Erë e re në Ballkan? 

Koment nga:Ardi PULAJ/ TIRANË

Nuk mund të kalohej pa indiferencë në qarqet politike të Tiranësmarrëveshja historike mes Serbisë dhe Malit të Zi për krijimin e një shteti me të njëjtin emër, duke shmangur termin tashmë të vjetëruar: Jugosllavi.
Udhëheqësit serbë dhe malazezë kanë nënshkruar në Beograd një marrëveshje për ribërjen e Jugosllavisë, duke ndaluar shpërbërjen e pjesës së mbetur.

PODGORICË:31 MARS

Koment nga:Darko Shukoviq

**Në vend të aplaudimit dhe stabilitetit të planifikuar shtetëror, kryetari Gjukanoviq pas nënshkrimit të Marrëveshjes kornizë mbi bashkësinë e shteteve u gjend përpara një furie kritikash, së pari nga aleatët e tij të deridjeshëm nga blloku për pavarësi - socialdemokratët dhe liberalët

 PODGORICË:31 MARS

Një zyrtar i nivelit të lartë të Partisë Demokratike të Socialistëve (DPS) në pushtet në Mal te Zi tha se zgjedhjet e përgjithshme të parakohëshme mund të jenë zgjidhja më e mirë për republikën. Zëvendëskryetari i DPS-së Svetozar Maroviç siguroi të premten (29 mars) se ai nuk pret që të formohet një aleancë e re në pushtet dhe kështu që zgjedhjet duhet të zhvillohen në vjeshtë, së bashku me votimin presidencial.

Aleanca e tanishme në pushtet është duke u shpërbërë, pasi partneri më i vogël, Partia Social-Demokratike (SDP), njoftoi planet për t’u larguar prej saj dhe Aleanca Liberale e Malit të Zi (LSCG) vendosi të tërheqë mbështetjen e saj. Duke komentuar propozimin e LSCG-së për të hyrë në aleancën në pushtet vetëm nëse i ofrohen funksionet e kryeministrit dhe të presidentit, Kryeministri Filip Vujanoviç tha se kërkesat nuk janë realiste.

Copyright © 2002 intron-presse /HB/

PODGORICË:31 MARS
Për të dytën ditë rresht të enjten (28 mars), parlamenti i Malit të Zi nuk arriti të votojë mbi marrëveshjen e re për të formuar një federatë të lirë me Serbinë. Ligjvënësit thonë se do të përpiqen përsëri të martën.
Ndërkohë, Aleanca Liberale e Malit të Zi (LSCG), partia e opozitës që mbështeste qeverinë, tani thotë se do të hyjë në aleancën në pushtet vetëm nëse i ofrohen funksionet e presidentit dhe kryeministrit.

LSCG thotë se do t’ia paraqesë ofertën Partisë Demokratike të Socialistëve në pushtet në fillim të javës së ardhshme. Aleanca në pushtet në fakt u shpërbë pasi Partia Social-Demokratike njoftoi planet për t’u larguar.

 Copyright © 2002 intron-presse /HB/

Indinjatën dhe mospajtimin e vetë Bashkëisa Islame e ka shprehur edhe me mospjesëmarrjen e Reisit në këtë solemnitet në Shkup. Në komunikatë thuhet:   

Shkup:31 MARS
Bashkësia Islame e Maqedonisë të premten ka reaguar përmes një komunikate të nënshkruar nga Reisul-Ulemaja i BIM, Hfz. Arif Efendi Emini për ndërtimin dhe lëshimin sot në përdorim të Pallatit të Gjykatës Supreme të Maqedonisë, të ndërtuar mbi themelet e një xhamie në mes të Shkupit.
Indinjatën dhe mospajtimin e vetë Bashkëisa Islame e ka shprehur edhe me mospjesëmarrjen e Reisit në këtë solemnitet në Shkup. Në komunikatë thuhet:
"Siç është i njohtuar opinioni më i gjerë, sot në Shkup u lëshua në përdorim Pallati i Gjykatës Supreme të Maqedonisë. Bashkësia Islame është e shtërguar të njohtojë të gjithë njerëzit qëllimmirë për një fakt që flet shumë për zhvillimin dhe ndërtimin e Maqedonisë demokratike.

VASHINGTON:31 MARS

Uashingtoni përsëriti kërkesën e tij që Jugosllavia të bashkëpunojë me Gjykatën e Kombeve të Bashkuara për krimet e luftës në mënyrë që të plotësojë kushtet për të marrë ndihmën financiare amerikane. Ambasadori i Shteteve të Bashkuara për çështjet e krimeve të luftës, Pierre Prosper, u tha gazetarëve në Nju Jork se gjenerali i serbëve të Bosnjes, Ratko Mlladiç duhet t’i dorëzohet Gjykatës së Hagës. Ai tha se vendimi për ndihmën amerikane do të varet megjithatë nga niveli i përgjithshëm i bashkëpunimit të Jugosllavisë me Hagën.

Administrata e presidentit Bush duhet të përcaktojë deri më 31 mars nëse autoritetet jugosllave kanë bërë sa duhet për të marrë ndihmën financiare amerikane prej të paktën 40 milion dollarësh. Vitin e kaluar, kërcënime të ngjashme për mosdhënie ndihmash i detyruan autoritetet jugosllave të dorëzonin ish presidentin Sllobodan Millosheviç, i cili tani po gjykohet i akuzuar për krime lufte në Bosnje dhe në Kosovë. Gjykata ka kërkuar ndihmë për dorëzimin e personave të tjerë të akuzuar për krime lufte, por deri tani Jugosllavia ka refuzuar.

Copyright © 2002 intron-presse /HB/

Ulqin,3o mars-Sot Shoqata e Intelektualëve “Art Club” shënoi 115- vjetorin e shkollës së parë shqipe në Ulqin, Anë të Malit, Krajë. Ishin të pranishëm mësuesit e parë të pas Luftës së Dytë Botërore, personalitete të jetës politike, kulturore e intelektuale nga Ulqini, Tivari, Malësia, Shkodra etj.

 Mr. Riza Rexha, udhëheqës i  tha se ky moment është shumë i veçantë për historinë, kulturën e arsimin e Ulqinit, Anës së Malit, Krajës, por edhe më gjerë sepse nderohen mësuesit e parë shqiptarë që erdhën këtu për të shpërndarë dritën e diturisë në gjuhën shqipe, sidomos pas vitit l945. Edhe pse në kushte jashtëzakonisht të rënda politike dhe ekonomike, ata arriten ta mbajnë gjallë arsimin shqip në këto anë. Shënimi i këtij jubileu të rëndësishëm ka edhe të veçantën tjetër se në këtë mjedis ndodhet edhe një numër të atyre shkëndijave të para të arsimit shqip, të cilët nisen detyrën e shenjtë të shkollës shqipe që nga viti l945 edhe i kontribuan shumë shkrim-leximit dhe ngritjes së vetëdijes kombëtare.

Përballë kësaj, një numë i madh i tyre nuk jetojnë më, por respekti për angazhimin e tyre ka mbetur i përhershëm.Numri i brezit i mësuesve të parë shqiptarë  nga rajoni i Ulqinit dhe  Krajës është rreth 5o sish, këtu të pranishëm janë vetëm gjashtë. Konsideroj se e kemi obligim intelektual e kombëtar që t`i  respektojmë këto figura të ndritura të arsimit në gjuhën shqipe.

 Për kushtet e punës së  shkollës shqipe në Ulqin e Krajë në periudhën l941-l942 foli Mësuesi i Popullit, Faik Luli nga Shkodra, për periudhën l954-l955 prof. Dr. Palokë Berisha nga Malësia, si dhe mësuesit mmmë të moshuar Angjelina Buji nga Podgorica, Faik Avdiu nga Sukubina, Zef Kalaj nga Malësia dhe Vatë Elezaj nga Shtoji, kuadrot e para në shkollat shqipe në Ulqin, Anë të Malit e Krajë menjëherë pas Luftës së Dytë Botërore.(Intron)

Ulqin,29 mars- Këshilltarët e Komunës së Ulqinit filluan sot seancën e parë të rregullt edhe gjatë gjithë ditës debaatuan rreth rendit të ditës, madje duke bërë edhe ndërprerje të punës meqë këshilltarët e dy partive në pushtet, LD në MZ dhe UDSH nuk mund të pajtoheshin me disa pika të rendit të ditës. Deri sa kryetari i komunës Skënder Hoxha lexoi propozimin e pikëve edhe disa prej tyre që të shtyhen, sidomos ato që kishin të bënin me planet urbanistike e mbi të gjitha në ish-kompleksin e mandarinave dhe ullinjve, duke i dhënë përparësi buxhetit të komunës për sivjet, kryetari i klubit të UDSH, Dedë Zadrima në emër të klubit të këshilltarëve të partisë së tij insistoi që pikë e dytë e rendit të ditës të vehet çështja e lëndëve kontestuese me origjinë që nga koha e monizmit edhe vendimet gjyqësore presin të realizohen, të cilat sipas tij, janë disa fish më të rënda se një buxhet vjetor komunal.

Partneri i koalicionit, pra LD në MZ nëpërmes kryetarit të klubit të këshilltarëve të kësaj partie i jepnin përparësi buxhetit që duhet të miratohet deri më 3l të këtij muaji. Klubi i UDSH dhe udhëheqja më e lartë partiake thonin se angazhohet që të vlerësohet mandati i këtij pushteti, të kundrohet përgjegjësia e atyre që kanë shkaktuar lëndët kontestuese gjyqësore të kohës së pluralizmit. Edhe krahu i këshilltarëve të socialistëve të Gjukanoviqit kërkonin të miratohet buxheti më parë.
Pa dyshim se pika më e ndjeshme është ajo që ka të bëjë me ndërrimin e pagëzimin e emrave të shesheve dhe rrugëve në territorin e mbarë komunës. Nga opozita u dëgjuan vlerësime se dy partitë nacionale, LD në MZ dhe UDSH, nga ky projekt synojnë të përftojnë kapital politik në radhët e elektoratit të këtushëm shqiptar.
Kjo senacë ka gjasa që të zgjasë disa ditë, mbase edhe më shume, deri në fund të mandatit, më l5 maj të këtij viti, kur duhet të mbahen zgjedhjet lokale(Intron)

 PODGORICË:28 MARS - Në Kuvendin e Malit të Zi ka vazhduar debati për marrëveshjen e rregullimit të marrëdhënieve në mes të Serbisë dhe Malit të Zi. Deputeti i Lidhejs Demokratike të Shqiptarëve të Malit të Zi, Mehmet Bardhi, e kritikoi nënshkrimin e marrëveshjes dhe rregulloren, ku disa çështje, që kanë të bëjnë me mbrojtjen e të drejtave të njeriut dhe të pakicave kombëtare, do të jenë në kopetencat e Këshillit të ministrave.

"Shqiptarët nuk do të shkojnë në Beograd, që atje të debatojnë për statusin e vet", tha Bardhi.

Me Bardhin replikoi kryeministri Vujanoviq, i cili tha se disa çështje që i janë lënë në kopetencat e Këshillit të ministrave të bashkësisë shtetërore të Malit të Zi dhe të Serbisë, ka të bëjë vetëm me aplikimin e akteve ndërkombëtare.

Copyright © 2002 intron-presse /HB/

VUJANOVIQ: U MËNJANUA RREZIKU I KONFLIKTEVE

 PODGORICË:28 MARS
Kryeministri serb, Filip Vujanoviq deklaroi të mërkuren se marrëveshja e Beogradit tejet qartë e përcakton nivelin e arritur të reformave ekonomike në shtetet anëtare dhe është bazë fillestare për caktimin e marrëdhënieve të tyre të ndërsjella ekonomike. Sipas vlerësimit të tij, kjo "e mënjanon rrezikun e konflikteve të institucioneve për shkak të ekzistimit të nevojës reale që institucionet federale ta realizojnë pushtetin edhe në këtë hapësirë të Malit të Zi dhe funksionimin e institucioneve tona të cilat tanimë një kohë të gjatë shtetësisht i kemi konstituar". Tani është e domosdoshme që institucionet e sistemit ekonomik të fillojnë të bashkëpunojnë, si institucione të dy shteteve, për të mirën e njërit dhe tjetrit shtet, mirëpo edhe për të mirën e përbashkët", tha Vujanoviq. Kuvendi në Podgoricë debaton për marrëveshjen e bashkësisë "Serbi Mali i Zi" - Shqipatrët të pakënaqur me këtë marrëveshje simbas debatit që e bëri Mehmet Bardhi dhe Ferhat Dinosha në parlamentin e Malit të Zi.

Në Podgoricë po zhvillohet mbledhja e kuvendit të Malit të Zi ku duhet të aprovohet marrëveshja e nënshkruar në Beograd për ripërcaktimin e marrëdhënieve mes Malit të Zi dhe Serbisë. Kryeministir i Malit të Zi Filip Vujanovic në fjalimin e tij në parlament tha, se marrëveshja i siguron Malit të Zi të drejtën që pas tre vjetësh të rishqyrtojë funksionimin e bashkësisë midis dy vendeve. Seanca e parlamentit po zhvillohet me debate të ashpra mes deputetëve të partive pro pavarësisë dhe atyre që janë për bahskësinë mes Malit të Zi dhe Serbisë. Me marrëveshjen e nënshrkuar në Beograd nuk janë të kënaqura as subjektet politike shqiptare në Mal të Zi. Shqiptarët kanë vërejtje lidhur me dispozitën e marrëveshjes, ku parashikohet që të drejtat e pakicave të trajtohen në nivel federativ.

Copyright © 2002 intron-presse /HB/

BULATOVIQ "U SHPREHU MIRËNJOHJE" ZYRTARËVE MALAZEZ

 PODGORICË:28 MARS
Shefi i klubit të deputetëve të PPS, Predrag Bulatoviq tha në parlamentin malazez se Koalicioni Bashkë për Jugosllavinë e mbështet Marrëveshjen për rirregullimin e marrëdhënieve midis Serbisë dhe Malit të Zi. Bulatoviq,

siç njohtoi Mina, "iu falënderua" zyrtarëve malazez që e kanë nënshkruar dokumentin në Beograd. "Është e qartë se pushteti malazez e ka rimarrë programin e PPS, përkatësisht koalicionit tonë", tha Bulatoviq. Copyright © 2002 intron-presse /HB/

VASHINGTON:29 MARS

Sekretari i Shtetit, Colin Powell, tha se pret që Jugosllavia të bashkëpunojë me gjykatën e Hagës si kusht për marrjen e ndihmës amerikane.
Sekretari Powell tha dje se Beogradi duhet t’u japë prokurorëve të gjykatës së Hagës lejen për të parë arkivat. Ata, tha ai, duhet të bashkëpunojnë duke dorëzuar personat e akuzuar për krime lufte. Sekretari Powell bisedoi rreth kësaj çështjeje me zëvendës kryeministrin serb, Nebojsha Çoviq, i cili u tha gazetarëve se do të ndërmarrë hapat e nevojshëm, megjithëse theksoi se qeveria e tij ka trashëguar disa probleme serioze.

Sekretari Powell tha se do të vendosë deri ditën e dielë nëse Jugosllavia i ka plotësuar apo jo kushtet e paraqitura nga Kongresi amerikan për të marrë ndihmën prej 40 milionë dollarësh.

Dje, qeveria serbe miratoi një dekret, nëpërmjet të cilit autorizon arrestimin dhe ekstradimin e personave të akuzuar për krime lufte. Dekreti miratohet një ditë pasi Serbia transferoi në Kosovë 145 të burgosur shqiptarë që mbaheshin në burgjet serbe.

