiko-muzikore, recitime që ndërlidhen me karakterin e  kësaj dite.

 

Kremtimi i 28 Nëntorit edhe për shqiptarët në Mal të Zi ka një rëndësi të posaçme, nacionale dhe kulturore. Derisa në sistemin monist shënimi i kësaj feste nuk ishte i rregulluar me norma ligjore, ndërsa tash kjo çështje është definuar me ligj të posaçëm të cilin e ka miratuar Parlamenti i Malit të Zi. Në këtë kontekst, gjithësesi ka vend që të pasurohet ai solemniteti tradicional, steriotip, detyrimisht ka vend dhe nevojë kjo festë të shoqërohet me veprimtaritë më të përzgjedhura kulturore, siç janë mbrëmjet letrare, ekspozita të artit figurativ, koncerte të muzikës serioze, të asaj popullore që do të ishte një rezyme e veprimtarive tona vjetore  nga lëmi i kulturës, duke spikatur edhe me ndonjë mirënjohje rasti rezultatet më të arrira. Organizatorët sigurisht do të sjellin  përmbajtje më  të pasura se sa më parë në manifestimin e sivjetëm, duke i dhënë një frymë të re, bashkëkohore sidomos për rininë shënimit të kësaj date. (Intron)

Ulqin, 26 nëntor-Një datë që ka qenë shumë irituse për shqiptarët e Ulqinit dhe të rrethinës është kremtuar me një pompozitet të madh në kohën e sundimit komunist, 26 nëntori. Dihet mirëfilli se është dita kur edhe Ulqini, me vendimin e Fuqive të Mëdha ia aneksuan Malit të Zi edhe pushteti komunist pesëdhjetëvjeçar, gjoja, si kremte e çlirimit nga fashizmi, në të vërtet ka qenë data e shkëputjes së Ulqinit nga trungu kombëtar. Pikërisht sot janë bërë l2l vjet që nga ajo ditë.

Mbi bazat e një fryme të re shoqërore, Kuvendi i Komunës së Ulqinit vitin e kaluar ka miratuar vendimin që si ditë e kësaj komune të shënohet java e parë e muajit prill, atëherë kur  përfundon stina e vjeljes së ullinjve, detarët dalin në det edhe fillon risia pranverore. Është marrë një datë universale, e një cilivizimi të ri, të ngjashme me shumë qytete të bregut të Adriatikut.

Ulqin, 26 nëntor-Është bërë tashmë një traditë e bukur, që për çdo Ramazan, në Ulqin shtrohen sofra në iftar në të cilat ftohen të afërmit, miq, dashamirë etj. Në shenjë të respektit të muajit e madhnueshëm të Ramazanit dhe virtuteve të mikpritjes. Me këtë rast  përgatiten përgateten gjellëra të veçanta edhe të shumten preferohen ato që nuk janë të ngarkuara me yndyra. Ende vazhdohet të përgatitet “japraku” me gjeth të hardhisë edhe cilësohet si specialitet vendor. Gjethet e hardhisë vilen derisa janë të njoma dhe ruhen në friz.
Këto raste nuk kanë vetëm karakter fetar, por shënojnë edhe momentet e bashkimit të njerëzve më të afërmit e tyre..

Ulqin, 25 nëntor- Mbrëmë, në sallën e kinemasë së qytetit, grupi M-4 dha një koncert të madh për të rinjtë, ku ishi të pranishëm jo vetëm nga qyteti i Ulqinit, por edhe nga rrethina. Ky është koncerti i parë i organizuar pas stinës turistike.

Nga arkivi ynë:Tre anëtarët e grupit M-4 

Mbrëmja kishte një atmosferë të jashtëzakonshme të entuziasmit rinor edhe simbolikë me vete, sepse grupi M-4 përseri i kishte bashkuar të gjithë anëtarët, të cilët kishin munguar për një kohë të caktuar..Gati dy orë e mës humë koncerti kaloi në ritmin e vërtetë rinor edhe salla e kinemasë ishte shumë e vogël për të pranuar të gjithë ata që ishin nisur për të përjetuar këtë mbrëmje të këngës në Ulqin.

Me duartrokitjet më të ngrohta u shoqëruar të gjithë interpretuesit.U kënduan këngë të ritmit të përpunar popullor, argëtues etj. Përveç grupit M-4 u paraqiten edhe Hajro Ceka, Viktor Ndrekqi, Minire Pereziqi, Ramazan Islami, Andreja Gazivoda etj.

Një kënaqësi e mirëpritje të veçantë krijuan te publiku i Ulqinit mysafirët specialë nga Kosova dhe Malësia. Koncerti i mbrëmshëm vërtetoi se rinia e Ulqinit ka shumë nevojë të organizojë mbrëmje të këtilla argëtimi, sepse është lodhur tej mase nga jeta pasive kulturore në këtë qytet tash në stinën e vjeshtës.

Ostros, 25 nëntor-Rajoni i Krajës është i njohur edhe për kultivimin e pemëve të ndryshme tradicionale. Në këtë mes bëjnë pjesë edhe ullinjtë, të cilët shquhen nga cilësia e lartë edhe preferohen tej mase në treg nga konsumatorët. Kështu, në Ulqin, Anë të Malit, Tivar, Shkodër, Podgoricë etj. frutat e ullinjve të Krajës nuk kanë konkurencë edhe për faktin se rriten në një zonë ende të pastër ekologjike. Por, vera e thatë që lëmë pas, plantacioneve të ullinjve në Krajë u solli një fatkeqësi elementare. Ata i përfshiu stihia e madhe e zjarrit, duke asgjësuar një numër të madh të trungjeve të këtyre pemëve. Shumë pronarë, të cilët ullinjtë i vizitojnë vetëm kur duhet të vilen frutat, këto ditë u dëshpruan sepse gjeten vetëm hi e pluhur.

Kjo është edhe pasojë e shpërnguljeve masive të krajanëve në vendet perëndimore, duke lënë në mëshirën e kohës, jo vetëm shtëpitë e pasuritë tjera të trashëguara bujqësore, por edhe ullinjtë në brigjet e liqenit të Shkodrës, duke filluar nga Hutajt e deri në Muriq. Në këtë katundin e fundit ende përkujdesen për këtë pemë shekullore, por do të ishte mirë që kjo pasuri e krajanëve të përtëritet. Fatkeqësia e sivjetme elementare nuk u trajtua as nga shteti siç ndodh në këso raste kur dëmtohen të mirat bujqësore. (Intron)

Ulqin, 25 nëntor-Nga viset etnike shqiptare të Malit të Zi ndodhet një numër i madh i bashkatedhatarëve tanë në kurbet. Tash, sigurisht, se fillojnë festa të ndryshme edhe mund të bëjnë ndonjë vizitë vendlindjes. Për fat të keq, nuk ekziston asnjë shoqatë e tyre e cila do t  i tubonte edhe do të këmbente informacione për gjendjen që kanë ata në vendet ku ndodhen. Ose, së paku, të caktohet ndonjë datë në vendlindje, qoftë në Ulqin, Anë të Malit, Krajë, Malësi apo gjetiu, që të bashkohen në vendlindje.Një kohë ka funksionuar Shoqata për kthimin e mërgimtarëve tanë, por ajo ka pushuar së vepruari. Ajo ka krijuar një regjistër se ku janë të vendosur bashkatdhetarët tanë në vendet perëndimore. Këtë veprimtari e ka ushtruar deri në vitin l995, por jo edhe më shumë. Nga ajo kohë me mijëra veta janë shpërngulur nga viset tona etnike duke kërkuar një jetë më me perspektivë.

