Podgoricë,3l janar- Kërcënimi i  Qeverisë së Malit të Zi se me dhunë do të  përfshijë Ulqinin  në Ndërmarrjen “Akva regija” të sistemin e ujësjellësit të bregdetit  malazias ka shkaktuar indinjatë në radhët e partive politike shqiptare të cilat ushtrojnë pushtetin vendor në Ulqin. Në këtë ndërlidhje, deputeti i Unionit Demokratik të Shqiptarëve, Ferhat Dinosha ia tërhoqi vërejtjen pushtetit të Malit të Zi se Ulqini nuk heq dorë nga interesat e veta. Ai në Parlamentin e Malit të Zi tha se Ulqini, ku pushtetin e kanë dy partitë nacionale shqiptare, ka marrë vendim dy herë, mund të testohet edhe një herë, por qëndrimi do të jetë i njajtë- refuzohet kyi cili, siç tha ai, është   kundër interesave të banorëve të kësaj komune. Dinosha i rekomandoi Podgoricës zyrtare që të mos ushtrojë dhunë juridike për të përfshirë Komunën e Ulqinit në këtë projekt me qendër në Budvë. Ne edhe si parti, pra UDSH, e kemi mbështetur njëzëri vendimin e parlamentit të Ulqinit. Opinioni i Malit të Zi e ka të njohur se pushtetin vendor e ushtrojnë dy partitë nacionale shqiptare  dhe që të dyjat e kanë miratuar këtë vendim për të mbrojtur interesat e Ulqinit. Ne do të bëjmë të pamundurën që të mos zbatohet dhuna juridike, por të përfillet vullneti i qytetarëve të Ulqinit.

Ulqin, 3l janar- Fati i njerit ndër hotelet më luksozë të Ulqinit, “Galebit” sa vie e bëhet më konfuz. Në shtyp paraqiten se u është shitur italianëve, ndërkaq Këshilli Drejtues i NHT “Riviera e Ulqinit” i ka dërguar kërkesë “Montenegrobankës“ që të shqyrtojë mundësinë e shtyrjes së afatit edhe gjashtë muaj për të shitur këtë hotel. Siç bëhet e ditur, në këtë periudhë, ”Riviera e Ulqinit” në bashkëpunim me Këshillin për Privatizim do të siguronte shitjen e pjesëve të kësaj pasurie në mënyrë që në afatin e propozuar të sigurohen mjetet për përmbushjen e obligimeve ndaj “Montenegrobankës”. Këshilli Drejtues ka konstatuar se obligimet e “Rivierës së Ulqinit” ndaj bankës së sipërprmendur, në bazë të kredive afatgjate më 3l dhjetor të vitit 2oo1 kanë qenë 7.oo2.876 marka. Është propozuar që hoteli “Galeb” të vehet në funksion e kjo do të arrihet në bashkëpunim me kolektivin më të madh të turizmit të Ulqinit, ”Rivierën...”

Podgoricë,3l janar- Kryetari i Malit të Zi, Millo Gjukanoviq ka deklaruar  se qëllimi i qytetarëve të kësaj republike është për një Mal të Zi evropian. Ky qëllim mund të arrihet  me subjektivitetin ndërkombëtar të tij. Mënyra e realizimit të këtij qëllimi mund të jetë  referendumi,- theksoi presidenti i Republikës Millo Gjukanoviq  në intervistën dhënë TV “Elmag” të Podgoricës.

Njera prej tri rrugëve të mundshme është marrëveshja me Serbinë, që do të thotë themelimi i aleancës së shteteve të pavarura të Malit të Zi dhe Serbisë, të njohura nga bashkësia ndërkombëtare. Marrëveshja e dytë nënkupton definimin e marrëdhenieve  në bazë të modelit çekosllovak, kurse rruga e tretë është mbajtja e referendumit për pavarësinë shtetërore të Malit të Zi  dhe njohja e subjektivitetit të tij ndërkombëtar, theksoi Gjukanoviqi, duke thënë se aktualisht jemi koncentruar në dialogun  sa më cilësor me Serbinë në praninë e Bashkimit Evropian.

Podgoricë,31janar-Presidenti i Malit të Zi, Milo Gjukanoviq deklaroi të mërkuren në mbrëmje se pas pas bisedës së ekspertëve në Bruksel më 4 shkurt do të organizohen bisedat e veçuara të zyrtarëve të Serbisë dhe Malit të Zi me përfaqësuesin e Bashkimit Evropian, Havier Solanën.

BEOGRAD,31janar- "Jugosllavia nuk do të ndahet". Presidenti jugosllav, Vojisllav Koshtunica u shpreh optimist për bisedimet mes Serbisë dhe Malit të Zi dhe
deklaroi se këto dy shtete nuk do të ndahen.

SELANIK,31janar - Komuniteti ndërkombëtar është shumë i rezervuar për zhvillimin e një referendumi në Malin e Zi për pavarësi. Kështu u shpreh dje shefi i diplomacisë greke, Georges Papandreu, në Selanik para fillimit të një mbledhje trepalëshe me funksionarë të lartë austriakë, italianë për situatën në Ballkan. "Nuk ka siguri nëse do të zhvillohet një referendum meqenëse komuniteti ndërkombëtar është shumë i rezervuar për një evolucion të tillë", deklaroi Papandreu.

Prishtinë,31janar- Forcat policore të UNMIK-ut dhe të KFOR-it kanë konfiskuar një sasi të madhe
armatimi në kufi me Shqipërinë

Prishtinë - Policia e UNMIK-ut dhe forcat e KFOR-it kanë konfiskuar sot një sasi të konsiderueshme të armatimit.

PRISHTINË 31janar- Zgjedhjet lokale në Kosovë do të mbahen në shtator të këtij viti. Kështu kanë pohuar zyrtarë të administratës ndërkombëtare dhe ata të Organizatës për Siguri dhe Bamshkëpunim në Kosovë.

BERLIN,31janar- Gjermani -- Gjeneral Hainz-Georg Kerl, komandanti gjerman i operacionit Amber Foks të NATO-s, i tha një gazetë ushtarake se aleanca ka të ngjarë të zgjasë misionin e saj në Maqedoni, i cili duhet të përfundojë më 27 mars. Ende është e paqartë nëse Gjermania do të vazhdojë të luajë një rol drejtues në këtë veprimtari. Përsa i përket gjendjes së sigurisë, Kerl tha se nuk kishte asnjë shenjë se luftëtarët shqiptarë etnikë ishin duke u përgatitur të fillojnë një mësymje të re, siç kanë spekulluar disa zyrtarë në Shkup.

Podgoricë,31janar-Euromarket banka në Podgoricë javën e ardhshme do ti vendos Bankomatat e par në Malë të Zi.Ajo mendon  gjithashtu të vendos aparate të tjera edhe në qytetet bregdetare sikurse Budva, Tivari,

Ulqin,3o janar- Tash 24 orë pjesa më e madhe e qytetit të Ulqinit  nuk ka furnizim me ujë të pishëm.Kjo ka ndodhur, siç na deklaroi drejtori i përgjithshëm i Ndërmarrjes Komunale, Fuad Haxhibeti,

Tuz,3o janar- Në Malësi u themelua OJQ e prodhuesve bujqësorë, që është e para e këtij lloji në këtë trevë.

Sekretari i kësaj shoqate, Gjon Dreshaj ka thënë se qëllimi i kësaj organizate është që furnizojë bujqit me ushqim për kafshë dhe vegla bujqësore me çmime të volitshme, përparimi i bujqësisë në këtë rajon, por edhe njohjen e farmerëve me të arriturat më të reja në fushën e bujqqësisë, si dhe me përvojat e vendeve që kanë bujqësi të zhvilluar, posaçërisht në SHBA.

Plavë,3o janar-Qumnështorja e Plavës, e cila vepron në kuadër të Kooperativës së këtushme bujqësore, këtë muaj nuk e ka bërë grumbullimin e qumështit nga blegtorët e kësaj komune, por kjo veprimtari do të vazhdojë në fillim të muajit shkurt, kanë deklaruar përgjegjësit e kësaj kooperative. Në këtë kuadër është në plan që të vazhdojë prodhimtaria e djathit të njohur të Plavës, i cili plasohet në Podgoricë, Tivar, Ulqin etj.

Grumbullimi i qumështit nuk është bërë për shkak të temperaturave të ulëta, mirëpo ekzistojnë gjasat që nga muaji i ardhshëm të nisë mbarë kjo punë edhe të grumbullohen deri në 25 mijë litër qumësht në ditë.

Krajë,3o janar- Tash një javë  ka humbur pa asnjë gjurmë Hazis Imeri- Berjashej.Burimet tona na thonë se ai të enjten e kaluar, rreth orës 2o, oo ka dalur nga shtëpia e një të njohurit të tij në Ostros edhe nga ai moment nuk dihet asgjë më për të.Fqinjët e tij janë duke kërkuar , siç thuhet, pëllëmbë më pëllëmb gjithë Krajën,por ende pa sukses.
 

Podgoricë,30janar-Qeveria e Filip Vujanoviqit me shkrim kërkoi që të ndalohet pranimi i Jugosllavisë në Këshillin e Evropës. List Crnogoraca pohoi që anëtarët e delegacionit të parlamentarëve jugosllavë, të cilët gjatë javës së kaluar kanë marrë pjesë në sesionin e Asamblesë së Përgjithshme të KE,

Kuvendi i Malit të Zi sot e aprovoi Ligjin për doganat, të cilin deputetët e opozitës ashpër e kanë kritikuar, duke konsideruar se është në kundërshtim me Kushtetutën e RFJ.

Hag,30janar-Ish-presidenti jugosllav Slobodan Milosheviq për herë të parë u paraqit para këshillit pesënaëtarësh, të shkallës së dytë të Gjykatës së Hagës, e cila e shqyrton ankesën e Prokurorisë lidhur me vendimin që Milosheviqit së pari të gjykohet për krimet në Kosovë, e pastaj edhe për krimet në Kroaci dhe në Bosnje e Hercegovinë. Milosheviq me atë rast kërkoi nga Gjykata e Hagës që t i bëhet e mundur që të mbrohet në liri, kurse gjykatësi iu përgjigj që kërkesa e tij do të shqyrtohet.

Kërkoj të më lironi sepse edhe ju por edhe tërë bota e ka të qartë që nga kjo betejë e cila është duke u zhvilluar kundër shtetit tim dhe popullit tim unë nuk do të ikë dhe që nuk e kam ndërmend të ikë, tha Milosheviq. Si miq të gjykatës, avokatët Branisllav Tapushkoviq dhe Stiven Kej shpjeguan që bashkimi i aktakuzave në bazë të strategjisë për krijimin e Serbisë së Madhe është i pakuptimtë, meqë statusi i territorit të Kosovës, si pjesë përbërëse e Serbisë, është i ndryshëm në krahasim me Kroacinë dhe BeH.

Prishtine,30janar-Ish-luftetare te UÇK-se PRISHTINE - Mijëra shqiptarë të Kosovës u mblodhën sot në Prishtinë dhe në qytetin verilindor Podujevë për të protestuar kundër arrestimit të tre ish-guerrilëve të Ushtrisë Çlirimtare të Kosovës (UÇK) me dyshimin se ata kanë kryer krime lufte gjatë konfliktit në Kosovë.

PRESHEVE,30janar- Subjektet politike shqiptare në luginën e Preshevës u shprehën sot kundër propozimit të Këshillit Koordinues të të dy qeverive të Beogradit, që udhëhiqet nga zëvendëskryeministri Çoviç, për përfshirjen e shqiptarëve në njësitë speciale të policisë serbe.

Tivar,30janar-Dje në regjionin e Tivarit pati tundje toke.Termeti u ndigju deri në Kruç.

Ulqin,30janar-Ndërmerja e Budvës "morsko dobro" angazhohet të ndërtoj portin e Kacemes nën qytetin e vjetër të Ulqinit.Plani i konstruimit ashtë duke ecurë në marveshje me komunën e Ulqinit.Direktori gjeneral i "morsko dobro" Dragan Ivançeviq ceku se ato presin plani urbanistik që të rregullohet për kët zonë.

Ulqin,30janar-Telekomi i Ulqinit ka filluar instalimin e rjetës së saj digjitale në Ranë,Meteriz,Mëhall të re,Te pazari dhe në lagje tjera të Ulqinit.Simbas udhëheqsit të saj zotni Basri Dervishi tha se konstruimi i rjetit digjital të lidhjeve telefonike do të kryhet prej një kohe të caktuar dy mujore.

Bruksel,30janar-"Kemi shpresë për një zgjidhje të butë për sa i përket çështjes së Jugosllavisë". Këtë ka deklaruar dje në mbledhjen e ministrave të Jashtëm, Havier Solana shefi i politikës së Jashtme dhe Sigurisë në BE. Solana tha se, "jo vetëm autoritetet jugollave dhe serbe por edhe liderët e Malit të Zi ishin më të gatshëm për të bashkëpunuar dhe për të gjetur zgjidhjen rreth të ardhmes së federatës". Sipas Solanës, "takimi i të premtes në Beograd ilustron vullnetin e mirë për të ndërprerë bisedimet".
 

Ulqin,29 janar - Eksploatimi i rërës në Plazhin e Madh të Ulqinit përseri është në qendër të vëmendjes. Janë duke u bartur sasira jashtëzakonisht të mëdha  jashtë Ulqinit edhe është bërë hit për individët, të cilët duket se fitojnë shumë edhe jashtë Malit të Zi. Kjo mënyrë e eksploatimit të kësaj pasurie ka krijuar pasoja shumë të mëdha në rajonin e Shtojit, sepse nxjerrja pa kriter e ka degraduar këtë hapësirë. Zyrtarët e BL të Shtojit kohëve të fundit, disa herë, kanë tërhequr vërejtjen për këto dëme kaq të mëdha, mirëpo nuk është ndërmarrë asnjë veprim që të ndërpritet hovi kësaj plaçkitje të kësaj pasurie shumë  të madhe natyrore të komunës së Ulqinit.

Në foto:Duhet të ruhen pamjet natyrore të Plazhit të Madh

Tuz,29 janar- Përfaqësuesit e Bashkësisë Lokale të Tuzit njoftojnë se sipas planit të Fondit të lokalcioneve të ndërtimtarisë për vitin 2ool, në përfundim e sipër janë 23 rrugë lokale. Është paraparë asfaltimi i rrugëve të vjetra të qytezës, të cilat janë po të asaj moshe që ka vetë Tuzi, si dhe dy rrugë  anësore , njera nga lindja e tjetra nga perëndimi.

Podgoricë,29 janar-Partia Socialiste Popullore opozitare e Malit të Zi, nëpërmjet  zëdhënësit të saj, ka mbështetur në terësi mendimin se shumica e qytetarëve në Republikë sipas tyre, me shpejtësi po i kalon afati regjimit të Podgoricës. Gjithnjë sipas kësaj partie, sondazhet më të reja tregojnë qartë se koalicioni «Për Jugosllavinë», në çastet e pikërishme ka besimin më të madh të qytetarëve të Malit të Zi.