Copyright © 2002 intron-presse /HB/

NJË RAST TRAGJIK
Ulqin,3o mars- Në katundin Zogaj, komuna e Ulqinit,dje humbi jetën tragjikisht Rexhep Hasan Bojku (11). Nga burimet jozyrtare mësojmë se i ndjeri ka qenë adhurues i gjuetisë. Në fqinjësi ka marrë një çifte edhe është nisur në gjah. Në një largësi prej 5o metrash larg shtëpisë së tij në mënyrë të pakontrolluar ka shkrehur pushka e gjojës duke i shkaktuar lëndimet të rënda nga pasojat e të cilave ka vdekur në vendin e ngjarjes. Ky rast tragjik ka prekur shumë rëndë të gjithë banorët e komunës së Ulqinit, por edhe më gjerë për çka u dëshmua edhe në praninë e një numri të madh të njerëzve që moren pjesë në varrimin e këtij të riut fatkeq. I ndjeri ka lënë pas vetëm nënën e vejë.(Intron) 
 

Lind: 07.10.1990

                    ndroj jet:29.03.2002

Ulqin,27 mars- Një firmë sllovake po tregon interesim për të investuar në rajonin e Plazhit të Madh.Ndërkaq, realizimi i këtij projekti varet shumë se çfarë qëndrimi do të marrin këshilltarët e parlamentit të Ulqinit në mbledhjen e ditës së premte.Nëse do ta miratojnë vendimin për ndërrimet e planit të përgjithshëm urbanistik krijohen të gjitha kushtet që firma sllovake të nis realizimin e kësaj ideje.Në nivelin republikan projektin e kanë mbështetur Ministria e Turizmit dhe NP “Të mirat detare”.Fillimisht janë paraparë të investohen mbi 42 milion marka për të ndërtuar tre hotele të kategorisë së lartë dhe dy kompleksesh bungallosh me rreth 2ooo shtretër edhe do të përfshinte një sipërfaqe prej ll,5 hektarë.

 Andrej Kolar, përfaqësues i firmës sllovake  ka deklaruar  se kjo kompani tashmë e ka miratuar dinamikën e realizimit të projektit  menjëherë pas miratimit të vendimit në parlamentin lokal, me qeverinë e Malit të Zi edhe zyrtarisht do ta nënshkruajë kontratën për ndërtimin e kompleksit të hoteleve, në të cilin, sipas fjalëve të përfaqësuesit sllovak, Kolar do të punësohen 5oo veta.

Sipas tij, së afërmi këtë firmë sllovake do ta vizitojë edhe  një delegacion i Qeverisë së Malit të Zi.Kolar ka thënë se është vendosur një bashkëpunim i mirë midis pushtetit lokal të Ulqinit dhe NP “Të mirat detare”.Më parë një delegacion i komunës së Ulqinit e ka  vizituar këtë firmë në Sllovaki edhe me atë rast  është njoftuar me kapacitetet dhe potencialet e kësaj firme.Delegacioni i Ulqinit  ka treguar interesim për ndërtimin e një fabrike për pastrimin e ujit dhe të mbeturinave.Kjo i mungon Ulqinit edhe Malit të Zi.

 Parlamenti i Ulqinit duhet të vendosë të premten mbi këtë ofertë të partnerit nga Sllovakia.(Intron)

PODGORICË:26 MARS

Presidenti i Malit të Zi, Milo Gjukanoviq deklaroi se me marrëveshjen për rirregullimin e marrëdhënieve midis Serbisë dhe Malit të Zi do të rregullohen marrëdhëniet e ndërsjella deri me realizimin e pavarësisë së tyre të plotë. "Ky është aranzhman kalimtar në drejtim të pavarësisë së plotë edhe të Malit të Zi edhe të Serbisë", tha Gjukanoviq, i cili në parlamentin malazez e ka paraqitur ekspozenë. Marrëveshja, sipas fjalëve të Gjukanoviqit, është zgjidhja më e mirë deri te e cila ka mundur të vihet në ambientin ekzistues politik në Mal të Zi, rajon dhe në Evropë.

Presidenti i Malit të Zi, Milo Gjukanoviq mbrojti në Parlamentin në Podgoricë vendimin e tij që të nënshkruaj Marrëveshjen për shtetin e ri të përbashkët me emërin Serbia dhe Mali i Zi dhe kërkoi miratimin e dokumentit. Gjukanoviq tha se “Marrëveshja paraqet aranzhman kalimatar në drejtim të pavarësisë së plotë të Malit të Zi dhe Serbisë, dhe se pasqyron realitetin politik” në republikën e tij. Mirëpo, Partia Socialiste Popullore malazeze, kërkoi edhe një ditë që të përgaditet për debatin paralamentar, që pritet të fillojë nesër, por nuk është e qartë se kur do të votojë paralamenti në Podgoricë lidhur me Marrëveshjen.

Copyright © 2002 intron-presse /HB/

 PODGORICE:26 MARS
Partitë politike të Malit të Zi ka të ngjarë të formojnë një qeveri të re, "kompromisi", thotë Miodrag Vukoviq, një ndihmës i Presidentit malazez Milo Gjukanoviq. Parlamenti malazez duhet të diskutojë marrëveshjen që ripërcakton marrëdhëniet serbe dhe malazeze të martën (26 mars).
Vukoviq parashikon se Partia Demokratike e Socialistëve në pushtet e Presidentit malazez Milo Gjukanoviq do t’a mbështesë marrëveshjen, ndërsa Aleanca Liberale e Malit të Zi - partia e opozitës, e cila mbështeste partinë në pushtet - dhe Partia Social Demokratike, e cila planifikon të largohet nga qeveria, do t’a kundërshtojnë atë.

 Por Vukoviq tha të dielën se të tre partitë do t’a kuptojnë se marrëveshja në fakt është "gjysmë-hapi" i parë drejt njohjes ndërkombëtare të sovranitetit të Malit të Zi. Ai parashikon se do të formohet një qeveri kompromisi, për të ekzekutuar gjysmë-hapin tjetër drejt pavarësisë gjatë tre vjetëve të ardhshëm.

 Copyright © 2002 intron-presse /HB/

Tetovë:26 MARS

Njoftohet për 5 persona të vrarë dhe disa të tjerë të plagosur të hënën mbrëma në Reçicë ë Vogël afër Tetovës gjatë një përleshjeje të armatosur mes dy grupeve shqiptare - mes ish-pjesëtarëve të UÇK-së dhe Armatës Kombëtare Shqiptare (AKSH). Përleshjet u shkaktuan në fshatin Reçicë e Vogël, 3 km nga Tetova.

Armata Kombëtare Shqiptare përmes postës elektronike i ka dërguar QIK-ut një komunikatë, në të cilën thuhet se në pasditën e 25 marsit 2002 në rrethinën e Tetovës, "u imponua kundërmbrojtja e njësive të AKSH-së, me pasoja të dyanshme nga sulmi", siç thuhet i "mbeturinave reaksionare mbi vullnetarët e lirisë".

Poashtu në komunikatë thuhet se në pasditën e 25 marsit, në orën 13.30 "bandat mercenare kanë zënë vullnetarët e lirisë dhe në afërsi të Reçicës së Vogël kanë rrahur për vdekje ata së bashku me taksistët dhe kanë kërkuar t'ua dorëzojnë forcave maqedonase".
Pas gjashtë orë bisedimesh të pasuksesshme për t'i liruar ata kanë hapur zjarr kundër pjesëtarëve të AKSH-së, duke vrarë Avni Beqirin dhe duke plagosur një tjetër me nofkën "Roki". Ndërkaq nga pala tjetër janë vrarë tre vetë, thotë komunikata.

Në vazhdim të komunikatës flitet edhe për incidentet e tjera që kanë ndodhur, por siç thuhet pjesëtarët e AKSH-së kanë evituar vëllavrasjen.

Poashtu përshkruhet edhe një incident që ka ndodhur më 23 mars në afërsi të fshatrave të Shkupit, por pa pasoja.

Copyright © 2002 intron-presse /HB/

SHKUP:25 MARS

Një sondazh i grupit Mbështetja për Demokracinë e Europës Juglindore (SEEDS) sugjeron se papunësia është shqetësimi kryesor në rajon, i ndjekur nga varfëria dhe korrupsioni. Sondazhi përfshiu një numër të përgjithshëm prej 10,000 intervistash ballë për ballë, të zhvilluara në Serbi, Mal të Zi, Kosovë dhe Bosnje-Hercegovinë, së bashku me një sondazh të posaçëm të zhvilluar në Republikën Sërbska, Kroaci, Maqedoni, Bullgari dhe Rumani.

Kosova paraqiti shkallën më të lartë të optimizmit për sa i përket zhvillimit në të ardhmen, si dhe besimin më të madh tek institucionet. SEEDS është një organizatë ndërkombëtare e analistëve rajonalë. www.idea.int/balkans

Copyright © 2002 intron-presse /HB/

BEOGRAD:26 MARS

Presidenti kroat Stipe Mesiç mbështet një rregjim të liberalizimit të vizave me Jugosllavinë. Në një intervistë më 23 mars me të përditshmen Blic me qëndër në Beograd, Mesiç bëri thirrje për bashkëpunim në të gjitha fushat, duke thënë se sa më shumë të bashkëpunojnë vendet, aq më shpejt do t’i kapërcejnë çështjet e pazgjidhura.

Në një shembull të tillë, Zagrebi njoftohet se deri në fund të prillit do të kërkojë një raport nga Banka

Kombëtare Jugosllave, në lidhje me 589 milion dollarë të zhdukur, të përcaktuara për vendet pasuese të ish-federatës jugosllave.

Gjetkë, një këshill i OBT-së i ka bërë thirrje Sllovenisë dhe Kroacisë të gjejnë një zgjidhje dypalëshe të mosmarrëveshjes së tyre më të fundit, në lidhje me rregullat e transportit dhe dërgesave. Lubljana të premten paraqiti ankesa pranë këshillit, kundër rregullave të reja të Zagrebit mbi transportin e naftës.

 Copyright © 2002 intron-presse /HB/

PRISHTINË:26 MARS

Sot në Kosovë u kthyen të gjithë të burgosurit shqiptarë që ndodheshin në burgjet e Serbisë. Në vendkalimin kufitar midis Kosovës e Serbisë, në Merdarë, afër Podujevës, ata iu dorëzuan policisë së UNMIK-ut, për t'u dërguar në Burgun e Dubravës, afër Istogut. Një pjesë nga 145 të liruarit u pritën nga autoritetet e UNMIK-ut, sipas të cilave ata do të dërgohen në burgun e Dubravës. Policia e UNMIK-ut nuk lejoi kontaktimin e të afërmve me të liruarit.

Dosjet e të gjithë të burgosurve do të shqyrtohen veç e veç e pastaj do të merret vendimi për lirimin ose jo të tyre. Sipas burimeve të UNMIK-ut, të burgosurit politikë do të lirohen, kurse të tjerët do të vazhdojnë të vuajnë dënimin edhe më tutje. Në mesin e pengjeve të liruara janë edhe emrat e njohur të organizimit të parë të UÇK-së, Nait Hasani, Besim Rama etj. Ndërkohë mijëra qytetarë të Kosovës ishin mbledhur në Merdare në pritje të tyre.

Copyright © 2002 intron-presse /HB/

TIRANË:26 MARS

Një ekspozitë fotografike e titulluar "Genocidi serb në Kosovë 1840-1999",u përurua të Hënën në hollin e Muzeut Historik Kombëtar në Tiranë. Ekspozita e përgatitur nga Nusret Pllana dhe e shoqëruar me albumin, "Terrori i Serbisë pushtuese mbi shqiptarët", prezantoi për të pranishmit rreth 300 fotografi dokumentare të ndara në tri cikle: "Terrori serb dhe gjeografia kombëtare" (1877-1956), "Përpjekjet e vazhdueshme për identitet" (1981-1998), dhe "Rruga e lirisë" 1998 -1999.

Në ceremoni ishin të pranishëm zv.kryeministri i Shqipërisë dhe ministri i Punës dhe Çështjeve Sociale, Skënder Gjinushi, kryetari i Kuvendit të Shqipërisë, Namik Dokle, si dhe mjaft personalitete të kulturës të ardhur dhe nga Kosova, Drejtori i Arkivit Kombëtar të Kosovës, Jusuf Osmani u shpreh se, "kjo është një e vërtetë e ruajtuar me kujdes, paraqitja e të cilët është dëshmi e qartë për krimet e vazhdueshme që janë bërë mbi Kosovën ". Kryetari i Kuvendit të Shqipërisë, Dokle, pohoi se "historia e fiksuar në këto dokumenta qëndron si aktakuzë e pakundërshtueshme kundër një strukture shtetërore si ajo e Serbisë dhe Millosheviçit".

Copyright © 2002 intron-presse /HB/

PODGORICË:25 MARS

Zëdhënësi i PDS, Igor Lukshiq deklaroi se marrëveshja me Partinë Socialdemokrate dhe Aleancën Liberale për formimin e qeverisë së re të Malit të Zi është e mundur, nën kushte të caktuara.

“Nëse PSD dhe AL e respektojnë realitetetin se PDS është partia më e madhe në Mal të Zi, do të mund ta arrinim marrëveshjen”, tha Lukshiq për Radio Malin e Zi. Mundësia tjetër për daljen nga situata aktuale politike në Mal të Zi janë zgjedhjet e jashtëzakonshme parlamentare.  

Copyright © 2002 intron-presse /HB/

Parlamenti i Malit të Zi shtyn diskutimin e marrëveshjes me Serbinë

 PODGORICË:25 MARS

Me kërkesë të Partisë Demokratike të Socialistëve (DPS) në pushtet, parlamenti i Malit të Zi të premten (22 mars) shtyu votimin mbi marrëveshjen ndërmjet Malit të Zi dhe Serbisë. Përkundrazi, votimi do zhvillohet të martën.

Ndërkohë, Aleanca Liberale e Malit të Zi (LSCG), një parti e opozitës, e cila mbështeste partinë në pushtet, thotë se është gati të fillojë bisedimet me DPS-në mbi formimin e një aleance në pushtet. Një zëdhënës i Partisë Social-Demokratike (SDP) Novak Adziç tha se partia gjithashtu është e gatshme të hyjë në bisedime, por do të kërkojë një shumicë në qeverinë e re, së bashku me LSCG.

Copyright © 2002 intron-presse /HB/

Prishtinë:25 MARS

Zëdhënësi i policisë së UNMIK-ut, Derek Çapell njoftoi se policia ndërkombëtare ka zbuluar sasi të madhe të naftës, që kanë kaluar ilegalisht nga Mali i Zi në Kosovë, për t'iu shmangur  tatimit nëpër dogana. "Po qe se ky mall do të hynte përmes doganave të Kosovës atëherë përfitimi nga tatimi i karburanteve të zbuluara do të ishte rreth 6 mijë euro.

Autoriteti Qendror Fiskal këto para sigurisht do t'i shfrytëzonte për përmirësimin e kushteve nëpër shkolla dhe spitalet e Kosovës", tha Derek Çapell. Ai gjithashtu njoftoi se janë arrestuar disa zyrtarë të kompanisë ALSIT, që merret me të ashtuquajturat "Lojrat e Fatit". "Arrestimi është bërë për shkak se zyrtarët në fjalë ju kanë shitur qytetarëve tiketa të pavlera, ndërsa i kanë mbajtur për vete tiketat që kanë pasur shifra fitimi", njoftoi zëdhënësi i policisë ndërkombëtare, Derek Çapell.

Copyright © 2002 intron-presse /HB/

Prishtinë:25 MARS

Historiani dhe analisti Noel Malkollm, njohësi i mirë i çështjes shqiptare në Ballkan tha se bashkësia ndërkombëtare nuk ka argumente për të kundërshtuar pavarësinë e Kosovës meqë ky hap do t'i lë vend stabilitetit rajonal.

Ai shtoi se janë të paimagjinueshme spekulimet se Kosova do të mbetet në jurisdikcionin serb, duke hequr dyshimet e tilla, tha analisti dhe historiani Noel Mallkollm në Konferencën ndërkombëtare me temën "Shoqëritë shqiptare dhe integrimet evroatlantike", e cila dje përfundoi punimet dyditëshe në Prishtinë.

Copyright © 2002 intron-presse /HB/

Prishtinë:25 MARS

Ndonëse ende nuk dihet saktësisht se kur do të vijnë në Kosovë të burgosurit shqiptarë që ndodhen në burgjet serbe, madje as nga administrata e UNMIK-ut, jozyrtarisht mësohet se ata qysh sot apo nesër mund të vijnë në Kosovë. Poashtu mësohet se të gjithë të burgosurit shqiptarë janë tubuar në burgun e Nishit në pritje për t'u kthyer të gjithë së bashku në Kosovë.