( Ose:Përse vonon ndërtimi i bulevardit)
Ulqin, 24 nëntor-Një  ndër investimet më të mëdha në këto dhjetë vjetët e fundit pa dyshim se është Bulevardi i përfolur shumë, cili duhet të lidh Ulqinin me Plazhin e Madh. Ky projekt është dashur të përfundojë tash një vjet, por afatet janë duke u shtyrë vazhdimisht, ndër të tjera edhe si pasojë e marrëdhenieve pronësore –juridike, sepse pronarët e tokave, pikërisht aty ku duhet të jetë udhëkryqi sa më i zgjeruar, për të siguruar trafik normal, bulevardi është dashur të ndërrojë drejtimin edhe të përbirohet nëpër hapësirën e Ndërmarrjes Komunale. Kjo kthesë sikur e ka ndërruar përmbajtjen, pamajen estetike dhe funksionale sepse tash puqet me magjestralen që arrin nga drejtimi i Tivarit e jo me rrugën aktuale, kryesore, të qytetit të Ulqinit.

 Sidoqoftë, përfundimi i bulevardit  është shumë i nevojshëm, sidomos  gjatë stinës turistike, kur këtu pushojnë me qindra mijëra turistë nga vendi dhe bota. Duhet të bëhen përpjekjet maksimale që ky aks rrugor bashkëkohor të përfundojë sa më shpejt. Zvarritja e relizimit të këtij objekti  sikur  ndikon që të ndryshojë edhe projekti bazë.(Intron)

Ulqin, 24 nëntor- Në qytetin e Ulqinit dhe periferinë e tij është duke u zhvilluar një ndërtimtari e jashtëzakonshme. Nuk modernizohen vetëm shtëpitë ekzistuese, por ngriten blloqe të tëra banesash edhe me arkitekturë shumë bashkëkohore. Vlerësohet se kjo është jehonë e sezonit shumë të  begatshëm verën e kaluar edhe njerëzit në turizëm shohin perspektivën më të madhe.
Mirëpo, në këtë atmosferë të ndërtimit intensiv, lypsen edhe ndrtimtarë.

Më të kërkuarit këto ditë janë muratorët  profesionistë. Ata që kanë ndërmend të bëjnë ndonjë meremetim të vogël e kanë shumë vështirë të sigurojnë mjeshtrit, sepse të gjithë ata synojnë të marrin projekte sa më të mëdha ndërtimi. Aktualisht një murator  profesionist  ka mëditjen deri në 6o marka gjermane.(Intron)

Ulqin, 24 nëntor- Gjatë 24 orëve të fundit  janë shtuar të reshurat e borës në pjesën veriore të Malit të Zi, e sidomos në rrugën Podgori- Kollashin- Rozhajë-Kullë (kufiri me Kosovën), që ka ndikuar në ndërprerjen e trafikut për disa orë. Mirëpo, në edicionet e vona të lajmeve të mediave shtetërore të Malit të Zi , njoftuan se është zhblokuar rruga Podgoricë-Kollashin, por nyje shumë problematike mbetet aksi rrugor Rozhajë-Kullë, pika kufitare me Kosovën. Për shkak të trashësisë së borës, mbi 3o cm, është ndaluar qarkullimi i kamionëve dhe maunave.

Në Ulqin fryn murlani tradicional edhe ka shkaktuar rënie të konsiderueshme të temperaturës, sidomos gjatë mbrëmjes. (Intron)

Ulqin, 23 nëntor-Teatri i vetëm i fëmijë ndër shqiptarët në Mal të Zi,  “Zgjimi” nga katundi kufitar i Sukubinës, komuna e Ulqinit është ftuar të marrë pjesë në festivalin mbarëkombëtar “Fest-loja 2ool” në Prishtinë me rastin e 4o-vjetorit të themelimit të Qendrës së fëmijëve në kryeqytetin e Kosovës, Prishtinë.
Kjo ftesë i ka entuziasmuar artistët e rinj sukubinas. Regjisori dhe veterani i skenës shqipe të këtushme, Shefqet Luca thotë se, ky teatër, edhe pse pa fonde e lokale të nevojshme është duke e vazhduar me sukses traditën e veeprimtarisë. Deri më tash “Zgjimi” është paraqitur me shfaqjet e tij në Ulqin, Krajë, Malësi, Shkodër e Durrës.
Kësaj radhe kanë përgatitur një koreografi me valle burimore të Anës së Malit .(Intron) 

Ulqin, 23 nëntor- Sikundër në të gjitha viset shqiptare në Mal të Zi, edhe në Plavë e Guci  mërgimi është duke lënë të zbrazta klasët e shkollave fillore të Plavës dhe të Gucisë. Inspektori i vetëm i shkollave shqipe në Mal të Zi, Sylejman Gjoni, i cili posa u kthye nga një vizitë këtyre shkollave na tha se atje ishte mirëpritur jashtëzakonisht mirë nga nxënësit, mësimdhenësit, prindërit.

Mirëpo, thotë inspektor Sylejmani, ajo që më la një përshtypje rrënqethëse është se mërgimi edhe atje po i boshatiste klasët, sepse me familje shkohet masovikisht në perëndim, kryesoisht në Amerikë për një, siç thonë ata, më të mirë.
Edhe këtu problem shumë të madh kishin mungesën e teksteve shkollore. (Intron) 

 Ulqin, 22 nëntor- Kryetari i Lidhjes Demokratike në Mal të Zi, Mehmet Bardhi  u takua mbrëmë në Podgoricë me komisionarin  e lartë evropian, Ralf Ekeus, i cili për herë të parë e viziton Malin e Zi. Mysafiri i lartë shfaqi interesim për t u informuar  se si i sheh LD në MZ rrjedhat politike në Mal të Zi dhe si  janë të trajtuara pakica në këtë republikë, e në veçanti shqiptarët, si popull pakicë specifik.