 

Tivar,28 janar-Studiuesit shqiptarë lokalë thonë se shqiptarët e Tivarit janë asimiliuar ne terësi. Sipas tyre, Fusha e sotme e Tivarit, që shtrihej prej Portit  e deri në Tivarin e Vjetër, dy vjet pas rënies nën Malin e Zi (l88o) ishte nji kopsht i gjerc  dhe pitoresk, i përshkuar  nga kasollat shqiptare.  Pas mbetjes së Tivarit aty ku është edhe sot, shumica e popullatës, sidomos ajo me fe islame, u shpërngul në Shkodër, Turqi, por edhe në Ulqin.

 

Në foto:Pamje nga  Tivari

Ulqin,28 janar-Tekstet shkollore nga të cilët mësojnë nxënësssit shqiptarë në Mal të Zi, e posaçërisht ata të historisë, shumë ngadalë janë duke bërë ndonjë përmirësim në favor të mësimit të historisë nacionale shqiptare.

Në foto:Busti i Skënderbeut në Krajë

Podgoricë,28 janar –Vendimi i Brukselit për të vazhduar bisedimet midis Podgoricës e Beogradit mbi ripërcaktimin e RFJ, të cilët kanë dështuar para se të fillojnë, tash për tash kanë vetëm një pasojë –përgatitjet zyrtare për organizimin e referendumit, po shtyhen.

Edhe përfaqësuesit e Koalicionit “Për Jugosllavi” janë duke pohuar se referendumi nuk mund të zhvillohet në pjesën e parë të këtij viti.

BEOGRAD,28janar - Ekspertë që përfaqësojnë qeveritë e Serbisë, të Malit të Zi dhe të Jugosllavisë do të takohen më 4 shkurt në Bruksel me ekspertët e Bashkimit Europian, për të diskutuar çështjet ekonomike në lidhje me procesin e asociimit dhe të stabilizimit. Këtë ka deklaruar dje Presidenti jugosllav, Vojisllav Koshtunica, i cituar nga agjencia BETA. Në bisedimet e zhvilluara morën pjesë Koshtunica, zëvëndëskryeministri jugosllav, Miroljub Labush, Kryeministri serb Zoran Gjingjiç, Presidenti i Malit të Zi, Milo Gjukanoviç, dhe Kryeministri malazez Filip Vujanoviç. Presidenti jugosllav njoftoi zyrtarët serbë, malazezë dhe jugosllavë se negociatat do të vazhdojnë edhe pas takimit të Brukselit.

BEOGRAD,28janar - Luftë e shpallur mes palëve që përbëjnë koalicionin qeverisës në Jugosllavi. Sipas Associated Press, "grupet rivale, ai i Presidentit Koshtunica dhe rivalët e tij akuzojnë njëri-tjetrin për korrupsion, paaftësi dhe tradhëti të interesave kombëtare". Ministri i Brendshëm serb, Dushan Mihajloviç ka reaguar pas kritikave të fundit të partisë së Koshtunicës dhe sipas tij, "flet gjepura dhe partia qe ai drejton i ngjan një sekti me qëllime të rrezikshme". Ministri i Brendshëm tha se, "është i detyruar të paralajmërojë Koshtunicën dhe përkrahësit e tij se ky është momenti i fundit për ta".

PRISHTINE,28janar - Arrestohet sot në Prishtinë dhe një tjetër ish-pjesëtar i UCK-së nga policia e UNMIK-ut. Arrestimi u konfirmua nga zëdhënësi i UNMIK-ut, Andrea Angeli, të cili i referohet agjencia italiane e lajmeve ANSA.

Ndërprerja e energjisë elektrike deri njëzet orë në ditë po shkakton probleme të mëdha për qytetarët dhe bizneset në disa pjesë të Ballkanit. Një kombinim i motit të keq dhe një dekadë luftërash e investimesh të pamjaftueshme kanë shkaktuar krizë në Shqipëri, Kosovë dhe Mal të Zi.

 Podgoricë,27 janar-Në fushën e përmirësimit të pozitës së popujve pakicë në Mal të Zi janë bërë disa hapa pozitovë, por me këtë nuk mund të jemi të kënaqur. Kjo republikë me kushtetutën e saj, i ka përcaktuar disa norma të veçanta mbi të drejtat e Grupeve Nacionale dhe Etnike në Mal të Zi. Por, të gjitha këto dispozita bëjnë fjalë vetëm mbi të drejtat individuale edhe nëpërmes tyre nuk mund të shfaqen të drejtat kolektive, përkatësisht specifikat e  popujve pakicë. Pra, nuk është çështja për të drejtat e garantuara, por gjetja e mekanizmave për t i realizuar ato në praktikë. Është në rregull që garantohen të drejtat individuale,por mbrojtja e të drerjtave të pakicave realizohet vetëm atëherë kur atyre u pranohen të drejtat kolektive,- ka deklaruar Gëzim Hajdinaga, ministër i Grupeve Nacionale dhe Etnike në Qeverinë e Malit të Zi për mediat  shtetërore malazeze.

Hajdinaga  ka thënë se në fund të vitit të kaluar në Ulqin është mbajtur  dialogu i  titulluar “Raportet ndëretnike në Mal të Zi “ me një theks të veçantë mbi pozitën e shqiptarëve në Mal të Zi. Ky bashkëbiesdim shqiptaro-malazeze është organizuar nga OJQ  Projekti për Marrëdheniet Ndëretnike nga Nju- Jorku, të udhëhequr nga Dr. Alen Kasof. Aty jemi marrë vesh që një grup, i përbërë nga  përfaqësuesit e partive parlamentare, të fillojë realizimi i gjashtë konkluzave  që kanë dalur nga kjo mbledhje e kanë të bëjnë me çështjen shqiptare në Mal të Zi.

Tivar,27 janar- Me ftesë të kryetarit të bashkisë së Shkodrës, Ormir Rusi, kryetari i komunës së Tivarit Borisllav Llalleviq me bashkëpunëtorë do të vizitojë Shkodrën prej datës 29 deri më 3l janar.

Në foto:Liqeni i Shkodrës ofron mundësi të mëdha bashkëpunimi midis dy vendeve

Ulqin, 27 janar- Organizata joqeveritare SOS- Telefoni në Ulqin, ka nisur të realizojë një projekt të ri dedikuar viktimës së gruas dhe fëmijës në shoqëri me qendër në Ulqin. Ky projekt, i cili do të zgjasë katër muaj është mbështetur nga Fondacioni BCIF. Qëllimi i projektit është krijimi i një ambienti me kushte të volitsshme për shoqërimin e grave të të gjitha nacionaliteve dhe konfesioneve si dhe thyerja e paragjykimeve që ekzistojnë te ne dhe eliminimi i dukurive negative.
 

Podgoricë,16janar-Ministri i jashtëm i Malit të Zi, Branko Lukovaç, ka thënë se pavarësisht nga këmbëngula e Bashkimit Europian për të ruajtur shtetin e brishtë jugosllav, vendi i tij do të vazhdojë rrugën drejt pavarësisë.
 

Prishtinë,26janar-Përpjekjet e fundit për të shpëtuar procesin e negociatave drejt ndërtimit të institucioneve të Kosovës përfundimisht nuk kanë dhënë rezultatet e pritura, megjithë deklarimet kundërthënëse të palëve në bisedime.
Dy partitë opozitare në Kosovë, ajo Demokratike dhe Aleanca për Ardhmërinë e Kosovës kanë kryer edhe formalitetet e nevojshme të kërkuara nga to, duke dërguar listën me emrat e kandidatëve për qeverinë e Kosovës.

Madje Partia Demokratike e ka bërë të njohur emrin e kryetarit të saj, Hashim Thacit si kandidatin për kryeministër të Kosovës, duke iu përmbajtur një projekt marrëveshjeje në zyrën amerikane me të cilën kjo parti e merr postin e drejtuesit të qeverisë.
I gjithë procesi i negociatave për ndërtimin e institucioneve të vetëqeverisjes duhej të zhbllokohej, kur kryesia e LDK-së, me anë të një kumtese të cilën thuhet të mos e ketë nënshkruar kryetari i saj, hodhi poshtë mundësinë e tërheqjes së saj nga pozicionet e mëparshme. Ajo i shpalli bisedimet të dështuara dhe për këtë fajësoi subjektet e tjera për, siç tha, joseriozitet politik. 

Ulqin,26 janar-Në përgjigjen e Prim. Dr. Gani Karamanagës ndaj reagimit të Dr. Selim Ismailit, botuar në mediat e shkruara lokale të Ulqinit, ndër të tjera thuhet se “ kjo nuk është mënyrë e komunikimit ndërmjet mjekëve të cilët shihen çdo ditë dhe kanë mundësi të madhe, si dhe të gjitha bisedat dhe problemet eventuale, t`I shqyrtojmë në vendin e përbashkët të punës. Nuk është e vërtetë se u ndërtua materniteti në vitin l982 në Ulqin, siç e theksoi Dr.Ismaili. Atëherë u ndërtua Shtëpia e  re e Shëndetit ku ishte edhe reparti i mbrojtjes shëndetësore të grave në katin e dytë, pjesa jugore. Disa dhoma të lira janë shfrytëzuar  si ambulamca specialistike(urologjia, ORL, dhoma e komisionit të mjekëve). Periudha e cila përmendet (l982-l999), ose një pjesë e madhe e kësaj kohëzgjatjeje ka qenë e vështirë, posaçërisht për mjekët shqiptarë. Unë përmendem si personi numër dy?! Atëherë kam qenë shefi i repartit dispanzero-specialistik. Mendimi im është se askush prej mekëve, e posaçërisht prej ne shqiptarëve, nuk ka mund të kontribuojë më tepër.

Podgoricë,26 janar-Ditë më parë në Podgoricë u themelua Komiteti Nacional Malazias edhe qëllimi i projektit “Lidhja e dallimeve” është që të zhvillojë vetëdijen mbi shoqërinë qytetare, multietnike dhe multikulturore dhe se ky komitet do të propozojë që në Kushtetutën e Malit të Zi, grupet nacionale dhe etnike të marrin statusin e popujve pakicë. Këtë propozim e ka kundërshtuar vetëm Partia Socialiste Popullore.

Gjatë periudhës trivjeçare, sa do të zgjasë realizimi i këtij projekti  Këshilli i Evropës ka qëllim, që në bashkëpunim me sektorin civil të shoqërisë, t u kontribuojë lidhjeve interkulturore të mjediseve shumënacionale.

Podgoricë,26 janar-Mbrëmë në Beograd vazhduan bisedimet mbi ardhmërinë shtetërore të Malit të Zi dhe Serbisë në praninë e përfaqësuesit e lartë të BE për politikë të jashtme dhe siguri. Solana ka deklaruar se  “edhe kësaj radhe po përseris se shkaku i  vizitës sonë këtu është dëshira që federata jugosllave të bëhet anëtare e jonë edhe nuk e kemi pa rëndësi se çfarë po ndodh brenda saj” –ka deklaruar Solana pas bisedimeve të mbrëmshme në Beograd.

"Dialogu midis Malit të Zi dhe Serbisë po rrjedh sipas planit, siç është planifikuar më l7 dhjetor, pas bisedimeve të ekspertëve, kanë vazhduar ato politike.

BEOGRAD,26janar - Udhëheqësit e dy republikave të Jugosllavisë, Serbisë dhe Malit te Zi ranë dakort dje gjatë një takimi me shefin e Politikës së Jashtme të Bashkimit Evropian, Havier Solana, që të vazhdojnë dialogun për të ristrukturuar marrëdhëniet e tyre. BE ka dëshiruar që të dy palët të bisedojnë, me shpresë se ata do të bien dakord me një Federatë të reformuar dhe do shmangin një ndryshim tjetër kufinjsh në Ballkanin e rrezikshëm, për të cilin diplomatët kane frike se mund te shkaktoje nje paqendrueshmeri te re ne rajon.

Ulqin,25 janar- Deputeti i zonës shqiptare e kryetar i Partisë Demokratike të Socialistëve, dega e Ulqinit, Luigj Shkreli dy herë në javë organizon pritje për sipmpatizuesit dhe anëtarët e kësaj partie opozitare në Ulqin, por popzitë në pushtetin qendror. Gjatë takimit të sotëm u zhvillua debat mbi disa iniciativa, siç u tha, me rëndësi të përgjithshme për qytetin e Ulqinit. U fol sidomos për nismën e Shkollës së Lartë Ekonomike në Ulqin, projekt të cilin e ka ofruar Dr. Elez Osmanoviqi. Sipas këtij të fundit, një numër i konsiderueshëm i të rinjve nga këto anë pas shkollës së mesme nuk kanë mundësiu materiale për të studiuar, e sidomos vajzat shqiptare.

Ulqin, 25 janar-Në Ulqin sivjet kanë filluar më heret dhe në mënyrë më serioze përgatitjet dhe kontaktet me partnerë nga bota për sezonin e ardhshëm turistik. Pa dyshim se tregu i Kosovës është tregu tradicionalisht më kryesor për Ulqinin, në këtë kontekst NHT „Riviera e Ulqintit“ shpreson që edhe sivjet, mysafirët kryesorë të arrijnë nga Kosova, deklaroi për drejtori i përgjithshëm i Ndërmarrjes Hoteliere turistike “Riviera e Ulqinit”, Xhevdet Çapriqi për gazetarë. Ai tha se dje kishim kontakt me agjencitë turistike serioze, siç është „Dardania“, ndër agjencitë më kryesore të Kosovës. Zhvilluam bisedime të rëndësishme dhe jemi marrë vesh që të bëjmë prezentim të përbashkët në qendrat kryesore të Kosovës, duke filluar nga Pritshina. Po ashtu do të marrim pjesë në panairin turistik që do të mbahet në muajin prill në Tiranë.

 Ulqin,25 janar- Rivenia e hekurudhës Podgoricë-Shkodër, përkatësisht Tuz-Bajzë, ka rëndësi të madhe për lidhjen midis Malit të Zi e Shqipërisë. Mirëpo, hapja e piukës kufitare Muriqan, krijon mundësi edhe më të mëdha komunikimi midis Ulqinit e Shkodrës.

Njoftimet e Shkodra bëjnë tëditur se fillojnë punimet për rehabilitimin e rugës Shkodër-Muriqan, siç quhet brenda kufirit administrativ të Shqipërisë, ose Sukubinë këndej kufirit, komuna e Ulqinit. Përgjegjësi i zyrës së investiemeve në prefekturën e Shkodrës, Zef Fistani tha se, për rehabilitimin e rrugës Shkodër-Muriqan, ll km të gjatë, janë akorduar nga qeveria shqiptare 4o milion lekë.

Ulqin 25.01.2002
Në mbledhjen e kryesis të ndërmarjes"Riviera e Ulqinit"

Ulqin,25 janar-Sonte në loklet e Bibliotekës së qytetit u hap ekspozita e piktorit akademiok, Rudi Goga. Publikut të vendlindjes së tij iu prezentua me 4o punime bakërshkrim të titulluar “Imazhe dhe impresione”.