Pastaj të gjithë të burgosurit do të dërgohen në burgun e Dubravës afër Istogut ku do të shqyrtohen dosjet e tyre veç e veç.

Por mësohet se të gjithë të burgosurit politikë do të lirohen menjeherë, kurse të tjerët që janë dënuar për krime ordinere do të vazhdojnë të vuajnë dënimet e tyre edhe më tutje.

Copyright © 2002 intron-presse /HB/

 Beograd:25 MARS

Presidenti jugosllav Vojisllav Koshtunica ka propozuar shkarkimin e shefit të Shtatmadhorisë së ushtrisë jugosllave Nebojsha Pavkoviq. Siç njoftojnë mediat serbe, Koshtunica në mbledhjen e Këshillit Suprem të mbrojtjes, ka akuzuar Pavkoviqin se është distancuar

nga shefi i shërbimit sekret ushtarak Aca Tomiq, me deklaratën se nuk ka qenë i informuar për arrestimin e Perishqit dhe të diplomatit amerikan. Thuhet se Koshtunica i ka ofruar mbështetje të plotë gjeneralit Tomiq.

Copyright © 2002 intron-presse /HB/

Shkup: 25 MARS

Në seancën e Parlamentit maqedonas pritet të miratohet rregullorja e re me të cilën do të mundësohet edhe përdorimi i gjuhës shqipe në Parlamentin maqedonas. Pengesa për mosmiratimin e kësaj rregullore deri më tash ishte reagimi i palës maqedonase që në parlament të mos përdoret gjuha shqipe. Por tani pas ndryshimeve kushtetuese edhe kjo çështje pritet të zgjidhet.

Kushtetuta e re e Maqedonisë tashmë parasheh se gjuhë zyrtare në këtë vend krahas asaj maqedonase është edhe gjuha e etnitetit i cili përbën mbi 20 për qind të popullsisë në Maqedoni. Tash për tash këtë të drejtë do të mund të shfrytëzojnë vetëm shqiptarët.

Deputetët shqiptarë përveç përdorimit të gjuhës shqipe në parlament do të mund t'i sigurojnë të gjitha aktet ligjore në ghuhën e tyre amëtare.

Copyright © 2002 intron-presse /HB/

SHKUP:25 MARS

Në Maqedoni, 87.2 përqind të qytetarëve të përkatësisë nacionale shqiptare dhe vetëm 12 përqind të përkatësisë nacionale maqedonase kanë besim te NATO, tregon një anketë e organizatës ndërkombëtare joqeveritare “Idea” e publikuar në shtypin e Shkupit.

Anketa është bërë në të gjitha vendet e Evropës jug-lindore dhe tregon se Maqedonia është e treta në rajon për nga mosbesimi në NATO ,pas Serbisë dhe republikës së serbëve të Bosnjës.

Copyright © 2002 intron-presse /HB/

Ulqin,23 mars- Nga data lo e deri më l5 prill në panairin e Tiranës do të promovohet edhe turizmi i Ulqinit,  përkatësisht “Riviera e Ulqinit” dhe i ndërmarrjeve e agjencive turistike të këtij qyteti bashkërisht do të prezentohen në kryeqytetin e shtetit shqiptar, Tiranë.

Në një takim konsultativ të mbajtur dje, u tha se mbase do të duhej që në Tiranë të organizohen “Dita e Ulqinit” apo “Darka ulqinake” edhe me këtë rast do të  organizohej një koktej. Njohësit e turizmit në Ulqin thonë se në Tiranë ka nevojë që të animohet një numër sa më i madh me ofertën turistike të qytetit të Ulqinit. Madje, u tha se, ky prezentim lypset të bëhet edhe në qytete tjera të Shqipërisë.

Mirëpo, për  mënyrën e  prezentimit të turizmit të Ulqinit në Tiranë do të vendoset në fillim të javës së ardhshme edhe më hollësisht do të koncipohet ekspozimi i ofertës turistike të këtij qyteti.

Prania e ofertës turistike të Ulqinit në kryeqytetin e shtetit shqiptar, pa dyshim, duhet të jetë në nivelin sa më të kompletuar, jo vetëm sa për të thënë. Gjithësesi Ulqini ka shumë bukuri të mrekullueshme, jo vetëm natyrore, objekte të trashëgimisë kulturore, por edhe hotele, e në veçanti sektori individual, të cilin duhet pasur parasysh  përfaqësuesit zyrtar të pushtetit vendor.Intron 

ULQIN :24 MARS 

Në  komunën e ulqinit me 29 marsë  do të bahet fjal për çeshtjen e planit urbanistik të lokalitetit e safarit në plazhin e madhë. Simbas rrethanave të investitorve sllovak  presin që « morsko dobro » dhe komuna e ulqinit të japin dritën e jeshil që të filloj puna në atë lokalitet.

Sikurse punët të zhvillohen më shpejt, dhe të miratohet ligji dhe projekti urbanistik për kët lagje, ku do të munden ivestitorët sllovak të fillojn punët sa ma shpejt.Investimi i parapar i hotelit të ri sllovak ashtë prej sumës së 42 milion marka gjermane, dhe ku pjesa par duhet të jet gati  për vitin 2003, kurse projekti komplet i hotelit sllovak duhet të mbarohet në vitin 2005. 

Copyright © 2002 intron-presse /HB/

Koment nga:FILIP SHVARM   

24 MARS
Nga negociatat e mbeshtjellura me mister te plote dhe hamendje eshte e qarte se per shtetin federal bien kembanat dhe se nuk ka veshtiresi per pavaresine ne Podgorice. Pushteti aktual ne Serbi me shume priret ndaj interesave sesa per shkaqe emotive apo imperialiste sikurse ne dhjetevjecarin e kaluar. Per keto fakte Bashkesia Evropiane ne te ardhmen doemos duhet te mbaje me shume llogari.


Pas Jugosllavise se Mbretit Aleksander, Marshal Titos edhe asaj - per paketim xhepi - te Sllobodan Millosheviqit, ne rradhe eshte Jugosllavia e katert e ish-sekretarit te pergjithshem te NATO-s dhe Perfaqesuesit te Larte te Bashkesise Evropiane Havier Sollanes.

Pas takimit te 21 shkurtit ne Pallatin e Federates ne Beograd, askush nuk ishte i disponuar per ta marre fjalen - as ndermjetesuesi, as kryetaret e shtetit federal dhe Malit te Zi - Vojislav Koshtunica dhe Milo Gjukanovici. Vetem kur aterroi ne Bruksel, Solana deklaroi se mesi i marsit eshte afati i fundit per rregullimin e raporteve ndermjet Serbise dhe Malit te Zi dhe se ne Beograd eshte realizuar "nje perparim i gjere politik".

Pastaj - "jozyrtarisht", "nga burime te mireinformuara", "nga qarqe te aferta..." - filloi kudo te perfolej plani vijues i Solanes: ne vend te RF Jugosllavise shteti i ri te quhet Unioni i Serbise dhe Malit te Zi; nuk do te ekzistonte as kryetari i Unionit, as kryeministri; Keshilli ministror do te kishte kater ministri te perbashketa - te mbrojtjes, te puneve te jashtme (shefi i diplomacise do te behej me rotacion per cdo vit), te integrimit ekonomik dhe tregtise se jashtme; ne Kombet e Bashkuara do te kishte vetem nje karrike, por do te kishte paritet ne organizatat nderkombetare, institucionet finansiare dhe perfaqesite diplomatike; edhe Serbia edhe Mali i Zi do te kishin dogana te ndara, sisteme tatimore dhe politike te jashtme, por do te mbetej servisimi solidar i borxheve nderkombetare, nese njera republike nuk paguan detyrimet e veta, nuk do te thote se eshte e detyruar qe kete ta beje tjetra; Mali i Zi mund ta mbaje euron, kurse paralelisht perdorimi i dinarit do te mbetej i hapur si dhe ceshtja e Ushtrise - ne loje jane edhe forca te vecanta te armatosura, por obligimi ushtarak te behet ne republiken amze; perfundimisht, e gjithe kjo, pas tre vjetesh te vertetohet ne referendum.

Nje psheretime e rende u leshua ne Beograd. Nese kjo paraqet maksimumin e kompromisit ne procesin maratonik negociator, opinioni me te drejte ka pyetur perse atehere edhe duhej biseduar. Duket se ndonje lloj i shtetit te perbashket flijon permbajtjen e tij, gjithnje me paragjykimin se Serbia ka nevoje patologjike qe me cdo kusht te mbetet me Malin e Zi. Jozyrtarisht pohohet se Gjukanoviqi ka pasur planin e Solanes shtate dite para 1 shkurtit, kurse kreu i shtetit federal e ka pare vetem diten e takimit.

Ministri i finansave ne Qeverine e Serbise Bozhidar Gjelic dhe guvernatori i Bankes Popullore te Jugosllavise Mladan Dinkic, jane pjese e atyre qe nuk mund te permbahen dhe te paret komentojne keto informacione jozyrtare."Shteti i perbashket i Serbise dhe Malit te Zi, sipas formes se propozuar nga Havier Solana, do t'i ngjante nje Frankeshajni ekonomik sepse eshte e pamundshme te garantohet tregu i perbashket dhe qarkullimi i lire i mallrave dhe sherbimeve pa nje dogane te perbashket. Praktikisht do te ishte poligon per kontrabande", tha Gjeliq."Nje shtet me cdo cmim, me dy valuta, me dy sisteme te ndara te tregtise me jashte dhe regjim tatimor e doganor, nuk do te kishte kuptim as per Serbine, as per kurfare shteti tjeter", theksoi Dinkiq.

Keta dy ekonomiste pajtohen se propozimet e theksuara jane te papranueshme: "ose do te gjendet zgjidhje per nje federate funksionale - nje sistem doganor, nje monete, pjesemarrje te perbashket ne Unionin Evropian dhe harmonizim te pershkallezuar te rregullave - ose do te jene dy shtete te vecanta ku do te udhetohet pa viza, por qe cdo kamion ne kufi do te paguaje doganen" (Gjeliq), gjegjesisht "ose Solana duhet qe te ndryshoje qendrimin ose Bashkesia Evropiane duhet te nderroje negociatorin" (Dinkiq).

Solana: Do ta zëvendësojmë misionin e NATO-s në Maqedoni para shtatorit

BRISEL:24 MARS
"Bashkimi Europian mendon që zëvendësojë misionin e NATO-s në Maqedoni brenda muajit shtator", tha sot shefi i Politikës së Jashme të Bashkimit Europian për Havier Solana, në fjalën e tij në mbyllje të mbledhjes së ministrave europiane të Mbrojtjes, që u zhvillua në Saragozë. "Komiteti politik i Sigurimit i BE-së ka nisur të punojë në lidhje me projektin e këtij misioni", theksoi Solana. Sipas tij misionet që vepruan në Maqedoni treguan qartë se trupat e BE-së janë të afta të veprojnë në raste krizash.
Copyright © 2002 intron-presse /HB/

Ulqin,21 mars-Në këtë vendverim i njohur sektori privat, sivjet, si asnjëherë më parë është duke bërë investime të mëdha për modernizimin e shtëpive që të pritet sa më mirë sezoni  turistik..Që

nga vera e kaluar e deri më tash është ngritur edhe një Ulqin i ri, mbase edhe më shumë. Nuk ka shtëpi që, së paku, nuk e ka shtuar edhe një dhomë, por shumica edhe nga dy kate. Nuk mbahet mend kjo ndërtimtari kaq e madhe. Ndërkaq, kapacitetet turistike-hoteliere shtetërore ende nuk vërehen të kenë nisur të bëjnë përgatitjet e domosdoshme, madje as një gëlqerosje të vetme.

 Ulqinakët thonë se vetëm turizmi privat mund të përmirësojë gjendjen e tyre ekonomike. Më mirë është ta shpenzosh edhe paranë e fundit e të krijosh kushte jetese në vendlindje se sa të marrësh rrugët e kurbetit. Është vërtetuar edhe vitin e kaluar se Ulqini ka perspektivë në turizëm. Sivjet pritet madje vizitë edhe më e madhe, jo vetëm nga shtetet ballkanike, por edhe ato evropiane.

Këshilli koordinues i komunës së Ulqinit e ka miratuar propozimin e programit për sezonin e sivjetëm. Këtë këshill e përbëjnë të gjitha organizatat turistike, OJQ dhe pushteti lokal. Në fund të këtij muaji parlamenti vendor duhet të miratojë këtë program.

Me këtë propozim të programit, mbi 8oo mijë euro parashihen që të angazhohen nga buxheti për të përgatitur sa më mirë këtë sezon, por e gjithë kjo shumë pritet të realizohet nga taksat e banimit të turistëve. Gjithnjë sipas këtij dokumenti, mjete të konsiderueshme duhet të shpenzohen në riparimin e objekteve të infrastrukturës, por edhe për zgjerimin e kapaciteteve të ujësjellësit nga burimet e  Lisna Borës.

Sekretari komunal për ekonomi Xhemal Bushati thotë se i kemi përacktuar edhe çmimet e vendosjes në sektorin  privat edhe për  periudhën e 25 korrikut e deri më 25 gusht, për një shtrat duhet të paguhet, varësisht nga kategoritë e dhomave, prej 3 deri në 5 evro, kurse periudha para dhe pas sezonit kryesor turistik do të jetë prej lo deri në l5 për qind më lirë. Bushati paralajmëron se pushteti lokal i Ulqinit së bashku me ndërmarrjen turistike të këtushme “Riviera...” do të prezentojë ofertën e sivjetme turistike në Prishtinë, Pejë, Shkodër e Tiranë. Intron

Ulqin, 22 mars –Kryesia e  Unionit Demokratik  të Shqiptarëve më 21 mars të këtij viti mbajti mbledhjen në të cilën shqyrtoi materialin bazë për rregullimin e marrëdhenieve midis Malit të Zi e Serbisë. Siç theksohet në komunikatë për media, njëzëri  ka vlerësuar se dokumenti në fjalë është i papranueshëm për këtë parti, në radhë të parë për arsye të anashkalimit të të drejtave të popujve pakicë. Materiali bazë parasheh që në kuadër të këshillit të ardhshëm  të ministrave të jetë edhe resori për të drejtat e popujve pakicë, që nënkupton se mbrojtja e këtyre të drejtave kalon në nivel federativ. Kjo është bërë pa konsultimin e partisë sonë, përkatësisht pa Ministrinë e të Drejtave të  Popujve Pakicë.

PODGORICË:22 MARS
Presidenti i Malit të Zi, Milo Gjukanoviq deklaroi se është e mundur të formohet qeveria e re e Malit të Zi me të njëjtët partnerë të koalicionit, mirëpo nuk e ka përjashtuar mundësinë e zgjedhjeve të jashtëzakonshme në atë republikë.

PODGORICË:22 MARS

Princi i Malit të Zi, Nikolla Petroviç vlerëson se në Marveshjen midis Podgoricës dhe Beogradit për ri-rregullimin e raporteve midis Serbisë dhe Malit të Zi, “tre elemente me rëndësi vendimtare janë pozitive për Malin e Zi” .

Para së gjitha, thotë princi, “kjo është njohja ndërkombëtare që i ishte marrë para 85 viteve dhe garancioni se hyn në Evropë me emrin e tij”. Më në fund, thotë ai, “u zhduk” slogani që shpesh dëgjohej në Mal të Zi se “kjo është Serbi” dhe prej tash “është e pakontestueshme se ky është Mal i Zi”, thotë princi Nikolla.
Copyright © 2002 intron-presse /HB/

Podgoricë: 22 MARS

Rrjeti i organizatave joqeveritare në Mal të Zi ka ftuar për sot qytetarë, intelektualë dhe përfaqësues të mediave elektronike dhe atyre të shkruara që të

protestojnë para ndërtesë së Parlamentit të Malit të Zi në Podgoricë kundër marrëveshjes për krjimin e bashkësisë së Serbisë dhe Malit të Zi. 