Ekeus i ka deklaruar kryetarit të LD në MZ se, kemi ardhur në Mal të Zi për të ndihmuar marrëdheniet ndëretnike, e sidomos në përmirësimin e të dejtave të pakicave, në veçanti në fushën e infrastrukturës relevante ligjore. Ai ka  parashtruar pyetjen se  çfarë mendon LD në MZ, a më mirë do të mund t  i  realizojnë të drejtat e tyre  pakicat  nëse Mali i Zi pavarësohet. Mehmet Bardhi, pasi e ka  falenderuar z. Ekeus për këtë vizitë, kujdesin e treguar ndaj popujve pakicë në Mal të Zi, mysafirin e lartë e ka  njoftoi me gjendjen aktuale politike në Mal të Zi nga këndvështrimi i partisë që drejton ai, duke theksuar se shqiptarët në Mal të Zi janë deklaruar kundër themelimit të kreaturës e ashtuquajtur  RFJ-së artificiale e të paqëndrueshme. Shqiptarët kanë përvojë shumë të hidhër me Serbinë, sidomos në Kosovë. Ndërkaq, ka shtuar Mehmet  Bardhi, me malazezët shqiptarët këtu i kanë pasur marrëdheniet  më të mira, ka thënë ai. Nuk qëndrojnë pohimet se sa më i vogël të jetë Mali i Zi, ne shqiptarët do ta kemi më lehtë për të realizuar synimet tona. Mirëpo, shqiptarët në Mal të Zi asnjëherë nuk kanë qenë të kënaqur me pozitën e tyre. Pushteti sllav përherë është përpjekur që t  i  asimilojë. Mirëpo, të ketë shtuar kryetari i LD në MZ, si subjekt politik  shqiptar u drejtohemi strukturave politike dhe qeveritare të Malit të Zi, që nëpërmjet bisedimeve  të zgjidhim çështjet e hapura.

 Ne si LD në MZ konsiderojmë se, para se të organizohet referendumi mbi statusin shtetëror-juridik të Malit të Zi, presim të organizohen bisedime me klasën politike në pushtet  ku do të arrihej marrëveshje me shkrim, nëpërmjet të cilës do të informohej bashkësia ndërkombëtare mbi shkallët e pushtetit të Malit të Zi që do të zbatonte për përparimin e të drejtave të shqiptarëve në Mal të Zi. Definimi i të drejtave të shqiptarëve në Mal të Zi duhet të rregullohet me kushtetutë, sepse ajo aktuale nuk  përmban asnjë fjalë mbi këto të drejta, është shprehur kryetari i LD në MZ, Mehmet Bardhi në takim me komisionarin e Lartë Evropian të Pakicave, Ralf Ekeus. Kryetari i LD në MZ i ka bërë ftesë  z.Ralf Ekeus që të vizitojë viset shqiptare në Mal të Zi, që në mënyrë të dejtpëdrejt të njihen me gjendjen reale në të cilën ndodhet kjo popullatë autoktone në Mal të Zi. Mysafiri e artë evropian e ka pritur me interesim këtë ftesë. (Intron)

Ulqin, 22 nëntor- Këshilltarët e dy partive nacionale, Lidhja Demokratike në Mal të Zi dhe Unioni Demokratik në parlamentit lokal më shumë se pesë orë fuqishëm mbrojtjen ujësjellësin e Ulqinit, duke refuzuar kështu “argumetet”e përfaqësuesve të ministrisë së rregullimit të hapësirës, të ashtuquajturës ndërmarrje publike-private “Akva regija”, të firmës private gjermane, të këshilltarëve të DPS-it, duke theksuar se Ulqini ka sasira të mjaftueshme të ujit, ka infrastrukturë të sistemit të ujësjellësit, të cilën e ka financuar vetë. Kryetari i Këshillit Drejtues të Ndërmarrjes komunale, Ali Doda(LD në MZ) vuri në pah se komuna e Ulqinit ka përvojë shumë të keqe nga kyçja në sistemet e ashtuquajtura unike, siç është Montenegroturisti, i cili pesëmbëdhjetë vjet ka marrë të gjitha fitimet e turizmit të Ulqinit edhe nuk ka bërë asnjë investim.Ndërkaq, Mustafa Gorana (UDSH) tha se Ulqini që në prill të vitit l976 ka nënshkruar marrëveshje me komunat bregdetare të Malit të Zi për t u  furnizuar me 5oo litra ujë të pishëm në sekondë. Pra, banorët e Ulqinit kanë investuar në ndërtimin e ujësjellësit rajonal bregdetar mbi 5 milion dollarë edhe është anashkalauar. Është dashur vetë të sigurojë sasira uji, duke aktivizuar sistemin e ujësjellësit të Lisna Borës në Anë të Malit. Aty ekzistojnë ll puse, prej të cilëve 4 janë duke u shfrytëzuar.  Avdullah Kurti (LD në MZ) theksoi se kjo pikë e rendit të ditës na është imponuar nga presionet e ndryshme. Faza e parë e këtij projekti është kritikuar ashpër nga Hercegnovi dhe Tivari, ndërsa Xhemal Bushati (UDSH)sikur të integroheshim në këtë sistem të ujësjellësit rajonal, atëherë Ulqini nuk do të pyetej për asgjë. Komuna e Ulqinit nuk ka arsye ekonomike e as morale sepse, dihet mirëfilli, që kjo komunë i ka specifikat e veta. Unë, kohë më parë isha në SHBA në një vizitë studimore edhe çdokund ujësjellësi dhe shërbimet komunale janë nën ingerencat e qeverisjes vendore.

 Në këtë projekt që na ofrohet, ne si Ulqin nuk e kemi të qartë pozitën tonë.

Edhe këshilltarët tjerë të dy partive shqiptare shtruan argumentet e tyre se qëllimi është përfitimi e jo interesi i Ulqinit, sepse që në fillim të vitit të ardhshëm çmi i ujit do të ngritej O,90 DM, dyfish më shtrenjtë se çmimi aktual. Nëse firma gjermane është e interesuar që të investojë në Ulqin, atëherë mund të diskutojmë edhe të shikojmë interesat e banorëve të kësaj komune e jo nga presionet e ndryshme republikane të firmoset falja e ujësjellësit të Ulqinit. Në debatin e sotëm u inkuadrua edhe ish-rejtori i Ndërmarrjes Komunale, Rade Saviqi, i cili afro 2o vjet kishte qenë në krye të kësaj ndërmarrjeje. Ai tha se Ulqini ka sasira të bollshme uji për nevojat e veta, mundet edhe të shesë, kemi qenë të kyçur në ujësjellësin rajonal më heret edhe kemi participuar rreth 5 milion dollarë, por Ulqini nuk ka pasur asnjë leverdi nga kjo ndarje.

Me shumicë votash, kryesisht të partive shqiptare, u refuzua oferta që ujësjellësi të integrohet në sistemin privat të ujësjellësit rajonal të bregdetit malaazias dhe Cetinës. (Intron)

  (Vështrim )
Ulqin, 21 nëntor-Në Parlamentin lokal të Ulqinit kohëve të fundit  janë duke ndodhur gjera të çuditshme.Tash dy javë e më tepër ka filluar një seancë e rregullt e këtij kuvendi, por punët deri më tash kanë ecur me shumë pengesa.Fillimisht reduktimet e energjisë elektrike edhe pse zyrtarët e Elektrodistribucionit kanë thënë se Kuvendi i Komunës ka qenë rregullisht i kyçur në sistemin elektroenergjetik. Mbledhjet kuvendi është që t i  shtyjë në mënyrë që radiostcioni lokal ta transmetojë punën e këtij kuvendi. Ndërkohë ka skaduar kriza e rrymës, partia opozitare, ajo e DPS-it shtroi kërkesë për të shtyrë mbledhjen.