Podgoricë,25janar-Minisriaja për çeshtje komptare të pakicave nga Mali i Zi bani të ditur që do të kërkojnë nga parlamenti i Malit të Zi krijimin e fakultetit pedagogjik në gjuhën shqipe në Ulqin,

PLJEVLJA (25 Janar) - "Bisedimet mes Serbia dhe Malit të Zi për të ardhmen e bisedimeve po na lodhin." Këtë ka thënë dje Presidenti Milo Gjukanoviç, nëpërmjet një deklarate të cilës i referohet edhe Radio B92.

Beograd,25janar-Udhëheqjet politike të Serbisë dhe Malit të Zi nesër vazhdojnë në Beograd bisedimet për mundësinë e mbetjes së federatës jugosllave, ku pritet të marrë pjesë edhe shefi i Politikës së Jashtme të Bashkimit Evropian, Javier Solana.

Shkup,25janar-Havier Solana thotë se Maqedonia do të miratojë ligjin për amnistinë

Shefi i politikës së jashtme të Bashkimit Evropian, Havier Solana, ka paralajmëruar se Maqedonia do të miratojë një ligj për amnistimin e ishë guerilasve shqiptarë.
Ai po ashtu, duke paralajmëruar mbajtjen e një konference të donatorëve për këtë vend, pas miratimit të Ligjit mbi vetëadministrimin lokal, ka tërhequr vërejtjen se ndihma evropiane do të varet nga realizimi i zotimeve të palës maqedonase.

Këto komente zoti Solana i bëri në Shkup pas bisedimeve shumëorëshe me presidentin Boris Trajkovski dhe kryeministrin Lupço Georgievski.

Zoti Solana tha pas bisedimeve me presidentin dhe kryeministrin maqedonas se prej tyre ka marrë sigurime se, para mbajtjes së zgjedhjeve parlamentare, do të realizohen të gjitha detyrimet që dalin nga Marrëveshja-kornizë e Ohrit.

Është biseduar, tha zoti Solana, për finalizimin e procesit të kthimit të policisë në rajonin e krizës, plan ky i hartuar me ndihmën e bashkësisë ndërkombëtare dhe, në këtë shtrirje, duhet të mos ketë kurrfarë provokacionesh.

Në bisedimet veçmas me presidentin Trajkovski, dhe kryeministrin Georgievski, saktësoi diplomati nga Brukseli, është biseduar edhe për miratimin e një ligjit mbi amnistinë:

Ulqin,24 janar-Intron-i i Ulqinit, në kuadër të veprimtarive të veta, këto ditë e ka plotësuar përmbajtjen e punës. Në këtë ndëlidhje, këtu po organizohen kurse të ndryshme të afëtësimit të përdorimit të kompjuterit, grafikën e internetin. Mirëpo, Intron ka kuadort për të aftësuar edhe grupe të tjera të specializuara.

Në foto:Selia e Intron-it në Ulqin

Uqin,24 janar-Shfrytëzimi i bregut të detit të Ulqinit gjhithnjë e më shumë është duke u ikur nga dora, jo vetëm pushtetit vendor, por edhe hoteleve të cilët administrohen nga mekanizma të pushteti qendror. Dhënia me qira e plazheve para kompleksit të hoteleve në Plazh të madh ka befasuar edhe drejtuesit e kësaj ndërmarrjeje, e cila ka bërë investime të konsiderueshme në mirëmbajtjen e tyre vite me radhë, përkatësisht me dekada të tëra. Sivjet, Ndërmarrja publike “Morsko dobro”, e cila selinë e ka në Budvë, por administron mbarë bregdetin edhe siç duket, Ulqinin e ka nën një “përkujdesje” të veçantë. Kjo u konfirmua edhe këto ditë, kur nëpërmjet një konkursi, plazhet para hoteleve të Plazhit të Madh iu dhënë me qira personave privatë. Mbi këtë ka reaguar ashpër drejtori i përgjithshëm i NTH “Riviera e Ulqinit” Xhevdet Çapriqi.

Në  foto:Ndërrohen “pronarët” e plazheve të Ulqinit
 

Tuz,24 janar-Drejtoria e punëve publike shpalli tenderin për punimet përfundimtare të Shtëpisë së Kulturës në Tuz. Ky objekt kap një sipërfaqe prej ll3o metra katrore edhe duhet të kryhen të gjitha punimet, duke filluar nga rregulimi i terrenit, instalimi termoteknik etj. në një afat prej gjashtë muajsh. Ndërtimin e këtij objekti të filluar tash disa vite do ta financojë Qeveria e Malit të Zi. Ndërmarrjet të cilat dëshirojnë të marrin pjesë në këtë tender, duhet të jenë të regjistruara për veprimtari të këtilla ndërtimore, por lypset të deponohen edhe mjete në bankë në masën 2 për qind të vlerës së ofertës dhe obligimin se brenda 6o ditëve do të nisin realizimin e kësaj oferte.

Podgoricë,24janar-Kryetari i Partisë Socialiste të Popullit, Predrag Bulatoviq tha se pret që Bashkimi Evropian do të kërkojë vazhdimin e dialogut midis përfaqësuesve të Malit të Zi dhe Serbisë dhe që nuk do ta pranojë ndërprerjen e tij të mundshme.

Tiranë,24janar-Në kulmin e krizës së saj energjitike, Shqipëria aktivizoi sot një linjë të dytë të importimit të energjisë, atë nga Podgorica e Malit të Zi për në hidrocentralin e saj të Vaut të Dejës. Kështu, është rritur aftësia e tërheqjes së energjisë elektrike nga vendet e tjera të Ballkanit, një problem ky, i cili deri dje, kishte kufizuar ndjeshëm blerjet e energjisë, duke ndikuar drejtpërsëdrejti në thellimin e krizës energjitike në vend.


Drejtori i rajonit energjitik të Shkodrës, Myzafer Lezha tha sot se fillimi i importimit të energjisë përmes Malit të Zi, po shoqërohet edhe me ndryshimin e skemës së shpërndarjes së energjisë elektrike për zonën veriore të vendit:

BRUKSEL,24janar - Policia e Brukselit ka filluar hetimet në lidhje me incidentin e ndodhur, ndaj Ministrit e Shtetit për Integrim Paskal Milo dhe dy anëtarëve të tjerë të delegacionit zyrtar të qeverisë Shqiptare. Policia deklaron se ky incident i ndodhur në hollin e hotelit belg është kryer nga një grup personash, bëri të ditur agjencia belge e lajmeve, të cilës i referohet agjencia italiane e lajmeve ANSA. Po sipas këtyre njoftimeve, policia ka ndërhyrë në këtë hotel rreth orës një të natës, por nuk mundi të kryente anjë arrestim. Disa policë kanë ruajtur ambientet e hotelit gjatë natës së kaluar deri sot në mëngjes. Ministri Milo me anëtarët e tjerë të delegacionit qeveritar edhe pas këtij incidenti kanë marrë pjesë në punimet e Komisionit të Punëve të Jashtme të Parlamenti Europian. Këtë incident e ka dënuar kryetari I PD-së, Sali berisha si dhe shefi I Politikës së Jashtme të BE-së, Havier Solana.


 

Shkup,24janar-Shefi i BE-së për Siguri dhe Politikë të Jashtme, Havier Solana mbërrin sot në Shkup për t'u informuar rreth implementimit të marrëveshjes së Ohrit. Ndërkohë zyrtari i BE-së në mesditë do vizitojë Prishtinën, ku do të takohet me tre liderët e partive më të mëdha politike kosovare, për të biseduar rreth negociatave të tyre për bashkëqeverisje. Pasdite Solana do të udhëtojë në Beograd, ku do të ndërmjetësojë në bisedimet serbo-malazeze.

për intron - presse H.B

Podgoricë,23 janar-Sipas hulumtimeve më të reja të Qendrës për të Drejtat e Njeriut nga Podgorica dhe agjencisë DAMAR, 46,7 për qind do të votonin për pavarësinë e Malit të Zi, kurse 4l,l do të deklaroheshin kundër nëse do të mbahej tash referendumi mbi pavarësinë e Malit të Zi dhe njohjen e tij ndërkombëtare.

 Ulqin, 23 janar- Kryetari i Unionit Demokratik të
Shqiptarëve, Fuad Nimani i pyetur se si i komenton
rezultatet e sondazhit të publikuar lidhur me
pavarësinë e  Malit të Zi, ka thënë se shqiptarët,
përkatësisht partia që drejton ai, nuk është e
kënaqur me këtë rezultat, por kjo është çështje
 fundamentale e popullit shtetformues malazias.
Shqiptarët mendojnë se në një Mal të Zi të pavarur
do të munden më lehtë t i  realizojnë kërkesat e tyre
legjitime.
 

Ulqin, 23 janar- Tradicionalisht hotelet në kompleksin e Plazhit të Madh për plazhistët e tyre kan ofruar edhe plazhet, mirëpo sivjet do të jetë ndryshe. Kështu hoteli «Bellevue» nuk do të mund t  u   ofrojë mysafirëve të vet edhe plazhin para këtij objekti, sepse në konkursin që ka shpallur ndërmarrja që administron bregdetin me seli në Budvë ia ka ndarë një personit privat.

Ulqin,23 janar- Në lokalet e Bibliotekës së qytetit, të organizuar nga Qendra e Kulturës, të premten, më 25 të këtij muaji do të hapet ekspozita personale e piktorit akademik Rudi Goga e titulluar “ Imazhe dhe impresione”.(Intron)

Podgoricë,23janar-Funksionari i Partisë Demokratike të Socialistëve, Miodrag Vukoviq, i cili është edhe këshilltar i presidentit malazez, Milo Gjukanoviqit, deklaroi të dielen se Koalicioni Bashkë për Jugosllavinë ka për qëllim që ta pengojë referendumin si procedurë demokratike. Ai tha që urdhërdhënësit e destabilizimit të Malit të Zi janë në Beograd dhe që këta janë pjesa nacionaliste e ODS, PDS dhe presidenti i saj Vojisllav Koshtunica.Kjo është forma filozofiko-politike e nacionalizmit serb i cili e përuron Serbinë e Madhe në të cilën Mali i Zi mund të jetë vetëm rajon ose autonomi, konsideron Vukoviq.

Bosnje-Hercegovinë (BiH)23,janar -- Qeveria serbe e Bosnjes i kërkoi gjykatës së OKB-së për krimet e luftës në Hagë të përshpejtojë përpjekjet për të vendosur nëse ish-Presidenti i Bosnjes Alija Izetbegoviç duhet të paditet për rolin e tij gjatë luftës. Autoritetet e Republikës Sërbska dërguan dokumente pranë gjykatës në nëntor, duke e akuzuar ish-udhëheqësin për "genocid, krime lufte kundër civilëve, krime lufte kundër të burgosurve të luftës dhe shkatërrim të objekteve kulturore dhe historike".

PRISHTINË,23janar - Komisioni i Pavarur Ndërkombëtar për Kosovën, në raportin e fundit të tij u shpreh se Pavarësia e kushtëzuar do të ishte zgjidhja më e mirë për vendin. Nënkryetari i këtij komisioni, Karl Tham, ndërkaq tha se situata aktuale në Kosovë është një nga arsyet që komisioni të vlerësojë se Kosova duhet ta ketë pavarësinë e kushtëzuar.

SHKUP,23janar- Maqedoni -- Udhëheqësit e katër partive politike kryesore të Maqedonisë arritën një marrëveshje të martën (22 janar), në lidhje me projekt-ligjin mbi vetë-qeverisjen vendore. Kompromisi u arrit gjatë një takimi me Presidentin Boris Trajkovski dhe përfaqësues të bashkësisë ndërkombëtare. I dërguari i BE-së Alan Lë Rua sugjeron se projekti mund ti paraqitet parlamentit dhe të miratohet deri në fund të javës.

Beograd,23janar-Bashkëshortja e ish-presidentit jugosllav, Mira Markoviq, e ftoi dje presidentin amerikan, Xhorxh Bushin që të tregojë mirëkuptim për Milosheviqin, për të cilin tha që gjithashtu ka luftuar kundër terrorizmit. Ajo i dha intervistë Njujork Tajmsit, të cilin e bëri të ditur korrespondenti i agjencisë SENSE, Slobodan Pavloviq. Kryetarja e të të Majtës Jugosllave, Mira Markoviq apeloi te presidenti amerikan, Xhorxh Bush që ta sigurojë në Hagë amnistimin për bashkëshortin e saj Slobodan Milosheviqin. Ai ka bërë të njëjtën gjë që tani është duke e bërë presidenti juaj Bush.

Ulqin,22 janar- Në Qendrën shkollore të Ulqinit dje u ndan librezat e nxënësve ku janë të shënuara rezultatet që kanë arritur gjatë këtij gjysmëvjetor. Është për t u habitur se mbi 65 për qind të nxënësve kanë shënuar suskses negativ, jo vetëm nxënësit e klasave të para, por edhe ata në të lartat.

Podgoricë,22 janar-Sipas të dhënave të Entit Republikan të Statistike së Malit të Zi, në dhjetor të vitit të kaluar, kostoja e jetës ka qenë 26 për qind më e lartë se sa në të njejtën periudhë të vitit paraprak. Më së shumti kanë pëesuar rritje artikujt e buxhetit familjar, siç janë lëndët për ngrohje, trafiku, shërbimet e PTT-së etj.

Podgoricë,22 janar-Tryeza e rrumbullakët në temën “Simbolet shtetërore të Malit të Zi” do të mbahet ditën e premte në Podgoricë, e organizuar nga Partia Socialdemokratike e Malit të Zi, përkatësisht nga Këshilli i saj juridik.
Me këtë rast, bëhet e ditur, se janë ftuar 4o pjesëmarrës nga bota e kulturës, artit, historisë, shkencave juridike dhe dishiplina të tjera të ngjashme. Ky projektligj i përgatitur, i përgatitur nga PSD e MZ, do t i dërgohet parlamentit për ta miratuar deri në muajin mars.

Podgoricë, 22 janar-Havier Solana ka deklaruar se në fund të javës se udhëton në Jugosllavi të përpiqet për të ndërmjetësuar në marrëveshjen e re kushtetuese midis Sebisë e Malit të Zi, kanë njoftuar agjencitë ndërkombëtare të lajmeve, transmetojnë mediat shtetërore malazeze. Duke u përgjigjur në pyetjen e gazetarëve se a është arritur ndonjë përparim mbi bindjen e Serbisë dhe Malit të Zi për të hartuar kushtetutën e re, Solana ka thënë se kjo ndodhet në gjysmë të rrugës.

PODGORICË,22janar - Presidenti i Malit të Zi, Milo Gjukanoviç i ka thënë zyrtërve serbë, federalë dhe të Bashkimit Evropian se nuk është i disponueshëm deri të premten në darkë për zhvillimet e bisedimeve federale.