Copyright © 2002 intron-presse /HB/

PODGORICË:22 MARS

Presidenti i Malit të Zi, Milo Gjukanovic, i cili po përballet me një revoltë në rradhët e koalicionit qeverisës pas marrëveshjes mbi të ardhmen e Jugosllavisë, shprehet i hapur për disa ndryshime të reja me partnerët në Qeverinë e Podgoricës. "Nëse partnerët e koalicionit tonë do të kenë masë mirëkuptimi në ato që do të kërkojnë, padyshim që ne do të arrijmë në një marrëveshje", tha Gjukanovic mbrëmë për televizionin e Novi Sadit. Përndryshe, Presidenti pranoi pashmangshmërinë e zgjedhjeve të parakohëshme, "dhe unë nuk do t'i fshihem kurrë kësaj gjëje", komentoi ai.

Parlamenti malazez do të mblidhet sot për të diskutuar në lidhje me marrëveshjen e arritur së fundmi mes Beogradit dhe Podgoricës, e cila ruan lidhjet mes Serbisë dhe republikës së vogël bregdetare. Partia Socialdemokrate, partnere në qeverisje me Gjukanoviç, ka paralajmëruar se do të braktisë ekzekutivin nëse marrëveshja në fjalë adoptohet. Aleanca Liberale, e cila ka mbështetur Qeverinë gjatë vitit të fundit, tashmë e ka tërhequr këtë mbështetje. Gjukanoviç e cilësoi këtë braktisje të liberalëve si një "reagim emocional".

Copyright © 2002 intron-presse /HB

Koment nga:Instituti për Njoftime të Luftës dhe Paqes Londër:22 MARS
Duke kritikuar Presidentin Milo Gjukanoviç për nënshkrimin e një marrëveshjeje me Beogradin, e cila e kufizon Malin e Zi në një bashkim me Serbinë për të paktën tre vjet të tjera, Aleanca Liberale malazeze tha të mërkurën (20 mars) se ajo tërhiqte mbështetjen për qeverinë. Partia e vijës së ashpër pro-pavarësisë siguron shumicën parlamentare të qeverisë, kështu që veprimi paraqet një kërcënim për mbijetesën e qeverisë. 

"Që sot, Aleanca Liberale nuk e mbështet qeverinë e Kryeministrit Filip Vujanoviç," tha udhëheqësi i partisë Miodrag Zivkoviç, duke akuzuar Gjukanoviçin për mashtrim të "zgjedhësve". 

Analistët spekullojnë se kjo gjë kryeministrit i lë pak vend për të vepruar. Disa sugjerojnë se ai mund të japë dorëheqjen, ose mund të kërkojë një votim besimi. Vëzhguesit presin që të premten të zhvillohet një votim, i cili mund të hapë rrugën për zgjedhje të parakohëshme në Mal të Zi. Vujanoviç gjithashtu mund të kërkojë një marrëveshje me aleancën e opozitës Së Bashku për Jugosllavinë. 

Ai shprehu shpresë se mund të arrihej një marrëveshje përfundimtare dhe se ishte i gatshëm të bënte ndryshime në qeveri, për të përmbushur kërkesat e mundshme të Aleancës Liberale. Ai mund t’u ofrojë atyre vende në qeveri, në një përpjekje për të fituar mbështetjen e tyre. Aleanca Liberale nuk është e përfaqësuar në qeveri, e cila është e mbizotëruar nga anëtarët e partisë së Gjukanoviçit. 

Pas zgjedhjeve të përgjithshme prillin e kaluar, Fitorja për Malin e Zi e udhëhequr nga Gjukanoviç mori 36 vende në asamblenë me 77 vende. Aleanca Liberale mori gjashtë dhe aleanca Së Bashku për Jugosllavinë, 33. 
Nga ana e saj, Partia Socialiste Popullore (SNP) e opozitës, e cila është pjesë e aleancës Së Bashku për Jugosllavinë, e ka mirëpritur marrëveshjen e 14 marsit. Udhëheqësi i SNP-së Predrag Bullatoviç tha se ajo i përgjigjej qëllimit kryesor të partisë së tij dhe do t’u sigurojë të dy republikave hyrje më të shpejtë në BE. 

Marrëveshja ka të ngjarë të ratifikohet nga parlamenti federal në qershor. Anëtarë të SNP-së thanë se ata ishin "të sigurtë" se ajo do të mbështetej nga parlamenti malazez. 

Nuk ishte menjëherë e qartë sesi Gjukanoviç është duke planifikuar t’i trajtojë këto rrethana të reja, por nëse qeveria rrëzohet, atij ka shumë të ngjarë t’i mbetet varianti i zgjedhjeve të parakohëshme, e cila nga ana e saj mund të rrezikojë marrëveshjen me Beogradin të nënshkruar kohët e fundit -- dhe të lavdëruar në mënyrë ndërkombëtare. 

Pikëpamjet në Serbi janë të përziera, ku disa besojnë se marrëveshja nuk tregon krijimin e një shteti të përbashkët, por më shumë është një hap drejt ndarjes paqësore të dy republikave.

Copyright © 2002 intron-presse /HB/

Podgoricë,21 mars -Në një deklaratë dhënë gazetës “Koha javore” që botohet në Podgoricë, zëvendësministri i Arsimit të Malit të Zi, Radovan Damjanoviq ka deklaruar se ne njohim çdo diplomë me vulë të UNMIK-ut. Damjanoviq ka thënë se çështja e njohjes dhe e nostrifikimit të diplomave në Mal të Zi është e rregulluar me ligj të veçantë. Çdo diplomë apo dëftesë e fituar në shtetet e huaja  nostrifikohet në bazë të ligjit ekzistues. Kjo do të thotë që diplomat e dëftesat e fituara në shkollën fillore dhe të  mesme nostrifikohen në Ministrinë e Arsimit dhe të Shkencës, kurse diplomat e universitetit nostrifikohen në universitetin përkatës. Ky ligj në Mal të Zi është i vjetër edhe Mali i Zi deri më tash nuk ka miratuar ndonjë ligj tjetër që rregullon këtë çështje. Para do kohësh nëpërmjet Këshillit të Evropës është ndërmarrë iniciativa për barazimin e procedurës së nostrifikimit,  në mënyrë që shtetet e themeluara nga ish-Jugosllavia, sikundër shtetet e Bashkësisë Evropiane ta zgjidhin këtë çështje.Ministria e Arsimit të Malit të Zi e ka pranauar këtë iniciativë edhe po e shqyrton në nivel të grupeve të ekspertëve, kështu që mund të pritet në një të ardhme të afërt që të zgjidhet kjo çështje,- shpreson zëvendësministri i Arsimit të Malit të Zi.

Sa i përket diplomave dhe dëftesave  të Kosovës, ai thotë se Ministria e Arsimit nuk ka mundur të nostrifikojë ato në kohën e ekzistimit të sistemit paralel mësimor,i cili nuk është njohur nga asnjë vend,mendon Damjanoviq dhe shton tani,çdo diplomë apo dëftesë me vulë të UNMIK-ut  për ne është dokument i vlefshëm dhe “ nuk ka nevojë të nostrifikohet sepse Kosova, si njësi administrative, konsiderohet pjesë e Jugosllavisë.Kështu që ne edhe në të ardhmen do të njohim çdo diplomë të lëshuar nga organet legale arsimore të Kosovës”.

Zëvendësministri i Arsimit të malit të Zi, Damjanoviq shfaq besimin se Evropa po shkon drejt rrugës së standardizimit të planprogrameve, kështu që kur të ndodhë kjo, atëherë do të jetë e parëndësishme se ku e ka mbaruar fakultetin një individ, në Tiranë, Podgoricë apo Londër.Intron

Podgoricë:21 Mars
Kryeministri i Malit të Zi, Filip Vujanoviç, do të jetë Presidenti i parë i shtetit të ri "Serbi dhe Mali i Zi", thuhet në një artikull të botuar sot në të përditshmen e Pogdoricës "Vijesti".

-Prononcimet e dy  liderëve shqiptarë nga Mali i Zi, Fuad Nimani dhe Mehmet Bardhi-

Ulqin,l9 mars- Partitë nacionale shqiptare në Mal të Zi ende nuk kanë publikuar  qëndrimet e tyre rreth marrëveshjes së Podgoricës me Beogradin. Kaherë kanë theksuar se nuk do të përzihen në marrëdheniet fundamentale midis malazezve dhe serbëve, por pa marrë parasysh se kush do të jetë në pushtet, ata do të kërkojnë përmirësimin e statusit të tyre si popull pakicë në Mal të Zi.

Liderët e partive parlamentare shqiptare deklaruan për opinion se së shpejti do të vendosin për hapat e mëtejmë në skenën politike të kësaj republike. Kryetari i partisë, aktualisht më të madhe shqiptare në Mal të Zi, Fuad Nimani thekson se UDSH, lidhur me marrëveshjen e nënshkruar në Beograd për krijimin e një shteti të ri, i cili në të ardhmen do të quhet Serbia dhe Mali i Zi, nuk ka qëndrim të prerë, por unë si kryetar i kësaj partie deklaroj se me këtë marrëveshje dual një shtet i ri, i cili mendoj  se  nuk është shtet i qëndrueshëm për një kohë më të gjatë, është shtet eksperimental trevjeçar. Mendoj se nuk është i qëndrueshëm sepse ka elemente federative dhe elemente të konfederatës. 

 Ndërkaq, kyretari i partisë më të vjetër të shqiptarëve në Mal të Zi, Lidhjes Demokratike në Mal të Zi, Mehmet Bardhi vlerëson se shqiptarët këtu janë të interesuar për definimin e statusit të tyre, pavarësisht se kush do të jetë në pushtet. Bardhi përkujton se  LD në MZ, përkatësisht shqiptarët në këtë republikë, kur  u themelua e ashtuquajtura RFJ, e cila tashmë u vendos në historinë e muzeut, në vitin l992 e bojkotuan referendumin.

Pas nënshkrimit të kësaj marrëveshje, në fakt, shqiptarët duhet të shikojnë shumë më qartë dhe të analizojnë pozitën e tyre. Duhet të shikohet mirë e qartë  që  mos të mbetemi më peng i një politike të mosdefinimit të vetë këtij shteti, gjegjësisht të statusit tonë si popull pakicë, thotë Mehmet Bardhi.

Në këto rrethana, nga veprimi i subjektit nacional të shqiptarëve në Mal të Zi varet edhe statusi i  kësaj pakice, pozita e së cilës tash dhjetë vjet e më shumë ka mbetur e padefinuar edhe pse partitë parlamentare të këtij etniteti kanë shtruar kërkesa të shumta para faktorit të brendshëm dhe të jashtëm, kanë dorëzuar dokumente siç është Memorandumi për status special (shtator,l992) e deri te Platforma e Unionit Demokratik të Shqiptarëve (2ooo),por nuk është bërë asnjë lëvizje  konkrete.Intron

 Ulqin, l8 mars-Të organizuar nga Lidhja e Shkrimtarëve dhe Artistëve të Shkodrës, Qendra e Kulturës së Ulqinit dhe Shkolla e këtushme e muzikës,në sallën e bibliotekës së Ulqinit mbrëmë u dha një koncert vokalo-instrumental që tërhoqi një numër të madh të banorëve të këtij qyteteti sepse për herë të parë shfaqet një mbrëmje e këtillë artistike.U interpretuan veprat e kompozitorëve shqiptarë ,si  Prenkë Jakova,, Limoz Dizdari,Çesk Zadea,Pjetër Gaci,Ramadan  Sokoli si dhe të autorëve botërorë Mocart,F.List,Xh. Rosini etj.U pëlqyen edhe u përcollen me duartrokitje frenetike interpretimet e Albert Paparisto,Gjon Shllakut,Rita Rankos,Qamil Gjyrezit,  në veçanti mezosoprania Mimoza Rakaj.

Drejtori i Qendrës së Kulturës së Ulqinit , Ferid Kurti dhe kryetari i Lidhjes së Shkrimtarëve dhe Artistëve të Shkodrës, shkrimtari Skënder Drini vlerësuan lartë këtë bashkëpunim midis dy qyteteve fqinje dhe potencuan nevojën që ky bashkëpunim të thellohet edhe më shumë.

Parmbrëmë shkodranët janë prezentuar edhe në Tivar, ku po ashtu janë mirëpritur edhe janë pëlqyer interpretimet e tyre të një niveli shumë të lartë.Madje mbrëmë në Ulqin kanë ardhur shumë qytetarë  tivaras për të shijuar interpretimet e mrekullueshme të artistëve shkodranë.(Intron)

Ulqin,l8 mars- Në Rripin e bregdetit të Ulqinit, duke filluar nga kufiri me Tivarin e deri në ujëdhesën Ada,këto ditë po ndodh një dukuri e paparë ndonjëherë.Uzurpohen sipërfaqe të mëdha, duke i rrethuar edhe ndarë në troje ndërtimi edhe nga njerëzit që vonë kanë dëgjuar se ku ndodhet Ulqinit, ose në periudha të caktuara pas vitit l99o kur e kanë përmendur emrin e këtij qyteti kanë shfaqur alergji dhe paragjykime nga më të ndryshmet. Mirëpo, tash po ndodh një veprimtari e çuditshme, uzurpohen sipërfaqe në ujëdhesën Ada, përgjatë rrugës Ulqin-Shtoj, në pjesët afër bregut të detit. Në të vërtetë bien në sy që kështu veprojnë edhe banorë të Ulqinit. Pikërisht në afërsi të urës për në Adë, përkatësisht disa metra larg lumit Buna vërehen parcela të shumta të rrethuara me tela me gjemba edhe ofrohen trojhe ndërtimi për shitje me çmime kurajuese. Në pyetjen tonë po, sikur të blenim këtu truall do të mund ta legalizonim atë. Marrim përgjigje, se kur munden të uzurpojnë të ardhurit nga viset e ndryshme, përse nuk mund ta bëjmë edhe ne banorët e Ulqinit.

Lidhur me këtë dukuri u interesuam të mësojmë diçka më shumë  në administratën lokale edhe nga përgjegjësit e urbanizimit mësuam se nuk kemi asgjë zyrtare për këtë. Ç është e vërteta, rripi bregdetar administrohet nga Ndërmarrja Publike “Morsko dobro” me qendër në Bundvë edhe vetë prania e saj në Ulqin ka krijuar kaos të vërtetë, meqë pushteti vendor nuk ka arritur të definojë marrëdheniet me të. Si rezultat i kësaj është edhe ngritja e kompleksit të restoranteve në bregun e Bunës, por edhe ndërtimet e jashtëligjshme në Kala.

Këto ditë janë duke u hequr objektet e përkohshme në Ranë, po si do të veprohet në Shtoj, në Adë, në qytet, madje, do të hiqen rrethojat e televe me gjemba, sepse po u lejua kjo dukuri, shumë shpejt mund të pritet që edhe rruga kryesore e Ulqinit të bllokohet edhe të nxirret në shitje.(Intron)

Ulqin,l6 mars-Në sektorin privat në qytetin e Ulqinit është duke u ndërtuar jashtëzakonisht shumë.Çdokush ka modernizuar shtëpitë,kanë ngritur një ose dy kate,por edhe shtëpi gjigande.Si asnjëherë në historinë e këtij qyteti, duke mos llogaritur periudhën e mekëmbjes pas termetit të vitit l979.

Kryetari i Qendrës së bizensit me seli në Ulqin, Nazif Cungu në një tribunë me qytetarë kushtuar projektbuxhetit të sivjemë të komunës tha se në këtë qytet janë duke u ndërtuar mbase edhe mbi 5o mijë metra katrorë edhe askush nuk i paguan obligimet komunale.Siç tha ai, ky është një hendikep i madh sepse nuk arkëtohen mjete të mëdha financiare.E gjithë kjo ndodh për shkak të mungesës së planeve urbanistike apo të mospërfilljes së tyre.Sipas ligjit janë paraprë që kompenzimet komunale të paguhen llo marka gjermane për një metër katror.Sikur të shumëzohej kjo sipërfaqe grandioze, do të shohin se sa mjete financiare tëhujësohen.S`do  mend se këto mjete nuk mund të mblidhen me një frymë,por sipas Cungut, duhet të hartohet një plan afatmesëm dhe një dinamikë për të parë se si do të mund të grumbullohen ato mjete financiare.Sepse, njerëzit, të cilët janë në gjendje të investojnë 2oo mijë marka gjermane, sigurisht se do të mund të paguajnë edhe lo mijë marka kompenzimet komunale.