Kryetari i Komunës, njëherësh edhe i Kuvendit, inxhenier Skënder Hoxha, pasi njoftoi këshilltarët se nuk është arritur të sigurohet personi i  caktuar të merret me teknikën, propozoi dy alternativa-parlamenti të vazhdojë punën edhe këshilltarët të flasin në gjuhën  të cilën e kuptojnë të gjithë, atë serbe, ose mbledhja të shtyhet për ditën e enjte. Klubi i këshilltarëve të opozitës, ata të SNP-së kërkuan me çdokusht përkthim simultan edhe pushtetit vendor i bënë vërejtje se si është e mundur që nga radhët e të punësuarve në komunë të mos përgatet një njeri, i cili do të ishte i përhershëm edhe do të kujdesej për teknikën e përkthimit, e jo kjo çështje të jetë në duar të një njeriut, i cili, siç thanë ata, e ka me paushall.

 -Faji është i yni, tha kryetari i komunës z. Hoxha, duke përfshirë këtu edhe veten e tij, nënkryetarin dhe sekretarin e komunës që nuk kanë arritur të përgatisn edhe këtë shërbim. Duke e parë këtë gjendje, kryetari i komunës propozoi që mbledhja të shtyhet për ditën e enjte. Këtë propozim këshilltarët e miratuan njëzëri!

Derisa u kumtua se pajimet teknike të përkthimit nuk ka kush t i vë në funksion, përfaqësuesit e Radio-Ulqinit tërhoqen vërejtjen se kemi ne mundësi ta bëjmë pa asnjë vështirësi sepse i kemi kuadrot. Nga zyrtarët e pushtetit nuk rezultoi asnjë përgjigje, por përseri u dëgjuan reagimet e opozitës duke theksuar se kërkesa e Radio-Ulqinit është shumë me vend, sepse këtë ndërmarrje publike e ka themeluar ky parlament  edhe është i  mirëseardhur shërbimi i tyre, meqë edhe transmetojnë drejtpërdrejt edhe punën e kuvendit, e të mos mbështetemi në njeriun, i cili këtë punë e kryen paushall.Do të mbështet ky propozim, duhet pritur se si do të reagojnë edhe klubet tjera të partive të cilat marrin pjesë në këtë parlament. Kjo çështje në shikim të parë duket një çështje sekundare, por pa vënë në funksion pajimet e përkthimit simultan opozita proserbe –jugosllave nuk është e gatshme të marrë pjesë në punën e kuvendit të Ulqinit, përkundrazi, këto mangësi i shfrytëzon për interese politike, duke tundur opinionin me komunikata se, gjoja, u shkilen të drejtat në parlamentin e Ulqinit për të komunikuar në gjuhën e tyre!?

Mirëpo, është krijuar tashmë një traditë edhe pa asnjë rezervë për të ndjekur punën e parlamentit, ku diskutohet në gjuhën e popullatës shumicë të komunës së Ulqinit, në gjuhën shqipe, nëpërmjet përkthimit simultan. Për të siguruar këto pajime janë bërë investime të konsiderueshme edhe nuk ka asnjë arsye që të mos funksionojnë. (Intron)

Ulqin, 2o nëntor-Ky është një problem tepër i theksuar në qytetin e Ulqinit. Sidomos kjo shihet ditëve të tregut, ditën e martë dhe të premte, kur me qindra veta nga fshatrat arrijnë për të shitur ose për të blerë artikujt e përditshëm. Duhet të dalësh në orët e hershme të mëngjesit për të gjetur një vend për të parkuar automjetin. Në hapësirën e ish-Stacionit të autobusëve përseri zhvillohet tregu i automjeteve edhe pse disa herë është ndaluar këtu kjo veprimtari.Është ndaluar edhe dalja me kamionë për të shitur pemë, perime dhe artikuj të tjerë, por ky vendim nuk është duke u përfillur edhe pse disa herë janë marrë edhe masa ndeshkuese nga inspektorët komunalë. Ku ta parkoj, pra, automobilin?- ke për të dëgjuar vazhdimisht pyetjen e njerëzve të cilët kërkojnë shpjegim nga policët e qarkullimit, të cilët janë të gatshëm për të ndeshkuar me para ose me vërejtje ligjore nëse për një çast përpiqesh për ta ndaluar automjetin.

Përgjigja është vetëm një rrudhje të supeve e asgjë më shumë.

Kanë ekzistuar disa iniciativa që kjo çështje të rregullohet, por rruga kryesore është tejet e ngushtë ose shpesh blokohen edhe nga pronarët e dyqaneve me qëllim të sigurohet lëvizje e lirë e konsumatorëve. Çështjen e parkimi të automjeteve pushteti vendor duhet ta shikojë më me përkushtim sepse, derisa ky problem mbetet aktual jashtë stinës turistike,verës bëhet edhe më i mprehtë, sepse, siç dihet këtu arrijnë mijëra turistë me autoveturat e tyre.(Intron)

Ulqin, 2o nëntor-Të gjitha hotelet janë mbyllur kaherë. Po të mos ishte hoteli “Albatros” afaristët, vizituesit e rastit etj. nuk do të kishin ku do të vendoseshin. Në të vërtet punojnë edhe kapacitetet në Kala, mirëpo nuk e ka praktikuar askush që të hap bujtore edhe ta mbajë atë në mënyrë të përhershme. Rëndom ulqinakët shtëpitë i mbajnë të hapura për turistët gjatë stinës së verës, ose me rastin e vendosjes së grupeve të organizuara të vizituesve, eventualisht të ekskursioneve.

 Njerëzit të cilët arrijnë këtu për të kryer ndonjë punë, e nëse nuk kanë dikë të njohur, duhet të vendosen në hotel.

Ndjehet mungesë e bujtoreve edhe pse dikush do të mund të thoshte se janë të vogla llogaritë për t u marrë me këtë “biznes” tash jashtë stinës turistike. Megjithatë, duhet të ushtrohet edhe kjo veprimtari.(Intron)

Ulqin,2o nëntor-Në bagazhin e kulturës së një populli, të një vendbanimi bëjnë pjesë shumë elemente. Kulturë është stili i pamjes së jashtme të një ndërtese, murit që e rrethon atë etj. Mirëpo, kulturë është edhe një dyqan i vetëm. Nuk është karakteristike vetëm harmonia e brendshme të hapësirës, kulturë është edhe mbishkrimi, emërtimi me të cilin e pagëzon vetë pronari.Edhe në Ulqin vërehet një spektër emrash të firmave.Të rralla janë dyqanet private që bartin emra shqip. Dominojnë emra që u përkasin gjuhëve të ndryshme ballkanike  dhe të Evropës. Do të thotë kjo se në Ulqin kanë filluar që moti «evropiançe», edhe është më në «modë» të iket nga gjuha burimore e popullatës së këtushme të lashtë, shqip? Duket paksa e pakuptueshme.