SHKUP,
22janar- Zgjedhjet e parakohshme në Maqedoni mund të zhvillohen nga fundi i muajit maj, në varësi të progresit për zbatimin e marrëveshjes së paqes të ndërmjetësuar nga komuniteti ndërkombëtar, bënë të ditur dje burime diplomatike. Fillimisht, zgjedhjet e parakoshme ishin menduar të zhvilloheshin në janar, por plani nuk u zbatua pasi partitë sllavo-maqedonase dhe ato shqiptare etnike nuk arritën të kapërcenin mosmarrëveshjet rreth një sërë pikash, përfshirë edhe ligjin e vetëqeverisjes locale, dhe një amnisti për ish-guerrilët shqiptarë.

Michael Schmuck.
Prishtinë,22janar-Në qoftë se politikanet kosovarë nuk do ta formojne vete qeverine, atehere kete do ta beje bashkesia nderkombetare, deklaroi sot shefi i zyres gjermane ne Prishtine Michael Schmuck.
Bashkësia ndërkombëtare tha Schmuck, ka bërë ç'është e mundur që në Kosovë të zhvillohen zgjedhjet dhe bazuar në përfundim e tyre ekziston mundësia që të formohet një qeveri e mirë, por kjo nuk po ndodh.

Ne gjermanët deri tani kemi qenë të mendimit, se për Kosovën do të ishte më mirë që pas përfundimit të luftës t'i rregullonte vetë gjërat, mirëpo kjo nuk po sendërtohet.
 Kosovës i duhet ndihma e admistratës ndërkombëtare, por kosovarët duhet t'i dëshmojnë botës se edhe vetë janë në gjendje ta formojnë qeverinë dhe institucione të tjera, tha diplomati gjerman.

Prishtinë,22janarShtajner e merr postin në një moment delikat në Kosovë
Ish-këshilltari i qeverisë gjermane për çështje të jashtme, Majkëll Shtajner, do të jetë kreu i ri i misionit të Kombeve të Bashkuara në Kosovë.
Ai do të zëvendësojë në këtë post politikanin danez, Hans Hakerup.
Zoti Shtainer u bë i njohur si ekspert mbi krizën ballkanike gjatë viteve nëntëdhjetë.
Pas përfundimit të luftës në Bosnjë ai u emërua zëvendës-administrator atje.
Vendin e punës si këshilltar i kancelarit Gerhard Shroder, zoti Shtajner e humbi në nëntor, pasi, siç u tha, kishte humbur durimin me personelin ushtarak për shkak të vonesës së një fluturimi.
Ai shkon në Kosovë në postin e ri me njohuri të thella për Ballkanin.Deri para pak muajsh, diplomati 52-vjeçar ishte këshilltar politik i kancelarit Shroder.
Më parë ai ka shërbyer si zëvendës i Përfaqësuesit të Lartë të OKB-së në Bosnjë si dhe ka qenë përgjegjës për politikën e jashtme gjermane ndaj Jugosllavisë.
Emërimi i zotit Shtajner ende pritet të konfirmohet nga Këshilli i Sigurimit i OKB-së, por ky është vetëm një formalitet.
Zoti Shtajner do të arrijë në Kosovë në një kohë të vështirë.

Vdiqen

Asllan L. Kaçaniqi (89) nga Ulqini,

Behie Hoxha-(Fici), 73- nga Ulqini

Krajë,21 janar-Klubi i stuednetëve të Krajës me emrin “Shqiponjat” i themeluar para tridhjetë vjetëve nga të rinjtë e kësaj treve që më atë kohë studionin në Prishtinë, aktivitetin më të spikatur e bënë me organizimin e metingut të madh në qendër të Krajës, Ostros si sot para tri dekadave.Këtë ditë, para shkollës fillore, aty ku sot nddodhet moteli “Rumia” u mblodhen mijëra kranjanë për të komunikuar me studentët mbi vështërësitë dhe padrejtësirat që u bënte pushteti i atëhershëm komunist i Tivarit dhe i Malit të Zi. Populli i priti me duartrokitje frenetike, por jo edhe autoritetet lokale, të cilët veprimtarinë e studentëve e quajtën antishtetërore dhe armiqësore. Diskutuan shumë studentë mbi problemet me të cilat ballafaqohej kjo zonë e izoluar malore.
U fokusuan sidomos problemet e furnizimit me ujë, ata të elektrifikimit, papunësia, pamundësia e shkollimit,

Ulqin,21 janar- Shoqata e blegtorëve të Ulqinit javën që lëmë pas ndau 5o tonelata misër ekskluzivisht anëtarëve të saj, mirëpo, siç thonë bujqit kjo ndarje i ka irituar jashtë mase. Ndërkaq, në bisedë me kryetarin e këtij asociacioni inxhenier Gani Rexha mësuam se këtë kushtëzim nuk e kemi bërë ne, por shoqata amerikane me seli në Podgoricë, ajo i ka përcaktuar kriteret të cilat i ka miratuar Këshilli drejtues i shoqatës sonë. Pra, mbi këto parime, të drejtën e marrjes së sasirave të caktuara të misrit për blegtori e gëzojnë kryesisht anëtarët të cilët janë regjistruar edhe në mënyrë të rregullt e kanë bërë pagesën e anëtarësisë prej l5 markave për një vit.

Z.Rexha sqaron se gjatë ditës së sotme, eventualisht nesër do të arrijnë edhe 5o tonelata të tjera të mistrit të cilat po ashtu do t iu ndajmë anëtarëve të shoqatës sonë në disa pika të nivelit komunal.

Podgoricë,21 janar- Dialogu midis Podgoricës dhe Beogradit pritet të vazhdojë ditën e premte  ka deklaruar sot kryetari i Malit të Zi, Millo Gjukanoviq  gjatë një vizite që i ka bërë Zhablakut. Atje kryetari malazias ka qëndruar në disa bashkësi lokale edhe ka biseduar me banorët mbi jetën që zhvillohet atje duke theksuar se bujqësia duhet të shikohet si një  mundësi shumë reale e perspektivës.
 

Brigitte Rath
Prishtinë,21 janar-Kështu u shpreh dje, përfaqësuesja e OSBE në seksionin e monitorimit të sistemit ligjor, në Prishtinë, Brigitte Rath, cituar nga agjencia britanike e lajmeve Reuters. Ajo tha se, "mbajtja e të burgosurve dhe mosdhënia e asnjë mundësie për të dalë para një gjykate është thyerje e të drejtave të njeriut".

Prishtinë 21 janar-


Ish-këshilltari i kancelarit gjerman për çështjet e politikës së jashtme, Michael Steiner, do të jetë i ngarkuari i ri i posaçëm i OKB-së për Kosovën. Sekretari i përgjithshëm i OKB-së Kofi Anan vendosi që kandidaturën e tij t'ia propozojë Këshillit të Sigurimit. Diplomati Steiner konsiderohet si ekspert i Ballkanit. Në periudhën 1996-1997 ai ishte zëvendës i të ngarkuarit të OKB-së për Bosnje-Hercegovinën. Emërimi i tij si shef i misionit të OKB-së në Bosnje dështoi vetëm prej ish-kancelarit Helmut Kohl. Karrieren e vet diplomatike Stenier e filloi në sektorin juridik të Ministrisë së Punëve të Jashtme. Ai ka punuar si diplomat në Kinshasa (Zaire) dhe më tej pranë OKB-së. Në vitin 1989 ai u transferua për në Pragë, ku në ambasadën e RFGJ ishin strehuar një numër i madh refugjatësh nga ish-RDGj.

Megjithëse me siguri nëpër sallonet diplomatike diplomatët duke shijuar kaviar, do të qesëndisin duke kujtuar se Steiner u detyrua para pak muajsh të jepte dorëheqjen si këshilltar i kancelarit, sepse kishte fyer me zë të lartë ushtarët e Bundeswehrit që nuk i kishin vënë në dispozicion sasinë e nevojshme të kaviarit, posti i ri nuk mund të konsiderohet si ngushëllim për diplomatin gjerman.

Kofi Anan pret prej 52-vjeçarit Steiner që të sjellë një vrull të ri në procesin e paqes në Ballkan dhe të mund të ndërmjetësojë mes fronteve të ashpërsuara të politikës në Kosovë e në radhë të parë në lidhje me çështjen e statusit të ardhshëm të Kosovës. Veprimtarët ndërkombëtarë në Kosovë e kanë tepër të vështirë, sepse megjithëse se rezoluta 1244 e OKB-së sanksionon kontrollin e OKB-së ndaj Kosovës dhe vetëadministrim e saj brenda Jugosllavisë, Beogradi vazhdon të krijojë përshtypjen se i takon të thotë fjalën e vet për çfarë ndodh në Kosovë.

Podgoricë,2o janar- Nëse qeveria do të miratojë vendimin më të ri të Këshillit drejtues të Elektroekonomisë së Malit të Zi, atëherë qytetarët do të jenë të detyruar të kursejnë pa tjetër. Amvisritë të cilat shpenzojnë gjatë stinës së dimërit mbi 9oo kilovat orë, do t paguajnë çmimet aktuale, kurse deri në l5oo kilovat, çmimi është 5o për qind më i shtrenejtë, ndërsa ata mbi këtë sasi, ëmimet do të jenë trefish më të larta.
Lidhur me këto propozime ka reaguar ashpër opozita malazeze,konkretisht ajo e koalicionit “Për Jugosllavinë”, duke kritikuar ashpër pushtetin aktual që, siç kanë deklaruar, po e godet rëndë gjendjen ekonomike të popullit, edhe ashtu tepër të rënduar.

Kotorr, 2o janar-Anija « Kosmaj», siç duket e ka shumë vështirë të largohet nga Venediku edhe kompania teloqeanike «Jugooceania» të mbetet pa këtë objekt lundrues, i kushtëzuar nga hipotekat e bankave të jashtme,- ka deklaruar sot drejtori i përgjithshëm i kësaj kompanie. Ai ka thënë se anija është zhblokuar nga kredia franceze. Mirëpo, më se gjysma e ekuipazhit në asnjë mënyrë nuk lejon që anija të largohet nga ky port, derisa të mos i marrin të ardhura personale.
 

lqin,2o janar- Mbi buxhetin e Komunës së Ulqinit është duke u zhvilluar një fushatë e paparë e plaçkitjes së buxhetit, edhe ashtu të varfër. Aktivizimi i lëndëve që në kohën e monizmit në këtë mjedis specifik nacional, ekonomik, kulturor lë hapësirë për të bërë analiza të hollësishme edhe për të reaguar fuqishëm nga kompetentët komunalë sepse duket që lista e atyre të cilët nëpërmjet gjyqeve do të jetë shumë e gjatë. 
Në foto:Kuvendi i Komunës së Ulqinit

Podgoricë,20 janar-Nënkryetari i Partisë Socialiste të Popullit, Zoran Zhizhiq vlerësoi se gjithnjë e më të vogla janë gjasat që të organizohet referendumi në Mal të Zi dhe që zgjedhjet në këtë republikë duhet të priten menjëherë pas zgjedhjeve të rregullta lokale në pranverë.

Smajl Hajdaraj

Pejë,20 janar-Sot u zhvillua varrimimi i deputetit të Lidhjes Demokratike të Kosovës, Smajl Hajdaraj,i cili u vra ditën e enjte nga persona ende të paidentifikuar. Ai u varros në varrëzat e fshatit Zahaq të Pejës dhe në këtë ceremoni morën pjesë familjarët, qytetarë, përfaqësues të subjekteve politike të Kosovës dhe deputetë të Kuvendit të Kosovës.

Vashington,20 janar-Duke u prononcuar rreth zhagitjeve të zgjedhjes së institucioneve të Kosovës, Janosh Bugajski drejtor i Institutit për Studime Strategjike me seli në Uashington në një intervistë për "Evropën e lirë" tha se "për shkak të paaftësisë së liderëve kosovarë për të gjetur nje kompromis rreth zgjedhjes së institucioneve Kosova mund të gjendet në një zgripc në cilin bashkësia ndërkombëtare do të thotë: ata nuk dinë të qeverisin, pse atëherë u duhet dhënë pavarësia".
Fakti se pas zgjedhjeve të përgjithshme në Kosovë nuk po funksionon ende qeveria, presidenti dhe autoriteti, Bugajski mendon se është thelbësore që kosovarët të formojnë qeverinë legjitime dhe të nisin procesin e pavarësisë.

 

Shkup,20 janar-Mediat shqipe në Shkup bëjnë të ditur se ish përfaqësuesi i UCK-së Ali Ahmeti ka kerkuar nga tri partitë shqiptare PDSH-ja, PPD-ja dhe nga PDK-ja, që nga dy përfaqësues të zgjedhin për t'i deleguar në Këshillin Koordinues mes partive poltike shqiptare dhe ish UÇK-së. Në letrën e tij Ali Ahmeti ka kërkuar që sa më shpejt të dërgohen ata përfaqësues të partive me qëllim të konstituimit të atij këshilli.

Prishtinë,20 janar-Në Kuvendin e Kosovës sot u mbajt një mbledhje përkujtimore me rastin e vrasjes së deputetit Smajl Hajdarajt, të cilën e thirri kryetari i Kuvendit Nexhat Daci. Përveç shumë deputetëve, merrnin pjesë edhe ushtruesi i detyrës së kryeadministratorit të OKB-së në Kosovë Çarlls Brajshou, përfaqësues të institucioneve ndërkombëtare të UNMIK-ut, KFOR-it, zyrave diplomatikë në Prishtinë dhe familja e të ndjerit Hajdaraj. Pas një minutë heshtjeje në shenjë nderimi dhe përkujtimi për deputetin e ndjerë, në këtë mbledhje folën Çarlls Brajshou dhe Nexhat Daci.
Ushtruesi i detyrës së kryeadministratorit të Kosovës, z. Çarlls Brajshou, pasi u shprehu ngushëllimet familjes, shokëve të tij dhe popullit të Kosovës në emër të Sekretarit të Përgjithshëm të Kombeve të Bashkuara, Kofi Anan dhe të anëtarëve të bashkësisë ndërkombëtare, në fjalën e tij ndër të tjera tha se "jemi tubuar sot për shkak të vdekjes tronditëse dhe të pakuptimtë të një veprimtari publik të Kosovës, Smajl Hajdaraj, përfaqësues i zgjedhur në mënyrë demokratike nga populli, i cili është vrarë në një akt kriminal qyqar".
Brajshou tha se vetëm dy muaj më parë, Kosova ka mbajtur zgjedhjet e veta të para të lira dhe demokratike. Bota ka shikuar me kënaqësi dhe krenari se ç'është arritur vetëm për dy vjet në ringjalljen e rendit dhe të drejtësisë në Kosovë.
Vrasja e z. Hajdaraj të kujton se të gjitha shtresat e shoqërisë s'i kanë pranuar krejtësisht parimet e të drejtave njerëzore dhe se rendi ligjor mund të viktimizohet shumë lehtë nga tirania e joligjshmërisë, tha ai.

"Akti i pamëshirshëm terrorist, siç është vrasja e z. Hajdaraj, mund t'jua rrëmbejë fitoren tuaj. Ju nuk duhet të lejoni të ngjajë kjo", porositi zoti Brajshou.
 