Këto mund të realizohen brenda një periudhe 4-5 vjeçare.Jemi dëshmitarë se po ndërtojmë e zgjerojmë shtëpitë dhe lokalet afariste edhe nuk i kemi paguar obligimet komunale.Këto lëshime nuk janë të tashme,por janë të kahmotshme.

Kryetari i Qendrës së Biznesit të Ulqinit përmendi edhe kompenzimet mbi shfrytëzimin e trojeve të ndërtimit të cilat i paguan vetëm sektori shoqëror,por edhe jo ai individual.Sipas tij, në vit do të mund të mblidheshin rreth 2 milion marka.Të gjitha këto janë burime të rëndësishme buxhetore për komunën e Ulqinit,rekomandon ky afarist.

Mirëpo,askush nuk i përmend kompenzimet shumë të larta që është dashur të paguhen në emër të strehimoreve ushtarake edhe objektet e kësaj natyre nuk janë ndërtuar as sot e kësaj dite,nuk përmenden instalimet e ujit,të kanalizimit dhe të telefonit që i kanë paguar vetë qytetarët edhe pse i kanë përmbushur obligimet komunale.Së pari duhet dhënë raport se ku shpenzohen mjetet që arkëtohen nga kompenzimet komunale edhe gjithësesi të kërkohet përfillja e dispozitave ligjore nga ata që ndërtojnë dhe shërbimet administrative komunale.(Intron)

Kryetari i Malit të Zi, Millo Gjukanoviq shpalli mbrëmë zgjedhjet lokale në l9 komunat e kësaj republike me përjashtim të Podgoricës e Hercegnovit , sepse ato i kishin në vitin 2ooo.Zgjedhjet lokale do të mbahen më l5 maj të këtij viti.Kryetari Gjukanoviq ka thënë se është i bindur se këto zgjedhje do të zhvillohen në një atmosferë demokratike.Sipas tij, këto zgjedhje do të kontribuojnë për forcimin e demokratizimin e reformave në Mal të Zi.Ai ka ftuar të gjithë qytetarët,partitë politike, mediat dhe aktorët tjerë politikë në Mal të Zi që këto zgjedhje të zhvillohen në atmosferë demokratike.
Lidhur me nënshkrimin e marrëveshjes në Beograd,vazhdojnë reagimet në Mal të Zi .Zëdhënësi i liberalëve malazias, Sllavko Peroviq ka thënë se kjo është një tradhti e paparë.Ndërkaq, kryetari i kësaj partie, Mirosllav Vickoviq ka thënë se askush nga partia e tij nuk ka thënë se do të heqim dorë nga mbështetja e qeverisë së Podgoricës.

Ulqin,16 mars- Edhe mijëra shqiptarë nga viset tona etnike në Mal të Zi është dashur një jetë më të mirë ta kërkojnë në vendet perëndimore.Kjo braktisje ka filluar kaherë, menjëherë pas Luftës së Dytë Botërore.Kanë marrë rrugët e kurbetit kranjanët,anamalasit, malësorët,por edhe ulqinakët, duke marrë rrugët e kurbetit me fëmijë,pa ditur gjuhën e vendit ku janë vendosur,pa njohur asnjë njeri.Kështu e ka nisur këtë rrugë edhe Ismet Mollabeqiri nga Ulqini.Fillimisht ka dalur në Itali,por rruga e fatit e çoi në Zelandën e Re,për të cilën nuk kishte dëgjuar më parë.

-Atje flitej anglisht.Nuk dija asnjë fjalë.E panë çka jam dhe kush jam.Më caktuan bojaxhi, të mirëmbaj kishat si dhe banesat e tyre.Unë nuk merrja vesh gjuhën, por ishte një italian që më përkthente, sepse gjatë nëntë muajve që qëndrova në Itali, e mësova gati mirë italishten.Ai me telefon më tregonte se çka duhet të punoj unë.Në Zelandën e Re kam qëndruar tri vjet e një muaj, derisa kam mbledhur paratë për të paguar biletat e udhëtimit në Australi.Në Zelandën e Re kam takuar do shqiptarë nga Shqipëria, të cilët kishin nisur ta harrojnë edhe gjuhën tonë shqipe.Atje kam takuar shqiptarë, burra të mirë.Ndoshta është ende gjallë.Emrin e ka pasur Halit Bajrami.Më ka ndihmuar shumë.Më ka gjetur banesën.Posa e kam marrë rrogën e parë ia kam kthyer paratë sepse Haliti ma kishte paguar qiranë e banesës për dy muaj.Aty ka qenë edhe Shaban Kryeziu, njeri i urtë shumë.Kanë qenë edhe shqiptarë nga Kosova,-thotë Ismeti duke kujtuar me nostalgji ato vite të vështira të mërgimit në Zelandën e Re.Ai përmend edhe falenderon shumë Masar Krasniqin për përkrahjen që ka pasur si mërgimtar, me gruan e dy fëmijë dy-tre vjeçar.Zelanda e Re është një vend i mrekullueshëm,me popull të kulturuar që nuk mund ta takosh në botë.U latrgova nga Australia për shkak se nuk kisha asnjë njeri timin atje.Në Australi kisha baxhanakun, Shabanin. Më ka ndihmuar shumë,sepse kur njeriu ndërron vend duhet të nis nga fillimi.Anglishten e mësova mirë në Zelandën e Re,sa që në Australi, shpesh kam shkuar edhe si përkthyes për të ndihmuar njerëzit tanë.Në Australi kam qëndruar deri në vitin l984.Kisha një fatkeqësi, u lëndova.

E shita shtëpinë, një shtëpi të bukur.U ktheva në Ulqin.Edhe këtu e ndërtova shtëpinë, sepse e kishte rrënuar termeti.Bleva edhe ullishtë,se na ulqinakët nuk mundemi pa ullinj.Fëmijët nuk arriten të adaptohen edhe përseri u ktheva në Australi.Përseri nga fillimi.Dalengadalë,djali e kreu shkollën,hyri në punë, bëmë para.Bleva shtëpinë.Tash kam ardhur në Ulqin, ende vuaj nga lëndimet që pësova atje.Jam pensionist.Kam qef të rri këtu edhe atje.Kam dëshirë të vdes në Ulqin, në mesin e shokëve dhe miqve të mi.

Para pesë vjetëve kam blerë një shtëpi.Ka pasur shumë pemë në oborrin e saj.Nuk e di a jeni në dijeni se në Australi kanë dëshirë të kenë pemë, jo vetëm frutore, por edhe për bukuri.Kam mbjellë fiq e molla japoneze, kumbulla.Tash kanë nisur të piqen fiqtë atje.Posa fola me djalin e më tha se kanë ardhur njerëz të na vizitojnë edhe kanë vjelur fiq të pjekur.Çka ka në Ulqin, ka edhe në Melburn të Australisë.Edhe klima është e ngjashme këtu me Ulqinin.Më mungojnë shoktë me të cilët jam rritur.Në Auastrali është gjithmonë verë.Gjithë shqiptarët nga Ulqini dhe rrethina jemi sikur vëllazën.Mentaliteti ynë atje është sikur ka qenë para 3o vjetëve në Ulqin.Koka me të dhimtë atje, menjëherë mblidhemi bashkë qofshin ata nga Ulqini, Kraja, Kullomza etj.Jemi edhe fetarë.Kemi xhaminë tonë, jo e ulqinakëve ,por e shqiptarëve të besimit islam.Në Këshillin e xhamisë kam qenë 5- 6 vjet,tash është i biri i Ismet Gogës, ulqinak.Të gjithë shkojmë e nderojmë njeri tjetrin.Nuk pyesim sa kush ka, por të gjithë jemi shokë e miq.Na jemi në vendin e huaj edhe patjetër duhet ta duam njeri tjetrin.

Të rinjtë i kisha porositë: nëse kanë vendosur për të marrë rrugët e mërgimit. Nëse je punuer, shikon punët e veta, merreni këtë rrugë.Nëse nisesh edhe nuk interesohesh për të punuar, më mirë mos të merret kjo rrugë,porosit Ismeti,ky gjastëdhjetëvjeçar nga Ulqini, i cili dhjetë muaj kalon në vendlindje, por dy-tre muaj gjithësesi edhe në Australi. Intron

Ne nga ana e KFOR-it do të bëjmë ç`është e mundur që të kryejmë deturën tonë", tha gjenerali Valenten.

Ulqin,l5 mars-Derisa dy aktorët kryesorë ,kryetari Millo Gjukanoviq dhe kryeministri , Filip Vujanoviq thonë se kanë arritur të ruajnë qenien shtetërore dhe nacionale të Malit të Zi, që sipas tyre, ka munguar që nga viti l9l8,forcat promalazeze, sidomos liberalët dhe socialdemokratët janë tepër të zhgënjyer me nënshkrimin e kësaj marrëveshje.Liberalët ,mbrëmë kanë refuzuar të takohen me Gjukanoviqin.Ata kanë paralajmëruar se

do të dalin me qëndrim brenda një afati shumë të shkurtër, mbase gjatë ditës së sotme se nuk do ta mbështesin qeverinë republikane.

Nënkryetari i socialdemokratëve,Miodrag Iliçkoviq ka thënë se Gjukanoviqi dhe Vujanoviqi nuk kanë pasur mandat që të nënshskruajnë këtë marrëveshje.Ai ka thënë se socialdemokratët, të cilët deri më tash kanë qenë në koalicioin qeveritar me partinë e Gjukanoviqit, do të vazhdojnë luftën politike për të drejtat nacionale dhe demokratike të qytetarëve.

Se Gjukanoviqi nuk ka pasur legjitimitet është shprehur edhe drejtori i Qendrës së Tranzicionit të Podgoricës, Nebojsha Medojeviq,por entuziazmin më të madh e kanë shfqaur partitë proserbe në Mal të Zi.

Nga partitë shqiptare ka reaguar kryetari i Lidhjes Demokratike në Mal të Zi, Mehmet Bardhi, duke theksuar se partia e tij kur të marrë tekstin integral të nënshkruar atëherë do të dalë publikisht me qëndrimet e saj,por Bardhi ka thënë se nuk është në rregull që çështja e pakicave ka mbetur në kompetencat e aleancës së dy anëtarëve të kësaj kreature.

Shqiptarët që kanë mbështetur partinë e Gjukanoviqit, që është afro gjysma e trupit votues të tyre në Mal të Zi,janë shumë të zhgënjyer me gjestin e Millo Gjukanoviqit sepse ata i kanë besuar se do ta ndajë Malin e Zi nga Serbia,duke themeluar një shtet të pavarur të njohur ndërkombëtar,ku sovran do të jenë qytetarët.(Intron).

Vdiqen 

Fejzie Mustafa (48) Sukubin-Anë të Malit
Miliha Hajdinaga ,e lindur Hoxha  (61) Ulqin

 Ulqin,l4 mars-Gjatë tri ditëve të kaluara në tri qendrat kryesore lokale të komunës së Ulqinit:Shtoj, Katërkollë e qytet   u zhvilluan tribuna me qytetarë e në fokus të trajtimit ishte  projektbuxheti i sivjetëm, i cili paralajmërohet se do të  miratohet deri në fund të këtij muaji.Projektbuxheti është hartuar në bashkëpunim me shoqatën amerikane ICMA.KJo shoqatë premton se do të investojë në Ulqin l milion e 2oo mijë marka gjermane.Dokumenti është botuar në 5 mijë ekzemplarë me qëllim që atë të kenë mundësi ta kenë në duar qytetarët e Ulqinit , të japin vërejtjet e tyre edhe të inicojnë ndonjë projekt që do të mund të realizohej me këto mjete që parashihen të grumbullohen.Një numër i vogël qytetarësh, sidomos në qytetin e Ulqinit ,morën pjesë në tribunën e mbrëmshme ku ndodheshin përfaqësuesit e pushtetit vendor dhe të shoqatës amerikane.Megjithat,dokumenti i publikuar edhe jep të dhënat elementare të buxhetit,hasi në vërejtje të shumta të disa shoqatave joqeveritare, siç është “Kalimera” përfaqësuesi i së cilës apeloi që të mbrohet ky ambient nga ndotësit e shumtë siç është kanali i Portomilenës.Kryetari i kësaj shoqate, Xhelal Hoxhiq  shfaqi mendimin se Ulqini duhet të kyçet në sistemin unik të ujësjellësit, kurse inxhenieri Fejzo Hoxhiqi,bëri apel te pushteti lokal që të definojë marrëdheniet me ndërmarrjen “Morsko dobro” e cila po vjel mjete të mëdha në komunën e Ulqinit edhe zapton hapësira që bien ndesh me ligjin.Ky  orator apeloi po ashtu që të ruhet lumi Buna sepse në bregun e tij nuk ka më kulla të peshkatarëve, janë ngritur ndërtesa të mëdha, restorante,por nuk janë ulqinakë.Kryetari i  Partisë së Prosperitetit Demokratik, Osman Rexha dha disa vërejtje profesioniste për projektbuxhetin që ndodhet në diskutim publik,shfaqi edhe mospajtim me projektet që janë kandiduar të realizohen  me ndihmën e shoqatës amerikane.Sipas tij, ky përcaktim nuk është i qëlluar, sepse Ulqini ka sasira të mjaftueshme uji.

Nuk është nevoja që të hapen katër puse,por Ulqini ka nevojë për një fabrikë të ujit të spastruar.Zotri Rexha përmendi 2 milion markat e Bashkësisë Evropiane që nuk dihet asgjë për fatin e tyre, si dhe 35o mijë markat e dedikuara për angazhimin e tyre në ndërtimin e Shtëpisë së kulturës, por në mënyrë të heshtur u përdoren për ndërtimin e kanalizimit në lagjen e Pinjeshit.Ai i bëri lutje shoqatës amerikane që  të mos mbështesë asnjë projekt në Ulqin para zgjedhjeve lokale, sepse siç tha ai mund të përdoren për  poena politike.

Nazif Cungu ,kryetar i Qendrës së biznesit tha se Ulqini ka nevojë të madhe për  revidimin e planit urbanistik,por ai kërkoi nga pushteti lokal përkushtimin më të madh për përgatitjen e sezonit turistik, ndërsa deponinë e hedhurinave në Braticë nuk e ka  vendin aty, por në atë lokalitet të ngriten komplekse të objekteve turistike.

 Kryetari i Shoqatës “Kalaja” Ismet Karamanaga  u bëri kritikë pushtetarëve lokalë që nuk kishin realizuar vitin e kaluar 6o mijë marka për riparimin e rrugëve në kështjellë,por ai paraqiti edhe qëndrimin e shoqatave joqeveritare të Ulqinit se me këtë buxhet janë paraaparë vetëm l5 mijë marka gjermane, e sipas tij, ato  meritojnë  shuma më të mëdha mjetesh  sepse realizojnë projekte shumë të rëndësishme për Ulqinin.Dhe në fund detyrimisht shtrohet një pyetje:përse tribunat që organizon administrata lokale nuk ngjall interesim të qytetarëve sikur ndodh në zonat rurale,kurse nëpër koluare dëgjohen vërejtje shumë të mëdha.(Intron) 

Ulqin,l3 mars – Në oborrin e Komunës së Ulqinit filloi sot ndërtimi i përkujtimores së të dëbuarve shqiptarë të Kosovës nga regjimi i egër i Millosheviqit.Shqiptarët të përndjekur të Kosovës, të ardhur në vitet l998 dhe l999, së pari në qytetin  e Ulqinit kanë zënë vend në oborrin e ndërtesës së qeverisjes vendore edhe aty kanë pritur që të arrijnë familjet ulqinake për të strehuar ato.Kanë arritur atëherë të lodhur, të plagosur, të dërmuar në shpirt sepse hordhitë serbe u paten vrarë më të dashurit të tyre, u kanë djegur shtëpitë, kanë qenë të eshtuar, të bërë shkrum.

Pikërisht në atë vend, do të ngritet monumenti në shenjë falenderimi  popullit të Ulqinit që i strehuan edhe përballuan bashkërisht sfidat më të rënda kombëtare në fund të mijëvjeçarit të kaluar.