Vërtet se në monizëm emërtimi shqip ka mundur të sjellë edhe pasoja të ndryshme politike, ama tash nuk paraqet ndonjë rrezik.

Mirëpo, është një fakt tjetër se në Ulqin përgjidhen emra shumë të bukur me të cilët pagëzohen fëmijët. Ta zëmë, emrat Agim, Flamur, Arben, Gëzim, Lirije, Vjollca, Teutë etj. janë të kahmotshëm. Atëherë, si mund të shpjegohet se dyqanet tregtare, hoteliere pagëzohen me emra të gjuhëve të huaja , që mbase as vetë pronarët nuk e dinë domethënien e tyre.(Intron)

Ulqin, l9 nëntor-Edhe shqiptarët në Mal të Zi me interesim të madh i përcollën zgjedhjet në Kosovë edhe të gjithë shfaqin admirimin e tyre për një atmosferë të qetë dhe demokratike.Kryetarët e partive nacionale parlamentare u prononcuan për mediat lidhur me këto zgjedhje në Kosovë. Kështu, kryetari i Unionit Demokratik të Shqiptarëve, Fuad Nimani u shpreh se këto ishin zgjedhje demokratike dhe paqësore me të cilat populli i Kosovës tregoi  me të vërtetë di të udhëheq vetvehten. Uroj që subjektet më relevante politike të Kosovës, të kryesuar nga LDK, do të dinë që aspiratat, vullnetin  dhe dëshirën e popullit kosovar ta realizojnë, e ajo është që të punohet me këmbëngulje në pavarësinë e Kosovës, u shpreh Nimani.

Ndërkaq, lideri i Lidhjes Demokratike e deputet në Parlamentin e Malit të Zi, Mehmet Bardhi vlerësoi se zgjedhjet, ë cilat u zhvilluan në prag të festës së Flamurit në Kosovë, pa dyshim mund t i cilësojmë si festë e madhe dhe kjo është ndër data më kulmore të historisë së kosovarëve dhe mbarë popullit shqiptar për vendosjen e institucioneve demokratike në Kosovën e lirë. Zgjedhjet, pa dyshim se shënojnë rrugën e drejtësisë dhe pavarësisë së plotë të Kosovës, tha Bardhi. (Intron) 

Ostros, l9 nëntor-Trevën e Krajës e ka përfshirë një zbrasje e madhe e popullatës. Nuk ka vërtet ndonjë evidencë për këtë shpopullim, por nëpër katunde vërehen mbyllje masive e shtëpive. Disa vendbanime, siç është Veliqi e ndonjë tjetër, kanë mbetur shumë pak banorë edhe atë të moshës së thyer. Aq më shqetësuese është edhe fakti se janë duke emigruar edhe kuadro me përgatitje të larta arsimore, madje edhe nga shkolla fillore e Ostrosit.

Nuk shkohet vetëm nëpërmjet kanaleve ilegale duke paguar shuma të mëdha dollarësh, por është edhe  një dukuri, jepen edhe viza të pafund, më parë në Hungari, kurse tash në Beograd. Nga burime jozyrtare mësojmë se nga Kraja ditëve të fundit viza kanë marrë familje të tëra, sidomos nga ato vendbanime të cilat deri më tash ka pasur më pak shpërngulje. (Intron)

Ulqin, l9 nëntor-Këshilltarët e Parlamentit lokal të Ulqinit sot miratuan vendimin mbi ndryshimet e plotësimet e Planit urbanistik të qytetit. Përfaqësuesit e Drejtorisë së Urbanizmit komunal deklaruan se këto ndryshime dhe plotësime të këtij plani janë të ekspozuara në lokalet e Kuvendit të Komunës dhe palët e interesuara mund ta vizitojnë edhe të kërkojnë sqarime mbi të gjitha këto plotësime e ndryshime. Deputetët e opozitës, sidomos ata të DPS-it kërkuan listën e atyre qytetarëve të cilët kanë parashtruar kërkesë që të përfshihen në këto plotësime edhe cili është numri i atyre që janë shqyrtuar pozitivisht. Nga zyrtarët e drejtorisë respektive komunale moren përgjigje se në vendimin  e parë janë përfshirë ll9 kërkesa të kësaj natyre, kurse në vendimin e dytë 9 dhe gjithësej janë deponuar 2o9 parashtresa të këtilla. Kanë mbetur të papërpunuara vetëm lo prej tyre.Mirëpo, diskutimi publik do të zgjasë një muja edhe qytetarët do të kenë mundësi që të paraqesin kërkesat e tyre, në mënyrë që të të marrin përgjigje për mundësitë që ekzistojnë që edhe kërkesat e tyre të përfshihen në kuadër të ndërrimeve e plotësimeve të reja të Planit urbanistik të Ulqinit, pasoi përgjigja.

Lexuesit e lajmeve tona, në veçanti ata nga diaspora, mund të jenë të interesuar për të paraqitur kërkesa të këtilla. Këtë duhet ta bëjnë në administratën lokale të pushtetit vendor, përkatësisht në zyrat e Drejtorisë së Urbanizmit.

Këtë rast duhet ta shfrytëzojnë sepse mund të shfaqin dëshirë për të bërë investime të ndryshme edhe të mos kenë pengesa me zgjidhjet urbanistike.(Intron)

 (Recension  për të përmuajshmen «Buzuku» të Ulqinit) 

Ulqin,l8 nëntor-Lexuesit kanë në duar numrin tre të revistës «Buzuku», të cilën e boton Shoqata «Don Gjon Buzuku» edhe numri i parë është paraqitur në skenë në shtator të këtij viti.Kryeredaktor i saj është Prof.Dr. Simë Dobreci.
Që në fillim «Buzuku» pjesën më të madhe të temave ia ka kushtuar së kaluarës së zonës së Shestanit, kësaj treve me një shkallë të lartë të asimilimit të popullatës shqiptare, sidomos kjo dukuri hetohet në periudhën e pas Luftës së Dytë Botërore e deri në ditët e sotme. 

.Revista është duke luajtur një rol shumë të rëndësishëm sepse nxjerr në dritë shumë virtute kulturore dhe shpirtërore të cilat janë duke u shpëtuar në çastet e fundit nga kujtesa e atyre më të moshuarve.Mirëpo, revista trajton edhe tema nga zonat tjera shqiptare të Krajës, Anës së malit, Ulqinit, Malësisë etj. 
Vlen të theksohet edhe një fakt tjetër:në fund të revistës janë shënuar emrat e atyre që e kanë ndihmuar daljen e «Buzukut» dhe ata kësaj radhe janë: Ndërmarrja Komunale e Ulqinit, por edhe mërgimtari Stjepa i Pjetrit Markushit, i cili tash jeton në SHBA.