Shkup,20 janar-
Kryetari maqedonas Boris Trajkovski të martën priti për herë të parë në një takim anëtarët e familjeve të shqiptarëve të rrëmbyer gjatë muajve të krizës në Maqedoni.
Familjarët e Sulltan Mehmetit dhe Islam Veliut nga Struga, Ruzhdi Veliut nga Kërçova dhe vëllezërve Ibrahim dhe Zeqirja Veliut nga Shkupi, i prezentuan Trajkovskit të dhënat që tregojnë se të afërmit e tyre janë kidnapuar dhe mbahen nga policia maqedonase.
"Trajkovski ka premtuar se do të grumbullojë informatat e nevojshme dhe, përmes mekanizmave që ka në disponim, do të marrë masa për ndriçimin e fatit të këtyre personave," tha pas takimit nënkryetari i parlamentit, Olloman Sulejmani, i cili shoqëroi familjarët shqiptarë në vizitën tek presidenti.

Skicë dimëri nga Ulqini

Ulqin,l9 janar-Bedrushi ka ardhur nga Drenica me shpresë se do të gjejë punë në Ulqin këtë dimër, të forcohet pak edhe më vonë të shph se si do të rrjedhin punët, të kthehet në shtëpi, të rri këtu se nis e fillon sezoni turistik apo të marr rrugë të gjatë për Evropë.

Kaloi një ditë, dy, tri ...edhe u bënë dhjetë. Prit punë, punë nuk ka. Vetëm një ditë ka shkarkuar një kamion me çimento. Bile, thotë se është lodhur aq shumë sa nuk ka qenë në gjendje të bëjë asnjë sy gjumë në një shtrat ashtu siç ia kanë lejuar kolegët, të cilët po ashtu rrallë punojnë, por megjithatë nuk e kalojnë ditën kot.

E, Bedrushi edhe pse përnga pamja fizike nuk duket i pa takat, është disi i pafat për të gjetur punë. E bëri zemrën gur edhe e mori në telefon vëllaun e madh, Selmanin, i cili tash sa mot është në Gjermani edhe i ka punët mirë.

-Kush asht ne telefon? Selim, a je ti vëlla? Vallha, ta paskna harrue zanin. Po, qysh je bre vëlla? A je shnosh? Me ka krejt a jeni mirë? Jam ardh tash dhjetë ditë këtu në Ulqin edhe nuk po gjej punë pasha zoten. Boll po lypi, por nuk po gjoj, pra. Sa më ka marrë malli për ty Selim! Atje nuk kam me ç'ka të kthehem, jo. Nuk kam as për biletë të autobusit. Vallahi më paska marrë malli shumë! Vëlla, merre lapsin e shpejt e shpejt shkrueje numrin e telefonit të banesës. Hej, thirrëm sonte se kam me tregue një mesele  të re. Nuk po e zgjas ma shumë se nuk kam pare me pague, thirrëm vëlla. Bedrushi shkoj në banesë edhe gati tërë natën priti se i zoti i shtëpisë do ta lajmërojë se po e kërkon vëllai në telefon. Nuk e thirri as atë natë, as pas pesë ditësh.

Podgoricë,l9 janar-Organet e ndjekjes  së Qendrës së Sigurimit të Podgoricës kanë arrestuar Lulëzim Gj. Durakun nga Vushtrria (3l) për shkak të dyshimit se ka bërë shumë vjedhje në Podgoricë. Atij, së bashku me denoncimin penal i është dorëzuar gjykatësit hetues të Gjykatës Themelore të Podgoricës. Në polici kanë kumtuar se i pandehuri Duraku është punëtor stinor në kyreqytetin e Malit të Zi ku nuk e ka as vendbanimin.

Podgoricë,l9 janar- Koalicioni “Për Jugosllavinë” ka kërkuar sot nga kryetarja e Parlamentit të Malit të Zi, Vesna Peroviq, seancë të jashtëzakonshme të kuvendit me një pikë të vetme të rendit të ditës-gjendja politike dhe e sigurisë në Mal të Zi. Kështu vendosen sot liderët e këtij grupimi politik opozitar në Mal të Zi. Pa dyshim, se kjo është përgjigje e Ministrisë së Punëve të Brendshme të Malit të Zi për ngjarjet e zhvilluara ditë më parë në qytetin e Beranës.

I nderuari z. Simon Kuzhnini ! 

Përpjekjet gjithshqiptare për realizimin e synimeve kombëtare nuk kanë pushuar kurrë gjatë historisë sonë të ndritëshme. Edhe pranë shumë tragjedive që goditën kombin tonë gjatë shekujve ai arriti që t’i shpëtojë zhbërjes të cilën e synonin armiqët tanë shekullor. Prandaj, të gjitha lidhjet dhe kuvendet shqiptare ishin padyshim aktet më sublime që bëri kombi ynë për ruajtjen e identitetit të tij nacional dhe në çastet më të rrezikshme të ekzistencës së tij  fizike ato ishin shprehje e lartë e Besës shqiptare rreth të cilës bashkoheshin gjithmon forcat më progresive të kombit me qellim për t’i shpëtuar asimilimit dhe zhdukjes kolektive si njëri ndër popujt më të lashtë në Europë.

Që nga Lidhja shqiptare dhe Kuvendi i Lezhës (mars 1444), që nga Lidhja shqiptare dhe Kuvendi i Prizrenit (qershor 1878), nga Kuvendi i Dibrës (nëntor 1878), Kuvendi i Përvezës (janar 1879), Kuvendi tjetër i Prizrenit (tetor 1879), Kuvendi i Gjirokastrës (korrik 1880), Kuvendi i Dibrës (tetor 1880), Kuvendi i Prizrenit (janar 1881), Lidhja shqiptare ose “Besëlidhja shqiptare” e Pejës (nëntor 1897), Kuvendi i Pejës (1899), Konkresi i Manastirit (1908), Kongresi i Elbasanit (1909), Kuvendi i Junikut (maj 1912), Kuvendi i Vlorës (nëntor 1912), Kongresi i Durrësit (dhjetor 1918), Kongresi kombëtar i Lushnjës (janar 1920), Kuvendi i Verrave të Llukës (1924), Konferenca e Pezës (shtator 1942), Lidhja e dytë e Prizrenit (shtator 1943) dhe Lidhja demokratike e Kosovës (dhjetor 1989) e deri në ditët e sotme ishin, pra, lidhjet dhe kuvendet më historike që mbajtën shqiptarët gjatë historisë në luftën e tyre për liri, pavarësi, prosperitet dhe bashkim gjithkombëtar. 

DEKLARATË E KRYESISË SË BASHKIMIT TË INTELEKTUALËVE SHQIPTARË NË MËRGIM (BISHM)     
Ludwigshaven, 13 janar-Duke shprehur shqetësimin tonë të thellë për situatën e pavolitshme politike të krijuar në Kosovë rreth procesit të (mos)konstituimit të institucioneve shtetërore, sidomos lidhur me bllokadën rreth procedurës së zgjedhjes së kryetarit dhe pastaj edhe të organeve tjera, duke e ndjerë peshën dhe obligimin e madh që kemi të gjithë për çuarjen mëtej të procesit të realizimit të synimeve tona kombëtare shekullore, përkatësisht të çuarjes përpara të procesit të realizimit të pavarësisë së Kosovës, si dhe duke qenë të sigurt se koncepti i demokracisë i zgjedhur nga ana e popullit shqiptar në zgjedhjet parlamentare të 17 nëntorit 2001 është rruga më e sigurt e cila shpien drejtë realizimit të interesave gjithkombëtare (bashkimit tonë kombëtar), por edhe duke qenë të bindur se përkrahja e ndërtimit të shtetësisë nënkupton çuarjen në vend të vullnetit politik të popullit, i shprehur disa herë me plebishit për Pavarësinë e Kosovës, kryesia e asociacionit të Intelektualëve Shqiptarë në Mërgim (BISHM) me seli në Gjermani, është e mendimit se konfrontimet ndërpartiake rreth ndarjes së posteve udhëheqëse në qeverinë e ardhshme, si dhe insistimi me kokëfortësi për marrjen e disa vendeve kyçe me çdo kusht nga ana e disa subjekteve partiake, thënë më së buti, janë veprime të pamatura dhe antikombëtare të cilat edhe kanë çuar deri tek bllokimi i procesit për ndërtimin e institucioneve shtetërore të Kosovës.

Këmbëngulja në marrjen e posteve kyçe ende pa u arritur pavarësia e Kosovës, dhe atë në emër të disa fikcioneve politike të cilat korrespondojnë me politikat e koalicioneve joparimore antishqiptare, që në dekadën e fundit i kanë sjellur dëme të mëdha Lëvizjes sonë kombëtare, tregon se këta faktorë politik nuk kanë përgjegjësi politike të mjaftuar as ndaj elektoratit shqiptarë të cilët me qëllim i kanë ngatërruar dhe kthyer mbrapsht teoritë mbi popullin si sovran, premisë kjo mbi të cilën qëndrojnë sistemet e demokracive reale në botë, dhe se lufta për pushtet jashtë rregullave demokratike është anarki e cila çon çdo popull në kaos. Lufta për pushtet e cila nuk mbështetet mbi parimet e parapara të demokracive parlamentare, ose e cila bëhet kundër vullnetit shumicë të popullit me metoda të dhunës klasike, duke mbjellur në shoqëri frikën dhe hutinë, jo vetëm se është në dëm të vullnetit dhe interesave të popullit, për aq më keq ajo vihet në shërbim të interesave të huaja, përkatësisht në funksion të politikave antishqiptare në rajon, të cilat që nga shekulli i 18-të e këndej planifikuan zhbërjen e kombit shqiptar.
Ngatërrimi i koncepteve mbi demokracinë dhe sovranin-popullin për qëllime të caktuara politike duke përdorur edhe metoda perfide e të dënueshme të eliminimit të kundërshtarëve politikë, na kanë çuar në përfundim të padëshiruar që të konstatojmë se fjala është për “koncepte” të veprimit politik të cilat përmbajnë një “infrastrukturë” tepër të rrezikshme politike, e cila rrjedhimisht është pasojë e ndërgjegjës së robëruar të individit shqiptarë, i cili ende nuk është në gjendje që të lirohet nga kompleksi i të sunduarit nga të tjerët, dukuri kjo e cila për fat të keq përbën boshtin e tragjikës sonë si shoqëri dhe si kolektivitet, gjegjësisht paraqet logjikën më tragjike në skenën politike shqiptare sot, e cila pikëpamjet e saja politike i ka të ndërtuara pikërisht mbi vuajtjet, skamjet dhe mbi tragjedinë e popullit të vet.

TELEGRAM NGUSHËLLIMI

I nderuari z. Kryetar, Dr. Ibrahim Rugova

Të nderuar deputetë të Parlamentit të Kosovës

E nderuara familje Hajdaraj ! 

Vrasja makabre në Pejë e deputetit të Paralamentit të posa formuar të Kosovës z. Smajl Hajdaraj, neve intelektualëve që përkohësisht gjendemi në Gjermani, na ka tronditur thellë në shpirt, sepse është kjo e sata vrasje me rradhë e cila po kryhet ndaj intelektualëve dhe bijve më të devotshëm të popullit shqiptar në Kosovë, me arsyen e vetme pse ata punuan për Kosovën dhe e deshën lirinë dhe pavarësinë e saj. Dora e zezë kriminele, e cila po i vret qe disa vite me rradhë politikanët dhe intelektualët tanë më të denjë, nuk mund të jetë tjetër veçse dorë e zgjatur kriminale e “rankoviçistëve” dhe “stalinistëve” të tërbuar, të mbetur në Kosovë, e cila me stil të njëjtë si në kohën e inkvizicionit serb, në vitet 1956/66 të shekullit të kaluar po vret dhe po i likuidon bijtë më të mirë të kombit shqiptar në Kosovë.
 

Islamabad,19 janar-

Roma,19 janar-

Bujanovc,19 janar-

Të premten në mbrëmje, pas më shumë se tetë muajve të zënkave të mëdha dhe akuzave, njëri ndaj tjetrit janë ulur komandantët e deridjeshëm të Ushtrisë Çlirimtare të Preshevës, Medvegjës dhe Bujanocit dhe zyrtarët e skenës politike të shqiptarëve nga jugu i Serbisë, njohtoi korrespondenti i Radios B92 Radoman Iriq. Në mbledhjen e cila ka zgjatur më shumë se tri orë udhëheqësit liberalë dhe radikalë shqiptarë u kanë dhënë fund zënkave.

Pishtinë,19 janar-Policia nderkombetare ne Kosove akoma nuk ka qartesuar motivet e vrasjes se Smajl Hajdaraj , deputet ne Parlamentin e Kosoves, nga rradhet e Lidhjes Demokratike te Kosoves. Sipas hetimeve te para thuhet se i ndjeri Hajdaraj eshte qelluar disa here me arme zjarri para shtepise se tij ne Peje dhe mbi te dyshohet te kene qelluar dy persona. Policia nderkombetare thote se tash per tash nuk dihet nese vrasje e deputetit Hajdaraj ishte me motive politike nderkohe qe Administrata Nderkombetare nuk e perjashten kete mundesi , mirepo ajo perjashton mundesine qe ne kete rast te jete e inkuadruar ndonje force politike.

" Ne nuk mund te themi 100 % se ky ishte nje akt politik por me siguri pasojat dhe pershtypjet te çojne ne kete perfundim tha zedhenesi i UNMIK-ut, Suzan Manuel. Duke cituar deklaraten e shefit te saj, me te cilen denohet akti vrases ne Peje, zonja Manuel tha se incidenti do te kete pasoja tragjike per Kosoven. Vrasjen e deputetit, Smajl Hajdaraj e ka denuar edhe kryesia e LDK-se ne Prishtine. Nenkryetari i kesaj partije Kol Berisha, tha fuqishem se qykon kete vrasje:

Podgoricë,l8 janar-Ditë më parë në mediat malazeze u botua lajmi për udhëtimin e një delegacioni të Parlamentit të Malit të Zi në SHBA. Në këtë delegacion nga partitë shqiptare figuronte vetëm emri i Ferhat Dinoshës, deputet i Unionit Demokratik të Shqiptarëve. Mirëpo, kryetari i Lidhjes demokratike në Mal të Zi, Mehmet Bardhi na e konfirmi se ka marrë ftesë për këtë udhëtim. Mediat  republikane publikuan sot  lajmin se edhe ai do të do të jetë në përbërjen e këtij delegacioni të Parlamentit të Malit të Zi, i cili do të vizitojë zyrtarisht SHBA.

Ulqin,l8 janar- Në bisedë me sekretarin e komunës, Pjetër Lulgjuraj mësuam se është bllokuar llogaria rrjedhëse e Komunës së Ulqinit, sepse me vendimin e Gjykatës Supreme të Malit të Zi “Agroeksport” nga Tivari dhe “Promet” nga ky qytet do t i marrë arkës së komunës së Ulqinit 288.75o dinarë, duke llogaritur edhe kamatën ligjore duke filluar nga dita e marrjes së vendimit për pagesë. Ky kontekst daton që nga viti l983, kur pushteti vendor e ka rrënuar një barrakë të kësaj firme nga Tivari të një madhësie prej 5o metrash katrore, për shkak të ndërtimit të bulevardit të qytetit.