Përkujtimoren e ngrisin vetë qytetarët e Kosovës në  lokacionin që e ka miratuar njëzëri parlamenti lokal i Ulqinit edhe do të përurohet solemnisht të shtunën e  javës së parë të muajit prill, kur  është dita e komunës së Ulqinit.(Intron)

Ulqin, l3 mars- Mediat malazeze kanë njoftuar se në një solemnitet rasti, në lagajen Pinjesh të Ulqinit, dhjetë pjesëtarëve të korpusit të Marinës luftarake të UJ u janë ndarë banesat,- ka kumtuar shërbimi për informim i ML të UJ.Çelësat i ka dorëzuar, siç theksohet në këtë komunikatë, komandanti i Flotës së ML të UJ, Jovan Gërbavac.

Asnjë reagim nuk është paraqitur nga partitë politike  lidhur me ndarjen e këtyre banesave. Nuk dihet a janë ato nga kontigjenti i l3o banesave të cilat ia  fali UJ Mali i Zi në vitin l995  derisa kryetar Momir Bullatoviqi.

Atëherë qe shumë aktuale edhe ndërtimi i portit luftarak në gjirin e Valdanosit edhe opozita malazeze e kundërshtoi fuqishëm këtë ide, e cila, fatmirësisht nuk u realizua, por as nuk është anuluar.Ndërkaq,ish-kryetari i Unionit Demokratik të Shqiptarëve, i ndjeri Bajram Rexha projektin e ndërtimit të portit luftarak dhe l3o banesat në Pinjesh i cilësoi si provokim të rëndë ndaj shqiptarëve të Ulqinit dhe veprime të drejtpërdrejta për ndërrimin e strukturës së këtushme etnike.

Sipas të gjitha gjasëve, edhe banesat e reja në kodrën më të preferuar turistike në Ulqin, Pinjesh, kanë po këtë qëllim.(Intron)

Shqiptarët e Tivarit
Tivar,l3 mars-  Sipas të dhënave zyrtare të regjistrimit të fundit të popullsisë në Mal të Zi(l99l), në strukturën e popullsisë në Komunën e  Tivarit, shqiptarët marrin pjesë më l2,5l për qind edhe pjesa derrmuese e tyre janë të koncentruar në zonat kufitare me Shkodrën, konkretisht në trevën e Krajës dhe të Shestanit.Derisa në Krajën e Poshtme, ku jeton elementi shqiptar i besimit islam, janë ruajtur traditat nacionale, ndërkaq në Krajën e Sipme (Shestan, Lijare,Brisk,Muriq,Pinç, Bes, Dedaj,Karanikej)është një gjendje tjetër-asimilimi i shqiptarëve ,po thuaj, është në shkallën më të lartë, mbi të gjitha ai i elementit katolik,migrimet lokale në mjedise tjera,ku nuk flitet shqip, martesat me nacionalitete sllave, shkollimi në gjuhën joamtare,predikimi në kishë, po ashtu, në gjuhë të huaj,i kanë lënë pasojat më të rënda te kjo popullatë.Mirëpo,edhe shqiptarët e ritit islam të Krajës së Sipme janë shumë të rrezikuar për të humbur identitetin e tyre kombëtar.Është një dukuri unike ndoshta në Evropë.Nxënësit shqiptarë, në familjet e tyre flasin në gjuhën amtare, ndërsa në Shkollën fillore të Gjuraçit, mësojnë në gjuhën serbe, e tash dy vjet gjuhën shqipe e mësojnë si gjuhë të “huaj”!?

Gjithësesi,elementi i ruajtur , i cili dëshmon përkatësinë dhe lashtësinë shqiptare, nuk është vetëm  ai pohimi deritash i papërgjënjeshtuar, se  Buzuku “ mund të ketë qenë nga Shestani i Krajës, shqiptarët e ikur në shek.l8 nga këtu  e vendosja e tyre në Arbanas të Zarës, por veshja popullore e shestaneshave është monumenti më bindës i përkatësisë shqiptare të kësaj popullate.Studiuesit shqiptarë, e në veçanti Prof. Dr. Ruzhdi Ushaku , veshjen e shestaneshave e quan fenomen të vërtetë të rrallë , dhe ,sipas të gjitha gjasëve,me një histori e jetë specifike.Dr. Ushaku është i mendimit se kjo veshje ka ngjashmëri me atë të gruas ilire nga Dimali-Shqipëri edhe daton nga shek.III dhe i II para epokës sonë.Studiuesit shqiptarë, po ashtu mendojnë se kjo veshje , e cila dëshmon traditën e lashtë dymijëvjeçare.Edhe sot e kësaj dite , shumë gra të Shestanit, kryesisht të moshave mbi 4o-vjeçare me një fanatizëm të posaçëm e ruiajnë edhe e bartin këtë veshje autentike shqiptare.Ato mund të shihen, jo vetëm në Ulqin, por edhe në Tivar. Mirëpo, ndërrimet shoqërore dhe kulturore, kanë ndikuar që veshjet popullore kombëtare shestaneshat t`i bartin vetëm në gazmendet familjare, duke e braaktisur thesarin e tyre të trashëguar me shekuj.

Këtë shembull e morem qëllimisht, sepse në këtë mënyrë ka ndodhur edhe me gjuhën shqipe,por edhe me përkatësisnë e tyre kombëtare,gjithnjë duke ikur nga ajo që i takon trungut shqiptar.Këtë “transformim” e ka imponuar politika asimiluese komuniste sllave,sidomos pas Luftës së Dytë Botërore.

“Elle  ato pak shpia qi kanë metë pa u rrenuo elle dy- tri vjet nuk kanë me kjenë.Shenji qi ka jetuo dikush ketu janë vorret e k`tij populli, si elle kisha e Sh`Palit.Kishen e rrenuome e kemi goditë te re.Për çdo sene me 29 qershuer na shestanasit mblidhena  me festuo festen e moçme elle me prit miq pej Nënmalit,Pinçit,Lijares,Briskut,Thtjanit,Tivarit e Ulqinit,-thotë Gjura i Macit Nik`s.

Ndërkaq, Mr. Ismail Doda, mbledhes e studiues i folklorit shqiptar, duke folur mbi shqiptarët e Tivarit ai na veçon se “ u shpërnda dhe u asimilua ,pothuaj,e gjithë ajo popullatë shqiptare tivarase.Fusha e sotme e Tivarit, që shtrihej prej Portit deri te Tivari i Vjetër, dy vjet pas rënies nën Mal të Zi (l88o), ishte një kopësht i gjerë dhe pitoresk, i përshkuar nga kasollat shqiptare.Pas mbetjes së Tivarit aty ku është edhe sot, shumica e popullatës, sidomos ajo me fe islame u shpërngul në Shkodër, Turiq, por edhe në Ulqin...Si rrjedhojë e kësaj,nuk del e saktë se në komunën e Tivarit jetojnë 46l9 shqiptarë ose l2,37 për qind.Për ironi, kur kemi të bëjmë me shqipfolësit, del se numri rritet në 6 mijë ose l6,o7 për qind.Andaj, me të drejtë mund të supozohet se numri i shqiptarëve është shumë më i madh se sa del në regjistrim,-thotë Ismaili.

Pas vitit l99o,subjekti nacional shtroi kërkesën që sa më parë të hapet një shkollë e plotë fillore me mësim në gjuhën shqipe ose paralele në këtë gjuhë pranë ndonjë shkolle në qytetin e Tivarit.Filloristëve të katundit të Pelinkut t `u  mundësohet shkollimi në anë të Malit.Në Shkollën fillore në Gjuraç, me paralelet e saj në Lijare e Muriq  sa më parë të kthehet shkollimi në gjuhën shqipe.Në këtë kontekst ka pasur përpjekje serioze të disa veprimtarëve vendës para dy vjetëvce, kur u bë edhe një referendum edhe mbi 9o për qind të popullsisë kërkuan shkollën shqipe, mirëpo subjekti politik shqiptar ishte shumë inert për të materializuar këtë edhe partia në pushtet përseri arriti të bind  shestanasit që të shkollohen në gjuhën “shtetërore”.Si rezultat i gjithë kësaj, asnjë i ri nuk arrin të vazhdojë as shkollimin e mesëm e lëre më shumë.

-Vendlindja është gjëja më e shenjtë në botë,-thotë Gjokë Pala, shestanas i fisit Stanaj.Ai thotë se një kohë të gjatë ka  bredhur nëpër botë, duke qenë madje edhe ushtar në Egjipt,Siri,Palestinë për t `u kthyer në Tivar në vitin l946.Është njohës i mirë i gjuhës frenge,angleze,italaiane,gjermane,greke, serbe,.Në moshën 57 –vjeçare martohet me një shqiptare të gjakut të tij, me një shestaneshë edhe ka krijuar familje.Të parët e tij kanë zbritur nga Lijarja në Tivar,por sot Gjoka, si shumë shestanas të tjerë janë vendosur në Braticë, rrethi i Ulqinit edhe flitet shqip, nuk “ ishtë harruo si në Tivar”. Ama, edhe këtu, fëmijët shkollohen në gjuhën joamatare.Kjo është një dukuri e veçantë që i kontribuon shpërbërjes nacionale,- shprehet mësimdhënësi i gjuhës shqipe Naser Perashi,i cili nxënësve shqiptarë të Shestanit në Shkollën fillore në Gjuraç,këtë gjuhë iu shpjegon si gjuhë “të huaj”.(Intron)

Beogradë:13 Mars
Pas 3 orëve të bisedave në kabinetin e presidentit jugosllav të hënën në mbrëmje, u kumtua se presidenti jugosllav, Vojisllav Koshtunica, nënkryetari i Qeverisë federale, Mirolub Labus, presidenti malazez, Milo Gjukanoviq dhe kryeministri malazez, Filip Vujanoviq kanë konstatuar rreth cilave çështje në konsultimet e deritashme është konstatuar se mund të arrihet marrëveshja, dhe ku edhe më tutje ekzistojnë dallimet në pikëpamje të marrëdhënieve të ardhme të të dy republikave ". Edhe pse mbetet e panjohur se për çka kanë rënë dakord Koshtunica dhe Gjukanoviq të hënën, me siguri mund të thuhet se kanë rënë dakord në qëndrimin ndaj gazetarëve. Nga kabineti i Koshtunicës i është thënë Radios B92 se dy presidentët janë marrë vesh që të mos u japn deklarata mediave.
Copyright © 2002 intron-presse /HB/

Per reformat e ardhshme ne vend shume e rendesishme do te jete e dhena e shkalles se arsimimit te popullates aktive. Te dhenat e fundit zyrtare flasin se ne 1000 banore kishte 200 me shkolle te mesme apo te larte. Megjithate, deshmohet se ka nje mosperputhje hapesinore ndermjet ofertes dhe kerkeses persa i perket fuqise punetore, si dhe shtimit te dallimeve ne nivelin e arsimimit dhe eksperiences profesionale te popullates ne rajonet e zhvilluara dhe te pazhvilluara.
RFJ-se i eshte mese i nevojshem regjistrimi, por mbetet ceshtje se athua eshte bere gjithcka qe do te mundesonte qe ai te mbahet ne rregull dhe a jane pastruar gjithe ceshtjet kontestuese te nderlidhura me regjistrimin. Nje nga keto eshte trajtimi i muslimaneve. Ajo u shtrua vitin e kalar ne prag te regjistrimit kur Partia demokratike e Sanxhakut kerkoi nga Enti federal per statistika qe gjate pergatitjes dhe shtypjes se fletregjistrimeve te shtohet edhe rubrika per percaktim kombetar boshnjak ne vend se musliman sic eshte tani. Atehere, sic u tha, "iu mundesua nje nga bashkesive me ne numer ne Jugosllavi qe lirisht te shprehte percaktimin nacional dhe gjithshtu do te nderpritej praktika e ish - regjimit qe gjithe nje populli ia caktuan percaktimin fetar musliman edhe per emrin nacional, qe ishte shembull i vetem ne bote".
Iniciativen e kane pranuar edhe perfaqesuesit e partive politke te Sanxhakut, por edhe kryetari i RFJ-se Voisllav Koshtunica dhe kryeministri i Serbise Zoran Gjingjic, duke pohuar se "secili ka te drejte te shprehet ashtu sic ndjehet". Megjithate, nuk ishte numri i pakte i atyre qe kane pohuar se keshtu cenohet Kushtetuta qe askund nuk pranon boshnjaket, kurse eshte interesant se atehere muslimanet malazez dhe partite e tyre ishin kunder ketyre ndryshimeve. Per keto tema tani, ne prag te regjistrimit, nuk bisedohet, dhe nuk do te duhej nese kjo hapet afer ose gjate kohes se regjistrimit.
Copyright © 2002 intron-presse /HB/

Ulqin,11 mars- Kryetari i Unionit Demokratik të Shqiptarëve, Fuad Nimani, në një deklaratë për Radio-Kosovën ka deklaruar se kohëve të fundit është përmirësuar dukshëm informimi publik në gjuhën shqipe. Ai me këtë rast përmendi nisjen  e botimit të gazetës “Koha javore”, e cila financohet nga shteti i Malit të Zi, do të luajë një rol të rëndësishëm në informimin në gjuhën shqipe në Mal të Zi.

Ulqin,11 mars- Drejtori i Ndërmarrjes “Morsko dobro” Dragan Ivançeviq, me seli në Budvë i ka deklaruar Radio-Ulqinit se do të hiqen të gjitha objektet e përkohshme nga lagjja e Ranës, si pika më strategjike e turizmit në këtë qytet. Ai ka thënë se do të shpallet konkurs për lokacionet ku do të mund të ngriten objektet me karakter stinor.
Ndërkaq, Ivançeviq ka premtuar se së shspejti do të nis ndërtimi i marinës në vendin e quajtur Kaceme në bedenat e kështjellës së lashtë të Ulqinit.

Krajë,11 mars- Shkolla fillore “Gj.Kastrioti-Skënderbeu” e Ostrosit kremtoi ditën e vet. Me këtë rast, siç na njoftoi drejtori i këtij institucioni edukativ-arsimor, Beqir Hasani, u zgjodhen nxënësit dhe klasa më e mirë, si dhe u nxorr numri më i ri i revistës së shkollës,

 në të cilën janë publikuar punime letrare dhe të artit figurativ të nxënësve, si dhe shkrime të mësimdhënësve të saj.
Në këtë kuadër u shfaq edhe një program i pasur kulturo-artistik.Intron

Në moshën 56 –vjeçare në Nju-Jork  vdiq Sulltanë H. Subrahimoviq edhe vorrimi i të ndjerës u bë dje në vendlindjen e saj, në Xhaminë e Re të Ostrosit të vogël në Krajë.

Ulqin,9 mars- Qeveria malazeze e ka përcaktuar tekstin e ligjit të ri të qeverisjes lokale dhe të zgjedhjes së kryetarit të komunës me vota të drejtpëdrejta të qytetarëve, e jo sikundër deri më tash, njeriu i parë të zgjidhet nga partia që siguron shumicën apo nga koalicioni bashkëqeverisës.Ligji duhet të miratohet me procedurë të përshpejtuar në parlamentin  republikan sepse zgjedhjet e ardhshme, që parashihen të mbahen në muajin maj sipas radhës, edhe pse këtë çështje do ta vendosë parlamenti.
Një risi e posaçme është se në të ardhmen komuna do të ketë kryeadministratorin, i cili do të udhëheq me të gjitha organet e qeverisjes vendore.Pos kësaj, vlen të përmendet edhe fakti se,po ashtu kodifikohet me ligj që komuna duhet të zhvillojë bashkëpunim me sektorin joqeveritar, përkatësisht me organizatat e pavarura.

Deri më tash ky bashkëpunim me OJQ nuk ka funksionuar si duhet, e sidomos në komunën e Ulqinit, në buxhetin e së cilës nuk figuron asnjë mbështetje  për sektorin joqeveritar.