Është ky titulli i eseut të prof. Dr. Ruzhdi Ushakut të botuar në këtë numër të «Buzukut» edhe me një përjetim emocional autori rikthehet plotë nostalgji pas 44 vjetësh në atë ambient kur kishte qenë mësues edhe depërton thellë shpirtërisht, fizikisht dhe shkencërisht në misteret e Malit të Sumës. arbërore.Autori përkujton  gojëdhëna të shumta që lidhen me këtë mal, i cili dikur ka qenë fortifikatë apo pushimore për mbretërit apo për sunduesit ilirë të kësaj hapësire, e deri te legjenda sipas së cilës këtu u zu rob shën Gjon Vladimiri nga perandor Samuili.

 Profesor Ushaku shkruan se «historia për Vladimirin, qoftë kjo edhe  si ngjarje e mëvonshme, mund të jetë edhe si legjendë, më e kapshme historikisht, dhe se fati i këtij të shenjti  u lidh, pa marrë parasysh hipotezat dhe mendimet për prejardhjen e tij, me historinë e Kishës së Shën Mërisë apo të Zonjës së Papërlyer të Krajës...»
Autori nxjerr në dritë shkencërisht edhe në mënyrë të argumentuar misteret e malit të Sumës të tokës

Tahir Kanaqi është njeri ndër personalitetet më të spikatura kombëtare dhe fetare të Krajës në shekullin e kaluar. Për këtë figurë revista boton një shënim të autorit A.Gjeçbritaj, i cili shkruan se Tahiri kurrë nuk i dallonte njerëzit sipas përkatësisë fetare, nacionale dhe racore. Ai shpesh shprehej-Të gjitha fetë në këtë botë janë si lulet e një kopështi.Ata që e kanë njohur Tahirin, asnjëherë nuk i harrojnë kujtimet për.I afërt me njerëzit e të gjitha moshave. Ka qenë lexues i flaktë i gazetës»Rilindja», më shumë se gjysmë shekulli, por ka pasur bibliotekë të pasur familjare dhe përherë i ka këshilluar të rinjtë që mos të kursejnë asgjë për diturinë, sepse dituria është drita që u shndërritë të ardhmen e tyre.
 

Revista «Buzuku» boton edhe materiale të tjera tërheqëse për lexuesit. Sidomos me interes të veçantë etnografik  janë dy fotografi nga Shestani që në vitin l929 me veshje kombëtare si dëshmi e  përkatësisisë shqiptare nga Lijarja, por edhe materialet tjera të folklorit të kësaj treve shqiptare. (Intron )   

Ka punuar si administrator në shumë qytete të Shqipërisë, si në Tiranë, Korçë, Durrës, Shkodër etj. Ka qenë i njuhur si dervish  rrufai dhe sheh –prijës i këtij tarikati.
Autori në shënimin  e botuar përmend se Tahir Kanaqi « më l929, kur në Krajë nuk dëgjohej zëri i shqipes së shkruar, ai solli nga Shqipëria një abetare, ndoshta të parën në Krajë. Ajo u prit shumë mirë dhe prej saj  shumë krajanë filluan të mësojnë shkrim-leximin shqip, por shpejt ra në vesh të xhandarmerisë dhe për pak patrioti Tahir pësoi dënimin.»
Tahir Kanaqi ka shërbyer edhe  si prijës fetar në xhaminë e Arbneshit, Qyrjanit dhe përfundoi në Xhaminë e Re në vendlindje , Ostros të Vogël, ku i është ngritur edhe tyrbeja. Në moshën 77 –vjeçare vdiq para l7 vjetëve, por vepra e tij humane, fetare dhe kombëtare nuk harrohet kurrë nga ata që e kanë njohur jo vetëm nga Kraja.

Ulqin, l7 nëntor-Një ekip ekspertësh  i Ministrisë së Drejtësisë së Qeverisë së Malit të Zi organizoi një diskutim publik mbi projektligjet e reja mbi qeverisjen lokale, atë të organizimit territorial dhe ligjin mbi financimin e pushtetit vendor. Merrnin pjesë përfaqësues të administratës lokale, të shoqatave joqeveritare, avokatë etj.

Zëvendësministri republikan i Drejtësisë, Dr. Gjorgje Bllazhiq tha se, poqëse Mali i Zi dëshiron të integrohet në Evropë, duhet të bëjë reforma të ligjeve derisa Evropa t i përgjigjet pozitivisht. Sipas tij, këto propozimligje janë në këtë ndërlidhje, por pjesëmarrësit nga Ulqini në këtë shqyrtim pikërisht këtyre propozimeve ligjore u bënë vërejtje të theksuara dhe thelbësore. Kështu, Osman Rexha, kryetar i Partisë së Propseritetit Demokratik tha se kemi shpresuar se me ligjin e ri do të bëhet decentralizimi i qeverisjes lokale, mirëpo siç shihet kjo nuk do të ndodh nëse vështrojmë këto propozime që na prezentohen. Ai shtroi propozimin se, hiq statusin e kryeqytetit të Republikës, të gjith qytetet duhet të gëzojnë të drejtën e komunës, të kenë tretman të barabartë.

.Ndërkaq, Xhabir Hoxhiqi nga administrata vendore tha se me këtë ligj nuk bëhet asnjë përmirësim në fushën e financave të pushtetit lokal edhe u angazhua që pushtetit të Ulqinit t  i  kthehen kompetencat mbi kadastrin  dhe të ardhurat shoqërore. Në këtë vazhdë Gjergj Pepgjoni tha se amblemi dhe simboli i komunës duhet të jetë nën ingerencat e komunës, kurse drejtori i Ndërmarrjes Komunale Fuad Haxhibeti përmendi faktin se Riviera e Ulqinit u ka 4oo mijë marka borxh, kurse Ministrisë së ujërave duhet t i  paguhen shuma të mëdha financiare në emër të faturave të pashlyera.

Përfaqësuesit e shoqatave joqeveritare kërkuan vëmendje më të madhe çështjeve ekologjike dhe mbështetjes financiare të projekteve të këtyre asociacioneve. (Intron)

Ulqin, l7 nëntor-Shoqata e mjekëve të Malit të Zi, dega në Ulqin dhe Drejtoria e shëndetit Publik të Shkodrës  sot në Ulqin organizuan një simpozium me temën bosht- Mbrojtja shëndetësore e gruas, në të cilin kishin mysafirë edhe homologë të tyre edhe nga vende tjera të Ballkanit dhe të Evropës. Gjatë sesioneve u dëgjuan disa kumtesa, si Tumorët malinj të qafës së mitrës (Z.Duraku, Ulqin), Tumorët malinj të lëkurës  (S.Dobreci, Ulqin ), Tumorët malinj të fëmijët  (S.Zhugjeloviq, Ulqin ), Tumorët e trurit  (B.Bala, Shkodër ), Pneumonitë ideopatike (B.Gjuriq, Novi Sad ), Infrakti i miokardit  (A.Maraj, Ulqin ), Teknika ekstrakorporale (L. Mormeror, Hamburg ), Ndërveprimet e barnave (M.Disha, Prishtinë)  etj.

Sponsorë të këtij simpoziumi, siç thanë organizatorët ishin Ministria për Mbrojtjen  e të Drejtave të Popujve Pakicë pranë Qeverisë së Malit të Zi , Fondit të Shëndetësisë së MZ dhe Kuvendi i Komunës së Ulqinit.