Marrja me dhunë e çdo pagese që arkëtohet në konton e Komunës ka filluar që nga dita e djeshme edhe sipas informatave që kemi marrë nga Enti i pagesave, filiala e këtushme, janë hequr 5- 6 mijë marka. Çdo pagesë që do të bëhet, merret menjëherë në mënyrë të dhunshme. Ka edhe shumë lëndë tjera kontestuese që nga koha e komunizmit edhe tash kanë dalur në sipërfaqe edhe po bllokojnë totalisht funksionimin e pushtetit vendor të Ulqinit.

Shkup,18 janar-Nënkryetarja e Qeverisë së Maqedonisë, Dosta Dimovska e paraqiti të premten dorëheqjen pa revokim në funksionet e veta në Qeveri, ku ka qenë ministreshë pa portofol dhe shefe e Shtabit të Emergjencës së Qeverisë. Siç njohtoi korrespondentja e Radios B92, Dosta Dimovska e paraqiti dorëheqjen edhe në funksionet në partinë në pushtet VMRO DPMNE, kryetar i së cilës është kryeministri, Ljubço Georgijevski.

Podgoricë,18 janar-Presidenti malazez, Milo Gjukanoviq dhe ambasadori amerikan, Vilijam Montgomeri i këmbyen të enjten mendimet për lëvizjet aktuale politike, duke iu referuar posaçërisht procesit të dialogut të Podgoricës dhe Beogradit të cilin e ka inicuar Bashkimi Evropian.

Ulqin,l7 janar- Në këto ditë të ftohta të dimrit të ashpër, rosat janë bërë hit i vërtetë në Ulqin, qoftë  për gjuetarët edhe për preferuesit e mishit të shijshëm të këtyre shpezëve shtegtarë. Gati tërë ditën në treg shiten lloje të ndryshme të këtyre shpezëve.


Në foto:Trofetë e gjuetarëve të Ulqinit

Podgoricë,l7 janar- Mali i Zi është duke u përballur me gjendje dramatike të  furnizimit me energji elektrike.Delegacioni i Elektroekonomisë së kësaj republike në Beograd nuk arriti të shtyjë riprogramimin e borxheve ndaj Greqisë, Rumanisë e Bullagarisë e as të kontraktojë sasira të reja shtesë. Andaj, bëhet e ditur se vazhdojnë reduktimet nga katër orë në ditë e me këtë edhe vështirësitë e mëdha të popullatës për të siguruar jetë normale.

Podgoricë,l7 janar-Banka Qendrore e Malit të Zi ka kumtuar se deri më tash në këtë republikë janë konvertuar 45,8 milion euro, përkatësisht 9o milion marka. Shuma më e madhe është këmbyer në Podgoricë, 3,6 milion euro, kurse më e vogla në qytetin verior të Republikës, Pluzhinë 53 mijë euro.

Podgoricë,l7 janar-Në shkollat e  Malit  të Zi ka përfunduar gjysmëvjetori i pare, mirëpo pjesa më e madhe e shkollave, përkatësisht sindikata e tyre e pavarur, siç duket, ka vendosur që të mos tërhiqet nga kërkesat e veta për të përmirësuar gjendjen materiale. Në këtë kontekst, kërcënohet se nuk ka për të përfunduar notat e as nuk do të jape librezat e nxënësve.Ministria e Arsimit dhe Kulturës duket se ndodhet përballë një sfide tepër delikate, sepse punonjësit e arsimit duke se janë këmbëngulës.

SHKUP,17 janar- Maqedoni -- Megjithëse gjendja e sigurisë në Maqedoni mbetet e brishtë, i dërguari i BE-së Alan Le Rua thotë se nuk ka asnjë rrezik për rifillimin e përleshjeve etnike në pranverë. Të martën (15 janar), Le Rua tha se zbulimet perëndimore nuk kishin asnjë informacion për të mbështetur zërat e fundit në lidhje me një "mësymje të pranverës", nga ana e luftëtarëve shqiptarë etnikë. I dërguari bëri thirrje për një ndryshim të planit për kthimin e patrullave policore në rajonin e krizës, i cili ka hasur në kundërshtimin e fortë të popullsisë vendase shqiptare etnike.

Podgoricë,17 janar-Qeveria e Malit të Zi do të bëhet pronar i shumicës së aeroportit të Podgoricës dhe Tivatit me të cilin do të qeverisë

New York,17 janar-Edhe Muhamed Ali fitoj yllin e vetë në holiwod. Në kërkesën e tij ylli nuk u vendos për toke por do të vendoset në murë sepse ajë thot që emri jem mos të shkelet dhe që për ti përshëndetur njerzit që më respektojn.
 

Prishtinë,17 janar-Udhëheqës politikë shqiptarë në Kosovë kanë zhvilluar bisedime konsultative në zyrën amerikane në Prishtinë në kuadër të përpjekjeve për të arritur një marrëveshje për ndërtimin e institucioneve.

Njoftohet se shefi i zyrës amerikane, ambasadori Xhon Menzis, ka zhvilluar takime të veçanta me dyer të mbyllura me dy nga tre udheqësit kryesorë politikë shqiptarë, Hashim Thaçin e Partisë Demokratike të Kosovës (PDK), dhe Ramush Haradinajn e Aleancës për Ardhmërinë e Kosovës (AAK).

Zoti Menzis është takuar gjithashtu edhe me kreun e grupit parlamentar të koalicionit serb 'Kthimi', Rada Trajkoviç.

Nuk është bërë ende e njohur nëse është zhvilluar edhe një takim me kryetarin e Lidhjes Demokratike të Kosovës (LDK), Ibrahim Rugova.

Nuk ka njoftime për rezultatin i takimeve me dyer të mbyllura në zyrën amerikane. Kjo është përpjekja e dytë e zyrës amerikane në Prishtinë për të ndihmuar në gjetjen e një kompromisi, pasi kuvendi nuk mundi të zgjedhë pas tre raundesh votimi kryetarin e Kosovës.

PASIVITETI I  FORUMEVE RINORE NË ULQIN

Prishtina, 16 janar-Javën e kaluar, në raunde të njëpasnjëshëm votimi në Parlamentin e Kosovës, Ibrahim Rugova përsëri nuk arriti të marrë mbështetjen e nevojshme që i duhej për të fituar presidencën. Të enjten (10 janar), udhëheqësit të Lidhjes Demokratike të Kosovës (LDK) i munguan dhjetë prej 61 votave të nevojshme për funksionin e lartë. Mosarritja e një marrëveshjeje për ndarjen e pushtetit me partitë e tjera politike e privoi Rugovën prej mbështetjes dhe e la provincën në një bllokim politik, i cili ka penguar transferimin e pushtetit në institucionet vendore.

SHKUP,16 janar Maqedoni -- Pavarësisht prej qëndresës së fortë në disa rajone, Shkupi nuk dëshiron të rishikojë planin e tij për kthimin e policisë në rajonet e krizës -- fshatrat dikur të kontrolluar prej rebelëve shqiptarë etnikë. Organi Koordinues për Trajtimin e Krizës i qeverisë u mblodh të dielën (13 janar), për të diskutuar përpjekjet e popullsisë vendase në disa rajone për të ndalur patrullat policore etnikisht të përziera që të hyjnë në fshatra. Në vend të diskutimit të një rishikimi të mundshëm, siç kanë sugjeruar disa përfaqësues ndërkombëtarë, zëdhënësi i organit koordinues Zoran Tanevski i bëri thirrje bashkësisë ndërkombëtare të ndihmojë në zbatimin e marrëveshjes së tanishme.

 Në Foto: Zoran Tanevski

Presheva,16 janar-Kryetari i Kuvendit komunal të Preshevës, Riza Halimi deklaroi që shqiptarët në jug të Serbisë nuk janë duke menduar për referendum. Nuk është e saktë se ekziston një qëndrim i caktuar dhe i formuar midis subjekteve politike në këtë rajon për çfarëdo referendumi, e sidomos me atë i cili do të lidhej me rezultatin e mundshëm të referendumit në Mal të Zi, tha Halimi për të përditshm;Blic.

Podgoric, 16 janar-Zyrtari i lartë i BE, Havier Solana e shtyri vizitën Malit të Zi, kushtuar ripërtëritjes së bisedave për ardhmërinë e federatës, tha një zyrtar i paemërtuar i BE në Bruksel.

Ulqin, l5 janar-  Në  deklaratën e sotme për oponion, kryetari i Lidhjes Demokratike në Mal të Zi, Mehmet Bardhi bëri të ditur se për cilat ishin arsyet që ka lëshuar mbledhjen e djeshme të  Komsionit parlamentar ku është shqyrtuar Projektligji mbi ristituimin  e plotë të tokave gjatë pesëdhjetë vjetëve të fundit.
Në pyetjen time drejtuar përfaqësuesve të propozuesve të Ligjit mbi mundësinë e shtyrjes se përkufizimin kohës dhe se me këtë propozim të përfshihet edhe koha para Luftës së Dytë Botërore, ka reaguar deputeti i Lidhjes Liberale të Malit të Zi, Dejan Vuçiniq, duke më sulmuar në mënyrë histerike, pa asnjë arsye, duke më akuzuar mua edhe guximin tim që mund të them diçka të tillë, duke thënë se atë që e propozon zotëri Bardhi është katastrofike shikuar në çfarëdo kuptimi qoftë, paj edhe nga aspekti moral, këtë nuk do të mund ta thoshte as njeriu me dy vjet shkollë etj. është shprehur deputeti i liberalëve.

 Mirëpo, duhet përmendur se për këto fyerje që m i  drejtoi ai, kryesuesi i seancës z. Radulloviq  nuk reagoi e as ia tërhoqi vërejtjen as nga funksioni i kryesusesit që të më  mbrojë nga këto sulme verbale edhe në bazë dispozitave obliguese të  Rregullorës së punës së Kuvendit të Malit të Zi, por theksoi se nuk e ka kuptuar z. Vuçiniqin që kishte për qëllim të më fyejë.

Podgoricë, l5 janar- Kryetarja e Komitetit të Helsinkit mbi të Drejtat e Njeriut në Serbi, Sonja Biserko ka thënë për Radion shtetërore të Malit të Zi se “republika jonë në çastet i pkërishme e ka më pak relevante për nacionalistët serbë, sepse me atë ata“ ngrisin” shpërblimin për   kompenzimin eventual  të cilin e presin për Kosovën. Është indikative, ka shtuar ajo, se ekipet që janë duke negocuar mbi ardhmërinë e shtetit janë në katër nivele: federal e republikan, duke përfshirë  dy delegacionet nga Mali i Zi të përbërë nga malazezët, ku, në të vërtetë, ndodh konflikti artificial, përkataësisht konflikti i dy opcioneve brenda kësaj republike,-

Ulqin, l5 janar- Imamit të Bashkësisë Islame të Beranës, Rahim Muratoviqit i ka arritur dje një mesazh në celular me përmbajtje kërcënuese, e ngjashme me ato që ditë më parë janë paraqitur në lagjen e Beranës D. Lluga, mirëpo kësaj radhe ka karakter këcënues se xhamia e posandërtuar së shpejti do të ngritet në ajër.

Podgoricë, 15 janar-

Disa mijëra banorë të Podgoricës, simpatizues të koalicionit; Bashkë për Jugosllavinë;, e pritën Vitin e Ri ortodoks me fishekzjarre dhe koncert. Në sheshin para Kishës së Shën Gorgjit, qytetarët i argëtuan këngëtarët e estradës nga Mali i Zi dhe Serbia, të udhëhequr nga trumbetarët dhe nga këngëtari Mirosllav Iliq. Në manifestim morën pjesë udhëheqësit e koalicionit për Jugosllavinë,

Ulqin, l4 janar-Pushteti lokal i Ulqinit sivjet ka filluar që me kohë të bëjë përgatitje për stinën e ardhshme turistike , në mënyrë që të flaken dobësitë që u manifestuan stinën e kaluar turistike.Në këtë ndërlidhje, sot u mbajt një mbledhje e udhëheqësve të pushtetit vendor me përfaqësuesit e subjekteve ekonomike dhe turistike, të cilat janë të lidhura ngusht me turizmin.Nënkryetari i komunës, Mustafa Gorana tha se nuk guxojmë që të tolerojmë dobësitë që kanë mbretëruar gjatë vitit të kaluar, siç ka qenë papastërtia,mungesa e furnizimit me ujë të pishëm.Brenda një afati shumë të shkurtër subjektet që janë të lidhura ngusht me turizmin , duhet të japin propozimet e tyre që do të mund të hynin në programin e  përgatitjeve për sezonin e sivjetëm.

Është shumë me rëndësi të miratohet programi i përgatitjeve për sezon.Mirëpo,ai duhet të shoqërohet edhe me efektet financiare.Basri Dërvishi,drejtor i Telekomit të Ulqinit  bëri vërejtje se si është e mundur që nuk marrin pjesë përfaqësuesit e ndërmarrjeve kryesore turistike si dhe si është e mundur që Ulqinit nuk iu ndan 285 mijë markat.Ai tha se nuk mund të ketë turizëm të sukseshëm nëse nuk bëhet rikonstruimi i  objekteve ekzistuese, sepse sipas tij, ato duhet të kenë një nivel më të lartë edhe më bashkëkohore.Si pikë shumë domethënëse ai përmendi çështjen e çmimeve.Duhet patjetër të bëhet një kontroll më rigoroz i çmimeve në mënyrë që të mbrohen qytetarët dhe turistët nga tregtarët të cilët nuk kursejnë që të luajnë me çmimet.

Edhe sot u diskutua si problem shumë i madh çështja e Ndërmarrjes Publike “Morkso Dobro” me seli në Budvë, e cila menaxhon bregdetin edhe atë të Ulqinit.Sipas fjalëve të drejtorit të Qendrës turistike “Hollegro”, Prelë Shkrela, komuna duhet urrgjentisht të ulet edhe të bisedojë seriozisht me NP “Morsko dobro”për të përmirësuar gjendjen ekzistuese.Ajo vjel paratë edhe nuk i jep asgjë Ulqinit, nuk do të bashkëpunojë me Ndërmarrjen komunale të Ulqinit.Nëse vazhdohet sikur vitin e kaluar, sivjet mund të jetë gjendja edhe më e keqe.Shërbimet e pastrimeve që bën komunalja duhet të paguhen.Nuk mund të tolerohet më papastërtia.Kiosqet që ndodhen në Ranë duhet të hiqen.Shkrela tha se papastërtia është pika më e dobët e Ulqinit.
 

Ndërmarrja gjermane e investimit dhe zhvillimit* DEG * do të blejë pjesën kryesore të Bankës Tregtare Malazeze, sipas Shefes Ekzekutive të bankës Milka Ljumoviç më 9 janar në Podgoricë. Më gjersishtë në :       www.deginvest.de/
(Për Intron - Presse  H.B)

Shkup, 14 janar-

Ende nuk është realizuar plani i qeverisë maqedonase për rikthimin e forcave policore, etnikisht të përziera në rajonet e krizës. Banorët shqiptarë të këtyre rajoneve kanë bllokuar hyrjet në fshatrat në të cilët ishte paraparë që të fillojë ky aksion.