Me zgjidhjet e reja ligjore do të humb shumë kompetenca, sidomos, qyteti i Ulqinit, si komunë specifike me shumicë absolute shqiptare.Vërtet se status të ngjashëm do të kenë edhe vendbanimet tjera në Mal të Zi, por qyteti i Ulqinit është dashur të ruante nivelin e tij qeverisës sepse në këtë kontekst ai ka një traditë shekullore.Edhe pse vështirë do të kishin mundur të kishin bërë ndonjë përmirësim, strukturat udhëheqëse të Ulqinit nuk kanë zhvilluar ndonjë veprimtari të duhur për të kundërshtuar normat e reja ligjore të qeverisjes vendore.(Intron)

Ulqin,9 mars – Gjatë ditës së sotme janë vërejtur grupe turistësh nëpër qytetine Ulqinit dhe pikat më të preferuara turistike, siç është Kalaja.Pjesa më e madhe e tyre janë nga vise të ndryshme të Shqipërisë, të cilët arrijnë për të kaluar fundjavën në Ulqin e në Budvë.Kësaj radhe numri më i madh i tyre ishin gra, sigurisht këtë vizitë e kanë bërë në kuadër të festës së tyre, Tetë Marsit.

Mirëpo,në qytet ,hiq sektorin privat,nuk hetohet asnjë aktivitet që lë të kuptosh se po punohet diçka për të pritur sezonin turistik.Në të vërtetë, Ndërmarrja e të mirave detare me seli në Budvë ka paralajmëruar se do të heqë të gjitha objektet e përkohshme që janë ngritur në rripin bregdetar, në Ranë e Plazh të Madh,

në mënyrë që të krijohen hapësira më të mëdha për qarkullimin e turistëve, e jo sikundër vitin e kaluar që objektet e kësaj natyre janë ngritur edhe në vendet ku  nuk përkojnë me asnjë normë ligjore.Pronarët e tyre kanë reaguar se, sipas tyre,kanë bërë investime të shumta edhe kanë të vetmin burim të ekzistencës.

Sigurisht se pengesa më e madhe sivjet do të jetë çështja e parkimit të automjeteve sepse nuk kanë vend as për veturat e vendësve, e lëre më për turistët.Me këtë problem qeverisja vendore nuk është marrë fare.Mirëpo,ai kërkon zgjidhje të shpejtë edhe adekuate.(Intron)

Podgoricë,9 mars- Që nga dita e nesërme në të gjitha rrugët e Malit të Zi do të aplikohen norma të reja ligjore edhe dënimet për ata që nuk i zbatojnë  rregullat do të jenë dhjetë herë më të larta.Kështu,dënimi më i ulët që do të paguhet në vend do të jetë 23 euro, e në këtë kuadër llogaritet  tejkalimi i shpejtësisë, defektet në pajimet të automjetit me të cilin dilet në trafik, ndalimi dhe parkimi që bie ndesh me ligjin etj.

Mirëpo,dënimet janë edhe më rigoroze edhe arrijnë deri në l39 euro, siç është tejkalimi i kolonës së automjeteve gjatë udhëtimit në vendet e ndaluara, mosrespeektimi i shenjave të komunikacionit etj.

Përdorimi i rripit vazhdon të jetë i obligueshëm, jo vetëm për shoferin e bashkëudhëtarin e tij, por edhe për pasagjerët tjerë nëse e kanë atë duhet ta përdorin.

Zyrtarët e policisë malazeze kanë paralajmëruar se së shpejti do të nis edhe dënimi ndaj atyre që gjatë grahjes së automjetit përdorin edhe telefonin e dorës.Ky projektligj ndodhet në përfundim e sipër  edhe në të do të jenë shumë risi që deri më tash nuk kanë ekzistuar.

Në opinion dëgjohen mbështetje për këto norma të reja ligjore, në mënyrë që të vendoset një dishiplinë në komunikacionin rrugor, por parashtrohet pyetja se kush ka për të kontrolluar policinë e cila në shumtën e rasteve  tejkaloin kompetencat e saj ose zbaton dënime që nuk janë konform ligjit,por me qëllime të ndryshme personale.Bëhet edhe një vërejtje tjetër, qeveria e Malit të Zi me këto ngritje të shumave të dënimeve dhjetëfish më shumë synon të pasurojë buxhetin ,por edhe e ka nënvlerësuar moneten e re, evron, sepse ngjashëm ka vepruar edhe me rastin e para tri vjetëve kur shpalli mjet të vetëm të pagesës markën gjermane.(Intron)

Ulqin,8 mars- Mbrëmë në Ulqin u kremtua solemnisht 7 Marsi-Dita e Mësuesit.Në ktë manifestim, të organizuar nga dy partitë parlamentare shqiptare, Lidhja Demokratike në Mal të Zi dhe Unioni Demokratik i Shqiptarëve, merrnin pjesë një numër i madh i mësuesve nga shkollat fillore të kësaj komune.Fjalën kryesore përshëndetëse e mbajti Abullah Kurti, kryetar i Këshillit të Arsimit të LD në MZ, i cili foli për historikun e kësaj date të rëndësishme të historisë së arsimit tonë kombëtar.Ai në veçanti u dërgoi përshëndetje mësuesve më të vjetër mbi supet e të cilëve ka rënë barrë e madhe sepse punuan në një kohë të vështirë menjëherë pas Luftës së Dytë Botërore.
Po ashtu për peshën e madhe të Ditës së Mësuesit foli edhe Muhamet Spuzha ,referent për arsim në Ministrinë e Grupeve Nacionale dhe Etnike pranë Qeverisë së Malit të Zi, anëtar i UDSH.

Ndërkaq, një fjalë përshëndetëse e mbajti edhe mësuesi veteran, Haxhi Taipi nga Katërkolla, i cili përkujtoi fillet e shkollës shqipe në Anë të Malit,para gjashtëdhjetë vjetëve, duke potencuar sidomos Jonuz Divanin, i cili siç tha ai, vuri themelet e shkollës shqipe në Anë të Malit në gjuhën amtare shqipe.Haxhiu tha se në saje të këtij orientimi të drejtë dhe vullnetit të mirë të anamalësve për të mësuar në gjuhën amtare, kjo trevë sot ka kuadro të të gjitha profileve e nuk ka ndodhur sikundër me disa zona fiqnje, siç është Merkoti dhe Shestani, të cilat nuk deshën të arsimohen në gjuhën amatare shqipe, por në gjuhë të huaj edhe sot nuk kanë arritur të kenë asnjë individ as  me shkollë të mesme e lëre më shumë.Në kuadër të këtij manifestimi u dha edhe një program modest kulturo-artistik.Intron

Ulqin,8 mars- Dita ndërkombëtare e Gruas edhe në Ulqin u shënua në mënyrë simbolike.Por, karakteristike e ditës së sotme ishte se në qytet kishte aq shumë njerëz, sikur në valën kryesore të strinës turistike.Të rinj e të reja , gati tërë ditën kanë bërë shetitje nëpër pikat kryesore të qytetit.Nënat,motrat dhe bashkëshortet janë përgëzuar, së paku, me buqeta lulesh të freskëta.

Ulqin,8 mars- Në të përditshmen e sotme “Vijesti” të Podgoricës,pikërisht në faqen e parë të saj është botuar një lajm shumë sensacional për gjoja dridhjet e vazhdueshme të tokës në disa lagje të Ulqinit, e mbi të  gjitha në Kala.Sipas kësaj gazete këto dridhje janë duke shkaktuar panik të jashtëzakonshëm të banorëve.Përballë kësaj, gazeta citon edhe Entin seizmik të Malit të Zi, i cili, siç thuhet,nuk ka regjistrur asnjë dridhje të tokës në Ulqin.

Në të vërtetë,herë pas here hetohen dridhje, por si pasojë e detonimeve të gurthyesve, e jo dridhje tektonike.

Policia maqedonase ndalon 7 punonjës të UNHCR-së e 2 ushtarë të NATO-s

SHKUP:7 MARS
Dje pasdite policia maqedonase ndaloi perkohesisht shtate punonjes te UNHCR-se dhe dy ushtare te NATO-s nen akuzen e fotografimit te nje zone ushtarake me nje fshat ne afersi te kryeqytetit Shkup. Perfaqësuesi i Agjensise se Kombeve te Bashkuara per Refugjatet (UNHCR) ne Shkup konfirmoi arrestimin e punonjesve te tij, por mohoi perfshirjen e tyre ne gjoja fotografimin e zones afer kazermave te ushtrisë maqedonase. Sipas agjencisë gjermane të lajmeve DPA, ushtria maqedonase tha se punonjesit e UNHCR-së, nje kanadez, një kinez, një maqedonas dhe kater shqiptare u pane duke vezhguar dhe fotografuar zonen ne afersi te kufirit kosovar. Policia u
njoftua menjehere dhe nëntë persona, shtate te UNHCR-se dhe dy ushtare te NATO-s u ndaluan.
Copyright © 2002 intron-presse /HB/

Trajkovski-Robertson: Parlamenti maqedonas të miratojë ligjin për amnistinë
SHKUP:7 MARS
Sekretari i Përgjithshëm i NATO-s, George Robertson dhe presidenti i Maqedonisë, Boris Trajkovski, pas bisedimeve që patën mbrëmë në Bruksel, deklaruan se presin që parlamenti i Maqedonisë të miratojë sot ligjin e amnestisë, të cilin Robertson e quajti element kyç të procesit të paqes. I pyetur lidhur me deklaratën e kryeministrit Bajram Rexhepi, se institucionet e Kosovës nuk e njohin marrëveshjen mes Beogradit dhe Shkupit për vijën kufitare, Robertson tha se kjo çështje është në kompetencë të Organizatës së Kombeve të Bashkuara, vendimet dhe qëndrimet e së cilës NATO-ja i respekton.
Copyright © 2002 intron-presse /HB/

Ulqin,5 shkurt-Fuad Nimani, lider i Unionit Demokratik të Shqiptarëve, si partia më e madhe nacionale e shqiptarëve në Mal të Zi i dërgoi telegram urimi presidentit të Kosovës, Dr.Ibrahim Rugovës. Në këtë telegram urimi, ndër të tjera thuhet se Unioni Demokratik i Shqiptarëve me ankth të madh e priti emrimin dhe zgjedhjen e kryetarit të Kosovës si dhe formimin  e institucioneve të para  shtetërore në Kosovën e lirë, për herë të parë të dalur nga vullneti i popullit të shprehur në zgjedhjet e para të lira demokratike.

Andaj, zotëri Rugova pranoni urimet tona më të përzemërta, ku njëherësh ju dëshirojmë shëndet ,punë të mbarë me devotshmëri, ku nuk do të mungojë shpirtgjerësia juaj në krijimin e një klime të re në hapësirën kosovare dhe pikërisht mbesim me

shpresë te Zoti  se në punën e mëtejshme do të mbizotërojë toleranca, mirëkuptimi dhe harmonia ndërnjerëzore e partiake si kusht themelor për realizimin e aspiratave shekullore të popullit kosovar për një Kosovë demokratike, multietnike dhe të pavarur.

Pra, më lejoni që edhe një herë t`ju përgëzoj për postin e kryetarit të Kosovës,post ky i cili na gëzon pa masë me bindje që që, pas shumë mundimeve, viktimave dhe sakrificës së mbarë Kosovës, më në fund programi dhe qëllimi juaj do të bëhet realitet,- thuhet në këtë telegram urimi të kryetarit të UDSH, Fuad Nimani dërguar kryetarit të Kosovës Dr. Ibrahim Rugovës.
për intron I.B.

Podgoricë,5 mars-Përfaqësuesi i lartë i Bashkimit Evropian  për Politikë të Jashtme dhe Siguri, Havier Solana ,siç bëjnë të ditur mediat e pavarura të Podgoricës, ka biseduar dje në Nju-Jork me përfaqësuesit më të lartë amerikan , ndër të tjera edhe mbi rrjedhën e deritashme  të bisedimeve serbo-malazeze, me sekretarin e shtetit Kolin Pauel dhe me këshilltarin   për  çështjet e sigurisë nacionale, të presidentit Bush,Kondaliza Rajs.Po për këtë temë Solana paralajmërohet se do të bisedojë edhe me  sekretarin e përgjithshëm të Kombeve të Bashkuara, Kofi Anan,ka deklaruar mbrëmë zëdhënësja e Solanës,Kristina Golak.

Ajo të ketë thënë se përfaqësuesi i lartë i Bashkimit Evropian nuk e ka në plan të vizitojë Ballkanin deri në fund të kësaj jave ,por këshilltari i tij,Shtefan Lene është në kontakt të përhershëm me  ekspertët e Podgoricës dhe të Beogradit.

Javën e kaluar Lene në Podgoricë e Beograd ka biseduar me ekspertët mbi tri tema shumë të rëndësishme nga fusha ekonomike,të tregtisë,doganave dhe mbi  monetën.Ajo Solanën e ka informuar se ende  nuk shihet ndonjë kompromis lidhur me këtë çështje,por pozicionet janë më afër se sa më parë.Lene do të vazhdojë kontaktin me përfaqësuesit e pushtetit të Podgoricës dhe të Beogradit, në mënyrë që të arrihet përparim, ka thënë zëdhënësja Galak për të përditshmen “Vijesti” të Podgoricës.

Ndërkaq, kryetari i socialistëve proserbë Predrag Bullatoviq ka deklaruar sot se nëse Millo Gjukanoviqi do ta pranojë shtetin e përbashkët,edhe kjo parti e rëndësishme opozitare në Mal të Zi ka për ta votuar ligjin e bashkëpunimit me Tribunalin e Hagës.(Intron)

 Podgoricë,5  mars –Senatori amerikan, Bob Dol i ka dërguar letër kryetarit të Malit të Zi, Millo Gjukanoviq në të cilën , ndër të tjera thuhet se, me përkujdesje të madhe po e ndjekim shtypin dhe burimet tjera lidhur me bisedimet e ekspertëve midis autoriteteve të Serbisë dhe Malit të Zi. Sipas gjasëve, ndodheni nën presionin e fuqishëm të përfaqësuesit e Bashkimit Evropian  që të hiqni dorë nga planet tuaja për referendum ose të shtyni votimet për një të ardhme të largët  edhe në këtë mënyrë të pamëshirshme të lidhni progresin e vendit tuaj sipas tempos që imponon kryesisht Beogradi.

-Vështrim- 

Ulqin,4 mars-Kështu u shpreh Dr. Gani Karamanaga, kryetar i Shoqatës së Mjekëve të Ulqinit, në mbledhjen e organizatave joqeveritare të Ulqinit, të organizuar të shtunën e kaluar nga “Horizonti i Ri”. Ai tha se nuk është Ulqini mjedis me një mentalitet konzervativ e patriarkal, siç mundohen ta paraqesin disa organizata joqeveritare, qëllimi i të cilave është që të sigurojnë mbështetje financiare për projektet e tyre. Ulqini është një ambient bashkëkohor, e në asnjë mënyrë ashtu siç mund të dëgjohet nga disa organizata të këtushme joqeveritare,- tha Dr. Ganiu edhe ky vlerësim u mbështet edhe nga disa përfaqësues të shoqatave të pranishme.

Është shumë e vërtetë se asociacione të ndryshme që përpiqen të merren me problemet e gruas, pozitën e saj në shoqqërinë e këtushme, marrëdhneniet ndëretnike dhe të drejtat e pakicave më shumë janë si paravan për të realizuar ndonjë mbështetje financiare në fondacionet  ndërkombëtare, se sa kontributi i tyre i njëmendët për ndërtimin e, siç thonë ato, të raporteve të reja shoqërore.

Shoqatat tona joqeveritare, vërtet duhet të kenë mbështetjen, jo vetëm morale, por edhe ato duhet ta ndërtojnë një strukturë të nevojshme, në radhë të parë kadrovike, me përgatitje adekuate arsimore që të mund të përcjellin njohuritë shkencore e profesioniste te auditoriumi  i grupmoshave që u dedikohen projektet. Në Ulqin veprojnë disa organizata që merren me problemin e gruas, të marrëdhenieve ndëretnike, të drejtat e pakicave e probleme të kësaj natyre. Gjatë këtyre dy vjetëve të fundit janë organizuar disa seminare me temat e sipërpërmendura, shumë të ngjashme me njana tjetrën.