Rreth kumtesave të paraqitura u zhvilluan edhe diskutime të frytshme profesioniste.(Intron)

Ulqin, l7 nëntor-Dukuria e ndërtimeve të jashtëligjshme është e pranishme kaherë në pikat më të kërkuara turistike  dhe në ato që shtrihen përgjatë rrugës kryesore të qytetit. Shumë herë janë bërë përpjekje për të vendosur rregull nëpërmjet vendimeve të ndryshme lokale dhe  ligjore, por nuk ka dhënë ndonjë rezultat,planet detaje urbanistike nuk janë përfillë.Në parlamentin vendor të Ulqinit ndodhet në procedurë të miratimit një vendim për legalizimin e trojeve të ndërtimtarisë.Këshilltarët e dy partive në pushtetin lokal, Lidhja Demokratike në Mal të Zi dhe Unioni Demokratik i Shqiptarëve janë duke rrahur vlerësime të ndryshme rreth kësaj çështjeje.Këshilltarët dje e kanë miratuar një komision parlamentar,mirëpo dy partitë nacionale bashkëqeverisëse lokale nuk kanë rënë ende në një mendje rreth kryetarit të këtij komisioni që ka për të detyrë regjistrimin e shitjen e trojeve të ndërtimit në disa lagje të qytetit të Ulqinit, prandaj debati në Kuvendin lokal do të vazhdohet javën e ardhshme.

Është dëgjuar nga këshilltarët se kjo kategori e trojeve duhet të kundrohet mirë sepse në ndonjerin prej tyre mund të jenë bërë edhe ndërtime e shërbimet e administratës lokale, duke u mbështetur në planet detaje urbanistike janë shpallur të lira.

Vendimi i shitjes së trojeve të ndërtimit,pronë e Komunës së Ulqinit,krijon mundësinë e legalizimit të ndërtimeve të jashtëligjshme edhe në këtë mënyrë të sigurohen fonde për investime të reja në infrastrukturën e këtij mjedisi.(Intron)

Ulqin, l6 nëntor-Një delegacion i Qeverisë së Malit të Zi, në të cilin ishin Jusuf Kallamperoviq, ministër i Komunikacionit dhe Detarisë, Gëzim Hajdinaga, ministër për Mbrojtjen e të Drejtave të Grupeve Nacionale dhe Etnike etj.vizizoi dje Shqipërinë. Ministri Kallamperoviq pas kthimit nga Tirana në Podgoricë  u ka deklaruar mediave të Malit të Zi se me autoritetet shqiptare ka biseduar lidhur me rivenien në qarkullim të hekurudhës Podgoricë-Shkodër. Kështu, ka thënë ai se deri për Vitin e Ri do të rikonstruktohen 4 km hekurudhë deri në Bajzë(stacioni i parë )brenda territorit të Shqipërisë. Për rikonstruktimin e hekurudhës Podgoricë-Shkodër do të shfrytëzohen pragjet e prodhuara në Mal të Zi, përkatësisht në Kollashin, si dhe guri i bluar nga Nikshiqi. Fillimisht riparimi i hekurudhës do të bëhet deri në Bajzë e më pastaj do të vazhdojë deri në Shkodër. Pjesa e fundit parashihet të realizohet deri në fund të vitit të ardhshëm, atëherë kur do të vendoset edhe treni i udhëtarëve, ka thënë ministri malazias i Komunikacionit.

 Ai ka theksuar se pala shqiptare ka mbështetur idenë për ripërtëritjen e rrugës Sarajevë-Podgoricë-Tiranë, të cilën ka shfaqur interesim Unioni Evropian për ta mbështetur me mjete financiare. Që të dy palët kanë përkrahur idenë e ndërtimit të rrugës Plavë-Podgoricë, e cila do të duhej të kalonte nëpër territorin e Shqipërisë edhe ky akt  do të shkurtonte këtë  rrugë prej l8l km të tashme në 7o km. Kallamperoviq ka thënë se Shqipëria i ka siguruar mjetet financiare për të lidhur Shkodrën me Tivarin edhe parakusht për këtë është hapja e pikës kufitare të Sukubinës-Muriqanit, komuna e Ulqinit, pastaj është biseduar rreth mundësive të lundrimit nëpër liqenin e Shkodrës dhe lumin Buna. (Intron)

Ulqin, l6 nëntor-Kaherë është shtruar kërkesa për hapjen e maternitetit në Ulqin, por kjo nismë nuk ka hasur në mbështetje në strukturat republikane.Mirëpo, sië deklaron Dr.Gani Karamanaga, kryetar i Shoqatës së Mjekëve të Ulqinit edhe i projektit për hapjen e këtij reparti të lindjes pranë Shtëpisë së Shëndetit në Ulqin me të gjitha ordinancat që i takojnë një objekti të këtillë.Për të realizuar këtë, lypset të ndërtohet objekti i ri.Dr. Ganiu thotë se për këto qëllime tashmë është angazhuar një arkitekt, kurse elaborati për këtë projekt do të përfundojë javën e ardhshme edhe do të dërgohet në adresat e duhura në Mal të Zi.

 Një shpresë të madhe se ka për të ndihmuar në ndërtimin e maternitetit në Ulqin Dr. Ganiu e mbështet te ministri  për Mbrojtjen e të Drejtave të Grupeve Nacionale dhe Etnike, Gëzim Hajdinaga, pranë Qeverisë së Malit të Zi.
Për të hapur maternitetin  në Ulqin ekziston edhe kuadri profesionist i mjekëve, por duhet të përgatitet edhe personeli tjetër. Iniciativa ka hasur në mbështetje të të gjitha subjektet politike në Ulqin. (Intron)

Ulqinit, l6 nëntor-I vetmi qytet në bregdetin e Malit të Zi, i cili nuk ka marinë është, pikërisht , Ulqini. Disa herë në monizëm është premtuar se do të realizohet ky objekt, por më shumë ka qenë premtim politik se sa një projekt i njëmendët. Shans shumë reale është vlerësuar koha pas termetit të vitit l979 se do të ndërtohet marina, meqë atëherë ka pasur mjete të shumta financiare  të cilat  strukturat e atëhershme komunale të Ulqinit as nuk kanë ditur t i  shfrytëzojnë e as nuk kanë pasur gatishmëri për ta bërë këtë.Edhe pas viteve 9o-të nëpër momente të ndryshme euforike parazgjedhore është përmendur ndërtimi i marinës në Ulqin, por nuk është arritur kjo. Bregu i detit të Ulqinit ka disa pika ku do të mund të ngritet marina, si në Porto Milenë, Lima, Ranë etj. por mungon iniciativa serioze.