Ulqin, l3 janar-Edhe një shoqatë e re joqeveritare u themelua në Ulqin. Fjala është për Asociacionin e bizensit. Me kët rast u mbajt kuvendi themelues, u miratua statuti edhe u zgjodh këshilli I drejtorëve prej ll anëtarësh. Kryetar I kësaj shoqate u zgjodh ekonomisti I diplomuar Nazif Cungu, biznesmen I sukseshëm nga ky qytet. Themelimin e këtij asociacioni e kanë mbështetur 5 drejtorë dhe pronarë të firmave private, të cilat kanë të punësuara 3oo veta.
 

Dezinformatë për bombën e kurdisur në Qendrën shkollore 

Tuz, l3 janar-Ditën e shtunë e shkollës së mesme të Tuzit, me urdhërin e drejtorisë, është dashur të lërojnë menjëherë lokalet e shkollës, sepse një zë femre e panjohur ka informuar  me telefon se në lokalet e shkollës është kurdisur një mjet shpërthyes.

Podgoricë, l3 janar- Përfaqësuesi i lartë i politikës së jashtme dhe të sigurisë i Bashkimit Evropian, Havier Solana, parashihet të jetë prezent në Podgoricë në takimin e liderëve politikë të Beogradit  dhe të Podgoricës.

Podgoricë,12 janar-

Shefi i Klubit të deputetëve të Partisë Demokratike të Socialistëve në parlamentin malazez, Miodrag Vukoviq vlerësoi se janë krijuar kushtet për fillimin e përgatitjes për referendumin për statusin shtetëroro-juridik të Malit të Zi.

Vdiqen:
MUSA  J. GJEKA  (8O) Selitë- Anë të Malit
IGBALLE GJEKA ( 48) Selitë- Anë të Malit
ANGJE K.JANKOVIQ  (91)Krythë- Ulqin
SELATIN MUSTAFIQ (65)Zogaj- Ulqin

Ulqin, 12janar –Komisioni  shumëpartiak  i Kuvendit të Komunës së Ulqinit sot u dërgoi përfundimet klubeve të partive të këtushme parlamentare, shoqatave joqeveritare, inteelektualëve etj. për të paraqitur propozime lidhur me ndërrimin e merave të rrugëve dhe të shesheve, me qëllim të ndryshimit të emrave ekzistues  të rrugëve dhe të shesheve të këtij qyteti i banuar me shumicë absolute shqiptare. Kryetari I këtij komisioni  Mehmet Bardhi (LD në MZ) njoftoi se  komisioni emërtimet e tashme i takojnë 5o-vjetorit të kaluar moniste dhe nuk paraqesin frymën e sotme demokratike.

Ulqin, l2 janar-Sejcili pensionist i Ulqinit mund të sigurohet vullnetarisht  duke paguar sigurimin prej l,65 euro ose 3 marka në muaj. Me këto sigurime janë përfshirë rastet e ndryshme  të fatkeqësive familjare. Pensionistët kanë të drejtë të sigurojnë edhe bashkëshorten apo bashkëshortin edhe nëse nuk është pensionist.

Podgoricë, l2 janar- Tash disa ditë në media edhe në opinionin e Malit të Zi zhvillohet polemika të mëdha lidhur me pritjen e Vitit të Ri ortodoks në sheshin kryesor të Podgoricës, të paraalajmëruar për datën l3 janar. Si organizatorë janë paraqitur dy subjekte, por jozyrtarisht thuhet se në prapaskenë janë dy partitë rivale kryesor.

Me qëllim të gjetjes së kompromisit, kryetarja e parlamentit të Malit të Zi, Vesna Peroviq ka thirre në një mbledhje të gjithë shefat e grupeve parlamentare për të diskutuar festimin e Vitit të Ri ortodoks (lexo: serb). Siç njoftohet, nuk është arritur asnjë Kompromis. Zëdhënësi i Partisë Demokratike të Socialistëve në pushtet, Igor Llukshiq ka deklaruar se përfaqësuesit e kolaicionit «Për Jugosllavinë» kanë kërkuar që kremtimi i Vitit të Ri ortodoks të bëhet nën patronatin e Kuvendit të Malit të Zi.

Pogdoricë, l2 janar- Ekipi i mjekëve të Qendrës Klinike të Podgoricës, me në krye Dr.Xhihat Pepiq  kryen një operacion delikat me shumë sukses- shpëtuan dorën e prerë me motosharrë një pacineti.

Një qytetar i lokalitetit Meline nga Boka e Kotorrit kishte prerë dorën me motosharrë, kishte mbetur në një muskul e në një copë lëkurë.

Shefi i politikës së jashtme të BE-së Havier Solana është duke u bërë thirrje autoriteteve serbe dhe malazeze të takohen javën e ardhshme, në lidhje me të ardhmen e federatës jugosllave.

Ekipet e ekspertëve të Jugosllavisë, Serbisë dhe Malit të Zi i përfunduan bisedat për rirregulimin e marrëdhënieve të dy republikave dhe i aprovuan raportet të cilat nuk janë të publike për opinionin.




Predrag Drecun vlerëson se mund të

Ulqin,11 janar- Kjo pyetje parashtrohet kaherë, jo vetëm në këto dhjetë vjetët e fundit, mirëpo përherë kjo iniciativë ka mbetur pa u konkretizuar. Kapedani i anijeve të lundrimeve tejoqeanike, Nazif Shabani, pronar i barkës “Pirati” dhe një numër i konsiderueshëm i pronarëve të barkave të këtushme njoftuan sot gazetarët se  i kanë dërguar një apel Ministrisë së Transportit dhe të Detarisë dhe kryeministri malazias. Filip Vujanoviq me  kërkesë, që edhe në Ulqin, më në fund të ndërtohet marina, përkatësisht një port i vogël për strehimin e anijeve, barkave, sanallave dhe objekteve të tjera lundruese.

Në foto:Kacemja – marinë e ardhshme e Uqlinit?

Ulqin, ll janar-Në Mal të Zi janë të mbrojtura me ligj shumë bukuri natyrore. Liqeni i Shkodrës, pjesa e Malit të Zi gëzon statusin e parkut nacional, por edhe  në Shqipëri është inicuar që, pjesa e tteritorit shqiptar e liqenit të ketë këtë tretman. Mirëpo, në rajonin e Ulqinit janë disa mjedise të këtilla që dallohen me bukuritë e tyre, siç është ujëdhesa Ada, liqeni i Shasit, lumi kufitar Buna, Plazhi i Madh. Specialistët dhe OJQ tash disa kohë angazhohen për bashkimin e lumit Buna me Portomilenën, por edhe rregullimin e liqenit të Shasit, që do të ishte një atraksion me vete nga lëmi turistik, por edhe si përkujdesje për të mbrojtur një ambient të pastërt të këtij rajoni.

BEOGRAD, Jugosllavi -- 11,janar-

Raundi përfundimtar i bisedimeve mbi të ardhmen e federatës Serbi-Mal i Zi rifilluan të mërkurën (9 janar) në Beograd.

Që nga 1 janari euro është bërë monedhë zyrtare në 12 shtete të Bashkimit Evropian. Euro është monedhë zyrtare edhe në Kosovë ndërsa me të kanë pasur rastin të njihen tashmë edhe në Kosovë dhe  Mal të Zi etj. Autoritetet bankare në Mal të Zi dhe Kosovë thonë se janë të kënaqura me fillimin e përdorimit të euros në vend të markës gjermane dhe kanë paralajmëruar qytetarët që të mos e shohin ndërrimin monetar si një proces të frikshëm, pasi gjithçka do të jetë nën kontroll.

Shkup, lo janar-Në pikëpyetje heqja e postoblloqeve dhe patrullat e përziera Ministri i brendshëm maqedonas, Lube Boshkovski, ka vënë në pikpyetje heqjen e postobolloqeve policore në zonat e krizës dhe veprimtarinë e patrullave të përziera shqiptaro-maqedonase.
Zyrtarë të këshillit qeveritar për menaxhimin e krizës thanë të mërkurën se së shpejti do të fillojë heqja e postblloqeve për krijimin e kushteve të mirëbesimit për patrullimin 24-orësh të patrullave etnikisht të përziera policore. 
Postobllok policor

"Krahas të gjitha kërkesave të deritashme nga marrëveshja-kornizë, tani papritmas shtrohen si problem postblloqet. Kur ta zgjidhim këtë çështje, publiku maqedonas duhet të pyetet - çka më tej - mos vallë kanë dëshira të tjera të paplotësuara," tha zoti Boshkovski.

Beograd, lo janar-Ekipet e ekspertëve nga Mali i Zi dhe Serbia, të cilët zhvilluan të mërkurën bisedime në Beograd për të ardhmen e federatës jugosllave nuk arritën marrëveshje për çështjet ligjore dhe kushtetuese.
Pas takimit u aprovuan dy raporte, dhe u tha se palët nuk kishin mundur të dilnin me një dokument të përbashkët për shkak të dallimeve që kishin.

Ministri i jashtëm malazez, Branko Llukovac dhe këshilltari i presidentit jugosllav Koshtunica,

Ulqin, lo janar-Në fund të muajit të kaluar Komisioni parlamentar për emrimin e rrugëeve dhe të shesheve  të Komunës së Ulqinit, i përbërë nga të gjitha partitë që marrin pjesë në parlamentin vendor, mbështeten vendimin për inicimin e ndërrimit të emërtimit të rrugëve dhe shesheve, meqë këto ekzistueset nuk janë në frymën e rrjedhave demokratrike. Në këtë kontekst, siç na njoftoi sot kryetari i këtij komisioni, Mehmet Bardhi, priten propozime konkrete nga të gjitha subjektet politike, shoqatat joqeveritare, intelektualët etj.

Ulqin, lo janar-Vërtet se e njajta gjendje zhvillohet edhe në republikë, në komunën e Ulqinit që nga l janari e deri më tash nuk është duke u zhvilluar asnjë ngjarje, politike, kulturore apo sportive. Vërtet se kanë qenë festat para dhe pas Vitit të Ri, por sikur i ka mbuluar amullia, pastaj reduktimet e energjisë elektrike etj. Qytetarët që shkojnë për të kryer ndonjë shërbim në zyrat e administratës lokale,

Ulqin, lo janar- Piktori i njohur  akademik nga Ulqini, Rudi Goga është duke përgatitur një ekspozitë me grafika.Ajo do të hapet në lokalet e Bibliotekës së qytetit në gjysmën e dytë të këtij muaji.Kjo do të jetë ekspozita e parë e artit figurativ e ndonjë piktori vendës që nga vera e këndej.
 

Prishtinë, 10 janar-Rugova nuk ka mundur të sigurojë mbështetje për t'u zgjedhur president në raundin e dytë

Kandidati i vetëm për president të Kosovës, Ibrahim Rugova, nuk arriti të fitojë numër të mjaftueshëm të votave për t'u zgjedhur në këtë post as në votimin e tretë në parlament.
Në raundin e tretë të votimit kryetar i Lidhjes Demokratike të Kosovës (LDK) dhe kandidati i vetëm, Rugova, mundi të fitojë vetëm 51 vota, një më shumë se votimi në raundin e dytë.
Në raundin e parë më 13 dhjetor zoti Rugova, mori vetëm 49 vota nga parlamenti 120 vendësh.
Sipas kornizës kushtetuese të Kosovës, në votimin e tretë kandidatit i mjaftonte vetëm një shumicë e thjeshtë prej 50 përqind plus një, pra 61 vota.
LDK-ja, që ka 47 vende në parlament, nuk ka mundur të arrijë marrëveshje me partitë e tjera shqiptare për të arritur një shumicë të duhur.
Analistë në Kosovë thonë se nëse nuk arrihet një marrëveshje midis partive kryesore shqiptare, e vetmja mundësi është që Lidhja Demokratike e Kosovës (LDK), partia më e madhe në parlament, të kërkojë përkrahjen e deputetëve serbë dhe pakicave të tjera për të zgjedhur presidentin.
Përfaqësuesi i Partisë Demokratike të Kosovës (PDK), partia e dytë më e madhe në kuvend, Fatmir Limaj, i tha BBC-së se "nëse presidenti zgjidhet me votat e pakicës serbe, atëherë kjo do të jetë goditja më e rëndë për procesin e pavarësimit të Kosovës".

Takime pa sukses
Nuk mendojmë se LDK-ja duhet të udhëheqë në tri përgjegjësitë e para sikurse kryetarin e Kosovës, kryeministrin dhe kryetarin e parlamentit.

  Kreu i AAK-së,
Ramush Haradinaj
Deri tani nuk ka pasur bisedime të rëndësishme midis lojtarëve kryesorë politikë në Kosovë.
Të vetmet aktivitete të zhvilluara në këtë kohë kanë qenë disa takime konsultative të kryetarit të kuvendit, Nexhat Daci, me grupet parlamentare dhe një takim i përbashkët i udhëheqësve politikë të Kosovës, i organizuar nga zyrtarët amerikanë dhe britanikë në Prishtinë.
Duke folur pas takimeve me përfaqësues perëndimorë në Prishtinë, kryetari i Aleancës për Ardhmërinë e Kosovës (AAK), Ramush Haradinaj, i tha BBC-së se ende nuk ka ndonjë kompromis, por shtoi se ekziston ende shpresa për mundësinë e arritjes së një zgjidhjeje.
"Mendojmë se të enjten vështirë se do të kemi një rezultat të mirë të seancës," tha zoti Haradinaj.

Tuz, lo janar-Në sportelet e Bankës së Podgoricës në Tuz deri më tash janë konvertuar rreth 2oo mijë euro.Zyrtarët e kësaj banke thonë se te banorët e Malësisë po mbretëron një interesim i madh për valutën e re.

ulqin, lo janar-Revista ZANA ka filluar të botohet në shtator të vitit 1999.
"ZANA" është revistë për fëmijë e të rinj me karakter arsimor dhe edukativ. Kjo letersi boton letërsi të mirfilltë nacionale nga të gjitha trevat shqiptare, por edhe histori, art muzikor figurativkombëtar që mungon në librat shkollore.
Me "Zanën" bashkëpunojnë nxënësit e shkollave shqipe në Mal të Zi. Qëllimi ynë është t'i ndihmojmë edhe t'i edukojmë. "Zana" arrin në duar të nxënësve në të gjita shkollat me mësim në gjuhën shqipe nga Ulqini, Kraja, Mallësia e deri në Plavë.
 