Mirëpo, më shumë të pranishëm kanë qenë përfaqëssues nga shoqatat homologe nga rajoni, se sa auditorium që do të përftonte nga këto debate. Veç kësaj, vazhdimisht freguentojnë individë të njajtë edhe shumë pak struktura sociale që do të mund të përftonin nga këto trajtesa. Mbi këto baza dëgjohen edhe ankesa të vetë OJQ se kanë pak vizitues të projekteve të tyre, sidomos në pjesën urbane. Zhvillimi dhe zgjerimi i sektorit joqeveritar është një lëvizje pozitive sepse e ka rëndësinë e vet në ndërtimin e shoqërisë civile, por niveli i tashëm lë përshtypjen  e nxitimit të organizimit të sa më shumë OJQ-ve ka të vetmin qëllim-  përftimet materiale.

Takimet më të shpeshta të OJQ, të cilat janë inicuar nga “Horizonti i Ri”, si njera ndër Shoqatat joqeveritare më prestigjoze në Ulqin, janë të mirëseardhura, sepse do të mund të trajtohen tema me rëndësi për territorin e kësaj komune edhe për vetë OJQ. Mirëpo, ka shumë nevojë që të bëhet edhe grupimi i asociacioneve të sektorit joqeveritar, sepse të gjitha nuk kanë mundësi kadrovike e as profesioniste të kyçen në trajtimin e temave specifike, siç është mjekësia, kultura apo ekologjia. Ka shumë arsye që të hartohen edhe projekte të përbashkëta, të mos synohet përherë që biografia e ndonjë OJQ të pasurohet me ndonjë projekt, të cilin, shikuar realisht, nuk ka kompetencë adekuate profesioniste për ta realizuar, por arrin të vendos lidhje me fondacionet përkatëse. Gjithësesi ekziston nevoja që OJQ e Ulqinit të bashkëpunojnë sa më ngjeshur mes veti edhe në këtë mënyrë kontributi i tyre do të jetë më konkret edhe më racional.(Intron)

Tuz,4 shkurt- Me Programin e zhvillimit të objekteve të  infrastrukturës së Bashkësisë lokale të Tuzit, qendër e Malësisë për sivjet, ndër të tjera ,parashihet edhe ndërtimi i objektit të ri të Shkollës fillore dhe të Kopshtit të fëmijëve.

Ndërtimi i këtij objekti është shumë i nevojshëm, meqë kaherë janë parashtruar kërkesat për një objekt të ri të shkollës fillore në mënyrë që të sigurohen kushtet normale të punës në fushën e edukimit e arsimimit fillor të brezave të reja, sepse gjendja aktuale në objektin ekzistues po bëhet gjithnjë e më e padurueshme.

Me këtë çështje është njoftuar edhe Ministria e Arsimit dhe e Shkencës edhe në këtë ndërlidhje është shtuar aktiviteti për të siguruar një zgjidhje të shpejtë e të favorshme.Pikërisht, siç njoftohet, kjo ministri e ka marrë përsipër që të hartojë dokumentacionin e plotë projektues, kurse Sekretariati për Urbanizëm dhe Ndërtimtari të zgjidh çështjen e lokacionit dhe të nxjerrë vendimin e truallit ndërtimor të këtij objekti.

Bashkësia lokale e Tuzit ka marrë obligim që të themelojë Këshillin për ndërtimin  e objektit dhe të organizojë aksionin e grumbullimit të mjeteve financiare- pjesëmarrje e qytetarëve të Malësisë dhe të bashkatdhetarëve në mërgim.(Intron)

Ulqin,3 mars-Shoqata ekologjike “Kalimera” ka akuzuar Ndërmarrjen “ Morsko dobro” me seli në Budvë që administron bregdetin edhe komunën e Ulqinit se, sipas kësaj shoqate, i kanë kontribuar në masë të madhe që Portomilena të jetë lokaliteti më i ndotur ujor në Mesdhe,aq më tepër kur është në hyrje të plazhit të njohur të Shtojit,por edhe njëqind metra larg kompleksit të hoteleve të Plazhit të Madh.

Devastacioni i Portomilenës po vazhdon edhe më tej,por në një mënyrë tjetër,tash duke hudhur në të plehra dhe mbeturina të tjera shkatërruese, duke e ngushtuar dhe degraduar këtë akuatorium ekzotik natyror.

Shoqata ekologjike “Kalimera” ka ftuar ndërmarrjen që administron me bregdetin dhe komunën e Ulqinit që të prononcohen publikisht mbi këto ngjarjet më të reja në këtë kanal,dikur sinonim i turizmit të Ulqinit nga degradimi i mëtejmë.

Portomilenën duhet rivitalizuar urrgjentisht edhe të mbrohet si ambient i posaçëm biologjik dhe turistik dhe të shpallet si zonën e mbrojtur me ligj.(Intron)

Tivar,3 mars- Dje, në orët e pasdrekës, në malin Rumi ka shpërthyer një zjarr.Siç bëhet e ditur nuk ka pasur dëme as të lënduar.Njësia e zjjarfikësve e Tivarit ka intervenuar menjëherë edhe pse nuk ka pasur ndonjë paraqitje zyrtare për këtë fatkeqësi elementare natyrore.Zyrtarët e njësisë së zjarrfikësve të Tivarit thonë se jemi në kontakt të përhershëm me përfaqësuesit e BL që të intervenojmë nëse do të jetë nevoja.

Ulqin,3 mars- Shoqata e Artistëve dhe Intelektualëve «Art Club» me seli në Ulqin në mbledhjen e djeshme miratoi raportin e punës dhe atë financiar për vitin e kaluar edhe përcaktoi kornizat e projekteve për këtë vit.Edhe pse është shoqatë kulturore- joqeveritare,Art Club është duke e mbajtur gjallë kulturën shqiptare në Mal të Zi gjatë tërë vitit.

Projekti i parë i këtij viti që do të realizohet brenda një afati të shkurtër është 6o-vjetori i shkollës shqipe në Ulqin  e rrethinë.Ky aktivitet ka qenë i paraparë të realizohet me shoqata homologe nga Malësia, mirëpo për shkak të painteresimit të tyre, Art Club vendosi që të realizojë vetë këtë projekt shumë të rëndësishëm për arsimin shqip në Ulqin, por edhe në Mal të Zi.

Ulqin,2 mars-Shoqatat joqeveritare të Ulqinit, në mbledhjen e sotme, të cilën e organizoi “Horizonti i Ri”, i bënë vërejtje shumë të mëdha buxhetit të komunës së Ulqinit për sivjet.Këtë buxhet e ka hartuar grupi punues i administratës lokale në bashkëpunim me dy shoqata ndërkombëtare, ICMA dhe USAID.Sipas OJQ- ve të Ulqinit,në këtë dokument buxhetor mungojnë elementet themelore shpjeguese për shumat e paraapara për tu realizuar gjatë këtij viti.U tha, madje, se në këtë tekst  është përdorur terminologji që i takon sistemit monist edhe në asnjë mënyrë pushtetarët e Ulqinit nuk mund të shkëputen nga bolshevizmi.Sipas OJQ- ve ,

Nazif Veliqi (Horizonti i Ri)-Organizatat joqeveritare në Ulqin janë shumë aktive,madje ndër më aktivet në Mal të Zi. Flitet se fondacionet dhe organizatat ndërkombëtare do të tërhiqen nga Mali i Zi, por krijohen mundësi të reja për të realizuar projektet e OJQ-ve,sidomos nga ekologjia e ndërtimi i shoqërisë civile.Konsideroj se është mirë që OJQ të takohen sa më shpesh mes veti për të debatuar rreth veprimtarisë së tyre.Mendoj se ka arsye që të dërgojmë një letër kryetarit të komunës për anashkalimin e sektorit  joqeveritar.

Dr.Nail Draga (Art Club)-Kemi shumë tema për të diskutuar.Lidhur me buxhetin do të thoja se ka shumë konfuzitet.Po përmend vetëm një moment- shuma kaq e madhe –87 mijë marka gjermane për kabinetin e kryetarit të komunës,kjo është skandaloze.Janë paraparë edhe donacionet nga jashtë, skandal i llojit tëvet.Mungojnë mendimet e qytetarëve për këtë buxhet.Buxheti nuk është në favor të zhvillimit të Ulqinit.

Xhelal Hoxhiq(Kalimera)-Konsideroj se qëndrimet tona lidhur me buxhetin nuk duhet  t i  publikojmë në shtyp pa u takuar me autorët e këtij projekti,pra të buxhetit.Të japim vërejtje me gojë.

Dr.Gani Karamanaga(Shoqata e mjekëve)-Ne i jemi drejtuar pushtetit lokal për të ndihmuar projektet tona. Nuk kemi marrë përgjigje.Kohë më parë kemi botuar librin e kumtesave nga seminari me kolegët nga Shkodra.Botimin e ka mbështetur Ministria e Grupeve Nacionale dhe Etnike.

Ibrahim Berjashi(Harmonia)-Ky dokument ka edhe gabime tjera,sidomos përkthimi në gjuhën shqipe.Si është e mundur që edhe me këtë botim gjuha e popullit shumicë, shqiptarëve, vehet në një pozitë shpërfillëse.Mendoj se buxhetin është dashur ta hartojë një grup tjetër pune, as të komunës e as të organizatave ndërkombëtare, por ekspertët.Me siguri nuk do të kishte qenë në këtë gjendje.

Hatixhe Gjonoviq(Anima)-Pushteti lokal i Ulqinit injoron në mënyrë të pashpjegueshme organizatat joqeveritare.Autorët e këtij buxheti ende jetojnë në monizëm.Ky nuk i përgjan buxhetit.Për kabinetin e kryetarit të komunës parashihen 87 mijë marka gjermane.Si mund të jetë kjo, derisa një ministër i ka të ardhurat personale mujore 6oo DM.Këtu ekziston mundësia  e manipulimit.Askund në  buxhet nuk figurojnë të ardhurat nga firmat private.Kështu siç është,është buxhet shumë iritues.

Ismet  Karamanaga( Miqtë e Kalasë)- Personalisht kam menduar se është ndonjë material propagandues turistik sepse tashmë sezoni po troket në derë.OJQ nuk i kanë konsultuar fare edhe pse shoqata të cilën e drejtoj i ka paraqqitur vërejtjet e saja.Si ka mundur të ndodh kjo.Buxheti formohet nga të ardhurat që paguajnë qytetarët , e pikërisht ky dokument nuk është në këtë frymë.Ky buxhet është i përkohshëm, sepse ndërkohë pritet të miratohet ligji mbi qeverisjen lokale edhe pastaj do të jenë  rrethana tjera.

«TË  VENDOSIM SË BASHKU»

Ky është njeri prej mesazheve , i cili u drejtohet qytetarëve edhe ftohen të marrin pjesë në tribunat publike për buxhein e komunës së Ulqinit për vitin 2oo2.Mirëpo,përveç një kutije brenda hapësirave të  Komunës,nuk është bërë asgjë tjetër.Shifrat e specifikuara me shuma të konsiderueshme mjetesh janë paksa edhe qesharake, duke marrë për bazë burimet prej nga parashihet të realizohet buxheti- kryesisht nga të ardhurat që do të vilen nga qytetarët.Në fund të vitit të kaluar qe bërë zhurmë e madhe për këtë ,siç patën thënë pushtetarët, formë e re e buxhetit komunal, ku qytetarët do ta kenë të qartë për çdo para të shpenzuar.Jo që ka sjellur ndonjë risi, por përkundrazi,është edhe më konfuz se sa më parë.

Siç vlerësojnë OJQ e kësaj komune,më shumë është një regjistër aktual i pushtetarëve dhe i klubeve të këshilltarëve të parlamentit.Sipas radhës, sivjet duhet të mbahen zgjedhjet lokale,edhe me siguri nuk do të jetë , së paku, kjo përbërje e emrave të këshilltarëve.Pra, nuk e kanë pasur vendin të shënohen në tekstin e buxhetit për sivjet.

Në tekstin e buxhetit shënohet se në këtë komunë jetojnë 25.555 banorë,por ngjashëm me kolegët e tyre të sistemit monist nuk e kanë theksuar se cili popull jeton këtu.Pas të ashtuquajturës hartë turistike, është edhe një botim i dështuar që mban firmën e Kuvendit të Komunës së Ulqinit.( Intron)

Ulqin, l mars-Edhe pse që në fillim të këtij viti u paralajmërua një aktivitet i dendur lidhur me përgatitjet e sivjetme për sezonin turistik,u themelua edhe një grup pune i përbërë nga subjekte të ndryshme që merren me turizëm nga subjektet e kësaj dege ekonomike së bashku me përfaqësuesit e pushteti vendor,nuk hetohet ndonjë veprimtari konkrete në këtë plan.Siç dihet, vitin e kaluar programi për përgatitjet e sezonit turistik u miratua në fund të verës!

Ulqin,1 mars- Në një deklaratë ekskluzive për Intronin, kryetari i Sindikatave të pavarura të Ndërmarrjes Ndërtimore “Primorje “ të Ulqinit, Asllan Zeneli tha se ne nuk do të heqim dorë në asnjë mënyrë nga kërkesat tona legjitime. Gjendja ekonomike dhe sociale  në ndërmarrje është shumë e rëndë.Punonjësit nuk kanë marrë të ardhurat personale tash një vjet e më shumë, e as kontributet nuk janë shlyer tash 2o muaj. Por, ka punonjës që nuk merr pagat që nga viti l999 edhe vazhdimisht janë në punë.

Drejtori i tashëm, Brano Jançiq gjatë këtyre katër vjetëve, nuk ka treguar aftësi për të sanuar gjendjen, përkundrazi  në mandatin e tij humbjet në ndërmarrje janë dhjetëfishuar.

Kërkesat tona i kemi dërguar nga sindikata komunale e deri te kryeministri. Ende nuk ka asnjë përgjigje.Nëse nuk do të përmbushen këto kërkesa,punonjësit janë unikë, do të organizojmë grevë të përgjithshme, - ka thënë ai.(Intron)

Podgoricë,1 mars- Këshilltari  i posaçëm i Havier Solanës për Ballkanin, i cili është i kyçur në bisedimet serbo-malazeze Stefan Lene, mori mbrëmë në Podgoricë një përgjigje të qartë dhe të fortë nga kryetari i Malit të Zi, Millo Gjukanoviq dhe kryeministri i kësaj republike, Filip Vujanoviq  se Mali i Zi  nuk ka për të pranuar asnjë variant të bashkësisë së re, të përkohshme, me Serbinë që do të kuptonte kthimin e dinarit si mjet pagese. Lene ka arritur nga Beogradi edhe, sipas mediave malazeze, zyrtarët serbë i kanë  paraqitur ultimatumin  për një valutë të përbashkët në bashkësinë e re.

Mirëpo, siç vlerësohet në Podgoricë, rreth kësaj çështje nuk do të ketë kompromis sepse në Mal të Zi mjet pagese është euro, përkatësisht edhe marka gjermane deri në fund të këtij muaji. Mali i Zi nuk do të heq dorë  as nga doganat, i është thënë qartë këshilltarit të Havier Solanës mbrëmë në Podgoricë, sepse, sipas zyrtarëve të Malit të Zi, me këtë  kjo republikë nuk do të kthente në reformat e nivelit serb.

Qëndrimi i këshilltarit të Solanaës në Podgoricë është bërë pa ndonjë publicitet në media, por vizitën e tij Malit të Zi e ka konfirmuar edhe këshilltari i kryetarit të Malit të Zi për politikë të jashtme, Milan Roqen, i cili ka deklaruar se edhe kësaj radhe kemi theksuar se ruajtja e nivelit të  reformave është parakusht i arritjes eventuale të ndonjë marrëveshjeje për zgjidhjen kalimtare midis Malit të Zi e Serbisë, por edhe qëndrimi ynë tashmë i njuhur për të drejtën e qytetarëve të Malit të Zi  për të vendosur mbi ardhmërinë e  tyre,-ka thënë këshilltari i kryetarit të Malit të Zi për politikë të jashtme.

Zaratarët malazias nuk e kanë pohuar e as nuk e mohuar mundësinë e takimit të Solanës në Bruksel me kryetarin e Malit të Zi, Millo Gjukanoviq këtë fundjavë.(Intron)