Ulqini ka arsye të kërkojë një objektet të këtillë, sa për nevoja praktike të strehimit të barkave dhe të vazhdimit të traditës si qytet i anijeve dhe i piratëve.(Intron)

Fotoreportazh
Ulqin, l5 nëntor –Ky qytet ka një pamje solemne.Njerëzit, të buzëqeshur,plot hare e gëzime urojnë njeri tjetrin që kanë pritur muajin më të madhurueshëm e  të devotshmërisë, Ramazanin. Secila shtëpi ka dritë e lumturi shpirtërore, duke harruar të gjitha brengat.
Gjatë ditës së sotme, në shenjë nderimi- muajit të agjerimit dhe përkushtimit të Ramazanit, u organizuan aktivitete të shumta fetare.Kështu, pas namazit të ikindisë e mukabeleve –leximit të Kur-anit të lavdëruar, u bë përurimi i objektit të ri të Bashkësisë Islame të Ulqinit. Në të ndodhen biblioteka, salla e leximit, salla për mësim-besim, për mësimin e gjuhës arabe dhe asaj angleze, e pajisur me kompjuterë për të përvehtësuar informatikën.
Në kuadër të fillimit të muajit të madhërueshëm të Ramazanit u bë edhe përurimi i disa objekteve të riparuara në Xhaminë e Pashos, e cila ndodhet në afërsi të Ranës.
Në komunën e Ulqinit veprojnë 26 xhami, 5 në qytet, ndërsa 21 në rrethinë , objekte të reja dhe pajisura mirë edhe të gjitha funksionojnë gjatë muajit të Ramazanit.

Në foto:Xhamia në Krye të Pazarit

Në foto:Hyrja në Mejtep

Në kuadër të kësaj ndërtese të re të Bashkësisë Islame të Ulqinit ndodhen:salla e lexim-besimit të gjuhës arabe dhe angleze dhe pajimet e informatikës. Momentalisht mësimet i ndjekin mbi 2oo nxënës. Që të gjithë janë të grupmoshave të ciklit të ulët të shkollave fillore.

Në foto: salla e mesimbesimit dhe gjuhes arabe dhe gjuhes angleze

Në foto:Pamje nga biblioteka

 Në këtë hapësirë ndodhen libra të shumtë fetarë, në gjuhën shqipe dhe boshnjake. Është interesim i theksuar i lexuesve të të gjitha moshave.

ZYRA E BASHKËSISË ISLAME

Në foto: Selia e Bashkëssisë Islame e Ulqinit dhe salla e kurorëzimit

Në foto: Haxhi  Rexhep ef. Lika

Haxhi  Rexhep ef. Lika
Po fillon muaji i Ramazanit, në të cilin ka filluar shpallja e Kura-anit, e Kur-ani është fjala e Allahut drejtuar gjithë njerëzimit, është ligji sipas të cilit e kanë detyrë të punojnë besimtarët, të  sillen, të mendojnë edhe të gjykojnë. 

 Pra, në këtë muaj, për hir të asaj që Allahu filloi shpalljen e Kur-anit, u urdhërua edhe agjerimi në këtë muaj. Agjerimi është obligim, jo vetëm të tërhiqemi nga ushqimi, pija dhe thithja e duhanit, edhe tjera që prishin agjerimin, por agjerimi është diçka më i lartë, diçka më e madhe, ashtu sikur thotë Zoti:Për të qenë të devotshëm, agjerimi dhe roli i tij për besimtarët është ngritje shpirtërore dhe devotshmëri, asesi uri, asesi mundim. Përkundrazi, kënaqësi me Zotin  dhe duke e pasur këtë kënaqësinë me Zotin , të mundohemi, brenda mundësive tona, t i  kënaqim të afërmit tonë, besimtarët dhe të gjithë njerëzit rreth nesh që e duan të mirën dhe që e meritojnë atë të mirë.U dëshiroj që këtë muaj të madhërueshëm ta kaloni në ibadet, adhurim, kënaqësi dhe hare, lumturi e paqe (Intron)

... KU MUND TË INVESTOHET NË ULQIN?

 CILA ËSHTË PJESA MË ATRAKTIVE PËR INVESTIME ? 

 KOMPENSIMET –SIPAS TREGUT

Ulqin, l3 nëntor-  Pas shtyrjes së mbledhjes së Parlamentit lokal të Ulqinit, sot më në fund, i vazhdoi punimet. Pika më e diskutueshme ishte informata mbi rrjedhat turistike të verës së kaluar. Këshilltarët kishin në disponim informatën e hartuar nga Sekretariati për Ekonomi, Buxhet e Financa, sektor ky që drejtohet nga përfaqësuesi i Unionit Demokratik të Shqiptarëve. Materiali bazë, sipas klubeve të këshilltarëve nga aspekte të ndryshme.Derisa ata të UDSH- së e cilësonin si të hartuar mirë edhe është një pasqyrë e cila jep informacione të bollshme mbi sezonin e kaluar  turistik, klubet tjera shfaqnin pikëpamjet e veta, siç thonin ata, për të menjanuar me kohë dobësitë e reflektuara gjatë verës në qytet, në plazhe, rrugë etj.

Ulqin, l3 nëntor :Këshilltari i Lidhjes Demokratike në Mal të Zi, Hajrullah Hajdari u përqëndrua në një segment tjetër, por është i lidhur ngusht me turizmin: mirëmbajtja e pastërtisë në zonat ku nuk kontrollohet nga pushteti vendor. Në këtë kontekst përmendi papastërtinë e madhe që ka mbretëruar gjatë stinës turistike përreth Stacionit të Autobusëve gjatë gjithë sezonit turistik. Njeriu që menaxhon me këtë stacion realizoi të ardhura të larta. Për çdo autobus që është futur në stacion ka marrë nga 44 marka.

   Ka qenë i madh numri i autobusëve, sepse turistët nga Kosova masovikisht kanë arritur në Ulqin me autobusë. Ka mjaftuar që të ndante të ardhurat e një autobusi që të mirëmbante pastërtinë.  
Ky këshilltar bëri vërejtje të shumta për fatin që po pëson Pylli i Pishnajave, i cili ndodhet midis hoteleve “ Galeb” dhe “Albatros”. Ndërmarrja “ Morsko dobro” me seli në Budvë i mbledh të ardhurat, duhet edhe ta mirëmbajë pastërtinë. (Intron)

   Nuk mund të quhen përgatitje turistike nëse delegacioni i komunës së Ulqinit  së bashku me atë të Rivierës kanë qenë në Kosovë e Shqipëri edhe, sipas pushtetarëve, ky qëndrim ka pasur efekt pozitiv sepse kanë ardhur të pushojnë mbi 7o mijë mysafirë. Nëse është kështu, Xhemali propozoi që pushtetarët lokalë të shkojnë në Gjermani, Francë e Angli. Por, ky këshilltar shfaqi mendimin se pushteti vendor nuk e ka kryer në nivel detyrën gjatë sezonit turistik. Kjo paaftësi është treguar në papastërtinë drastike, mungesa me ujë të pishëm  e sidomos rreth vjeljes së taksave të banimit. Nëse në këtë gjendje do ta presim sezonin e ardhshëm, do të dëshmojmë se nuk dimë të qeverisim, tha ai. (Intron)