Une jetoj në Zvicër qe prej 23 vjetësh dhe kam kaluar pak a shumë nepër të gjitha "fazat" e integrimit. Për mua problemi kryesor që kanë emigrantet në Zvicër është që Zvicra nuk i mban përgjithmonë. Refugjatët trajtohen në Zvicer më mirë se ne të gjithë shtetet e tjera duke përfshire edhe USA. Kjo për faktin që në radhë të parë Zvicra është e pasur, por edhe sepse Zvicerianët janë "perfeksionist" në cdo aktivitet të tyre.
Për refugjiatët kjo situatë bëhet e padurueshme. Nga njera je ne "parajse",  nga ana tjetër të thon që se shpejti ti duhet të largohesh.  Për atë pjesë të vogel që arrin të qendroje falë disa lejeve humanitare ose martesave me Zvicerian integrimi nuk paraqet shumë vështiresi për mendimin tim sepse ato e kane bërë  hapin e parë. Përsa i perket Shqiptareve unë  nuk shoh ndryshime të "jashtzakonshme" në mentalitetin e tyre në krahasim me Zvicerianet.  Shqiptaret që njoh unë jane njerëz që i janë përshtatur shumë mire shoqerisë Zviceriane.
Paragjykimet mbi të huajt natyrisht që existojnë por nuk janë shumë të forta. Zvicra ka afersisht 20 % banore te huaj dhe deri tani bashkejetesa ka qene shume e sukseshme "ne krahasim me vendet e tjera".

Dicka pikante:

Një nga perfaqesuesit më radikale të partisë së
djathtë SVP (Ulrich Schluer) ka një vajzë që është martuar me nje Shqiptar nga Kosova. 

Ulqin, 9 janar-Në shkollat e Ulqinit greva e sotme në nivel të  arsimit në Mal të Zi, është zhvilluar në mënyra  të ndryshme, shenjë të pakënaqësisë me të ardhura të ulëta personale edhe për mospagimin e kompensimeve të udhëtimit e të ushqimit shoqëror që arrin rre 4o marka në muaj. Sindikata e arsimit të Malit të Zi që në dhjetorin e kaluar ka paralajmëruar se nëse nuk plotësohen këto kërkesa nxënësve nuk do t u  mbyllen notat e gjysmëvjetorit të parë. Kërkohet po ashtu  ngritja e të ardhurave personale 3o për qind. Në shkollat e Ulqinit nuk pati ndonjë jehonë të theksuar edhe u shfaq në  mënyra  të ndryshme. Kështu, në Qendrën shkollore puna është zhvilluar normalisht. Zyrtarët e këtij institucioni kanë deklaruar se  sindikata e pavarur e saj ka mbajtur  mbledhje, por nuk ka arritur të vendosë për të organizuar grevë.

Ulqin, 9 janar-Trevat e malore të Malësisë, komuna e Podgoricës, u instaluan telefonat në 14o familje. Realizimin e këtij projekti e kanë bërë vetë banorët, të ndihmuar nga bashhkëvendësit e  e në SHBA, por ka ndihumar edhe komuna e qeveria e Malit të Zi. Siç thotë kryetarit të BL të Hotit, Vasel Dushaj, në katundin Prekaj është ndërtuar trafastacioni dhe asflatuar rruga që lidh katundin Spi dhe Skorraq.

Ulqin, 9 janar-Lidhur me incidentin që ka ndodhur dy ditë më parë në qytetin e Beranës, pjesa veriore e Malit të Zi, ku mbështetësit e Kishës Ortodokse Serbe kanë sulmuar ata të Kishës Autoqefale Malazeze edhe policinë, ka reaguar kryetari i Komitetit Malazias të Helsinkit, Sllobodan Franoviq duke thënë se ky rast është shkelje flagraaante e të drejtave të njeriut. Ai ka thënë se ka përgjegjësi edhe qeveria e Malit të Zi, sepse, sipas tij, tash disa vjet kur kemi të bëjmë me  besimin, vepron në kundërshti me Kushtetutën republikane.

08.janar: Prej datës  31.10 deri më 05.11.2001 një delegacion i antarëve të kryesisë së fondit Zëri i Atdheut  nga Zvicra, qëndroi në vendlindje për t`i vizituar familjet e dëshmorëve të rënë në Luginën e Preshevës gjat luftës së UÇPMB-së.
Njiherit delegacioni përpos vizitave nëpër familje, atyre u ndanë edhe  ndihma materjale nga mjetet që me mbarimin e luftës dhe demobilizimin e UÇPMB-së kishin mbetur në arkën e fondit.Delegacioni ua ndau të 27 familjeve të dëshmorëve nga 3.000 Sfr. (tremijë franga zvicërane) ndihmë për dimër,

09.janar Zürich - Tiranë: Ne daten 20 Shkurt 2001, ne Ministrine e Bashkepunimit Ekonomik dhe Tregtise u nenshkrua Marreveshja midis Qeverise se Konferederates Zvicerane dhe Qeverise se Republikes se Shqiperise ne "Bashkepunimin Teknik, Financiar dhe Asistencen Humanitare". Marreveshja u nenshkrua nga Ministrja e Bashkepunimit Ekonomik dhe Tregtise zj. Ermelinda Meksi ndersa nga pala zvicerane nga Ambasadori Walter Fust, Drejtor i Pergjithshem i Drejtorise se Zhvillimit dhe Bashkepunimit te Departamentit Federal te Puneve te Jashtme te Zvicres.

Bashkepunimi mes dy vendeve perfshin asistencen teknike, financiare dhe ndihmen humanitare dhe emergjente. Asistenca teknike qe Zvicra do të 8217; i jape Shqiperise synon promovimin e tregtise dhe investimeve, zhvillim te sektorit privat ne ekonomi, mbeshtetje te trazicionit ne sektorin social etj. Asistenca financiare do te jepet grant(falas) per infrastrukturen prioritare dhe projektet e rehabilitimit ku rendesi e vecante do të 8217; i kushtohet projekteve te sektorit energjitik, social, komunikativ, transportit publik dhe ambientit. Ndihma humanitare do te jete ne formen e grantit per nevoja urgjente te popullates.

Gjate viteve te fundit eshte rritur ndjeshem kontributi i Zvicres ne vendin tone. Nese per periudhen 1992-1998 ndihma teknike per vendin tone kapte shifren 10,5 milione SFR per periudhen 1999-2003 jane parashikuar afersisht 20 milione SFR, pa perfshire angazhimin e Zvicres ne krizen e Kosoves. Ndihma financiare nga Zvicra kap vleren e 52 milione SFR per 1992-2003. Gjithashtu, me Konfederaten Zvicerane eshte nenshkruar Marreveshja per bashkefinancimin e programit per rregullimin strukturore (ne kuadrin e se ciles Zvicra do te kontribuoje me 5 milione franga zvicerane) Zvicra financon Mbeshtetjen Teknike per sistemin e Menaxhimit te Informacionit per Fondin e Financimit Rural me nje grant prej 893,000 CHF.
Gjithashtu, Zvicra financon me grant ne shumen 1,220,000 CHF asistencen teknike per Njesine e Trainimit dhe Zhvillimit e cla do te perdoret per te mbeshtetur arritjen e objektivave te komponentit te sistemit te Shoqatave te Kredive dhe Kursimeve.

Vellimi mesatar i eksporteve shqiptare ne Zvicer per nje vit arrin ne 3000, $, ndersa vellimi i importeve arrin ne 23 970 $.
Sektoret kryesore qe kane perfituar nga ndihma zvicerane jane: energjia, telekomunikacioni, shendetesia, bujqesia, arsimi.
Qeveria zvicerane eshte bashkefinancuese me ane te granteve ne nje sere projektesh qe zbatohen ne vendin tone. Marreveshjet e drejteperdrejta lidhen kryesish me KESH-in dhe kane te bejne me zvogelimin e humbjeve ne rrjet, kaskaden e Lumit Drin si dhe me transmetimin dhe shperndarjen e energjise elektrike.

Qeveria Zvicerane ka kontribuar ne kuadrin e projektit te zhvillimit te telekomunikacioneve i koordinuar me BERZH, per ndertimin e centralit tranzit kombetar/nderkombetar (tip EWSD), vlera 1,5 milione FrS.
Projekti per zgjerimin e rrjetit kabllor te Tiranes (nepermjet firmave Cartaold Cable) me vlefte prej rreth 10 milione FrS.

Projekti "Rehabilitimi i hidrocentraleve", konkretisht ne Hidrocentralin e Fierzes, me vlefte 10,5 milione. Kjo pakete perfshin jesen mekanike te Hidrocentralit te Fierzes, pajisjet e te cilit jane kontraktuar me firmen zvicerane "SULZER".
Nje tjeter projekt qe financohet nga Zvicra ne shumen 13 milione SFR eshte "Projekti per prodhim-transmetimin" ne n/stacionin 220 KW ne Durres dhe asistencen teknike per kete projek.

Ulqin, 8 janar-Përseri vazhdojnë të  të jenë të blokuara  lidhjet telefonike në një pjesë të madhe të Ulqinit. Janë plotësisht jashtë funksionimit lidhjet në  lagjen të qytetit, konkretisht atë të Kodrave, mbi 7o numra. Defektet shtrihen edhe në fshatra të cilat telefonat fillojnë me numrat 52. Nga burimet jozyrtare mësohet se shkak i këtyre defekteve janë kabllotë e vjetruara, por siç duket edhe festat  e Vitit të Ri dhe të gjitha kremtet që kanë pasuar që po zgjasin tash dhjetë ditë.

Qytetarët më kot kërkojnë intervenime në PTT të Ulqinit, sepse nuk kanë kujt t i drejtohen meqë të gjithë punonjësit e teknikës thuhet se ndodhen në pushime. 
 

Budvë, 8 janar-Këshilli drejtues i NP « Morsko dobro» nga Budva, që menaxhon me bregdetin e Malit të Zi, nga 3oo ofertat e paraqitur në konkurs, ka lejuar 8o kërkesa për lokacione përgjatë bregdetit, duke filluar nga Ulqini e deri në Herceg Novi.

Katërkollë, 8 janar-Shoqata e Artistëve dhe Intelektualëve «Art Club» tash disa kohë ka inicuar themelimin e Muzeut të Anës së Malit në kuadër të ish-ndërtesës së Shkollës fillore. Projekti është riaktualizuar këto ditë.

Ostros, 7 janar-Në Shkollën fillore “ Gjergj Kastrioti-Skënderbeu”  të Krajës nuk është duke u zvogluar numri i nxënësve si rezultat i mërgimit të madhpor kohëve të fundit janë duke  shkuar në perëndim edhe kuadro të kualifikuara për shkak të bashkimit të familjeve dhe të kushteve jo të mira ekonomike, kështu që përseri këtij institucioni i rikthehet problemi i para 2o- 3o viteve, mungesa e kuadrove adekuate.Drejtori i shkollës, Beqir Berjashi thotë se në vitin l96o këtu erdhën kuadrot e para të Krajës duke përmendur ish-drejtorin, të ndjerin Rexhep Lanin – Gjeçbritaj, pastaj mësuesit e tjerë, si Ismail Doda, Ramazan Markoviqin etj. Në fillim të viteve 7o-të arriti një numër i madh i kuadrove të reja.

Ulqin, 7 janar-Shoqata “Miqtë e Kalasë” ka reaguar  ashpër ndaj deklaratës së kryetarit të komunës së Ulqinit, Skënder Hoxha, të shfaqur në media  me rastin e Vitit të Ri, se në interes të qytetarëve bashkëpunon me të gjithë ata të cilët shfaqin dëshirën për të ofruar ndihmë për zgjidhjen e problemeve aktuale, duke përfshirë  këtu edhe përkatësitë partiake dhe nacionale. Në  reagim, ndër të tjera thuhet se kryetari i komunës para disa kohësh  ka refuzuar iniciativën e pesë organizatave joqeveritare për thirjen e një seance të jashtëzakonshme të Kuvendit të Komunës së Ulqinit, në të cilën do të diskutohej mbi rrjedhat turistike të vitit të kaluar, ekologjinë dhe kulturën në këtë mjedis.Shoqata “Kalaja” pajtohet plotësisht me pohimet e kryetarit të komunës se shteti i Malit të Zi ka një sjellje prej njerke ndaj Ulqinit, por, sipas  kësaj shoqate, ai ka mundur të bëjë më shumë. Sepse, komuna në vitin l996 ka ndarë 3o mijë dinarë e jo marka për rikonstruktimin e ndriçimit publik në Kala. Se në çfarë mënyre është bërë rikonstruktimi, shihet në çdo hap. Ky asociacion u sugjeron e rekomandon mysafirëve dhe turistëve që të mos e vizitojnë natën  Kalanë.

 Ulqin, 7 janar –Rivaliteti i ashpër midis dy kishave ortodokes në Mal të Zi, asaj serbe dhe autoqefale malazeze u shfaq edhe kësaj radhe me rastin e festimit të natës së Buzmit, përkatësisht Kshnellave. Dje, në orët e pasdrekës, në qytetin e Beranës, policia malazeze arriti të pengojë një incident të rëndë midis ithtarëve të Kishës Autoqefale Malazeze dhe asaj të KOS-it. Në lulishten pranë  lumit Lim, Këshilli komunal i Kishës Autoqefale e Malit të Zi kishte paralajmëruar ndezjen e Buzmit, por më heret kishin arritur mbështetësit  e Kishës Ortodokse Serbe-it me në krye klerikët e tyre, kryetarin e kësaj komune dhe këshilltarin Dr. Smajo Shabotiq.

Tuz, 6 janar- Me iniciativën e seksionit të Drejtësisë së OJQ “Illyricum” nga Malësia  në Tuz u mbajt një takim i të gjitha partive politike të cilat veprojnë në Malësi. Merrnin pjesë përfaqësuesit e DPS-së, LD në MZ, të UDSH-së, LLMZ, e për shkaqe objektive  kanë munguar përfaqësuesit e PSD dhe të SNP-së, -thuhet në komunikatën për opinion të kësaj shoqate.

Në këtë mbledhje, theksohet në këtë komunikatë, është inicuar nevoja, përkatësisht kërkesa, që në kuadër të Ligjit mbi organizimin territorial në Mal të Zi, Malësia të konstituohet si komunë, përkatësisht t i  kthehet  statusi i komunës në bazë të  ligjit mbi qeverisjen vendore.

Ulqin, 6 janar- Moti i lig, me reshje bore, në disa vende  ballkanike  ka shkaktuar kolaps  total. Është vështirësuar ose është bllokuar në terësi trafiku rrugor, hekurudhor dhe detar në shumë vende.
Bora, me një trashësi, mbi  një metër, në Bullgarinë veriore i ka bllokuar plotësisht rrugët. Moti i lig e ka përfshirë edhe bregdetin turk, ku për herë të parë pas dhjetë vjetëve bie borë, njoftojnë agjencitë e lajmeve.

 Ulqin, 6 dhjetor- Mbi bazat e një ankete të zhvilluar nga Qendra e Tranzicionit të Podgoricës, dogana është profesioni më i korruptuar në Mal të Zi, por doganierët ndodhen në vendin e katërt në listën e të korruptuarve pas kreut shtetëror, mjekëve dhe policisë financiare Drejtori i Qendrës për Tranzicion, Nebojsha Medojeviq ka deklaruar se gjendja në dogana është dramatike, kështu që  janë të nevojshme reforma rrënjësore.

Ulqin,  5 janar – Edhe në botën shqiptare, familja ka qenë edhe mbetet e shenjtë. Tradicionalisht, shqiptarët, pa marrë parasysh se ku jetojnë në viset etnike, familjes i bëjnë përkushtimin më të madh, duke bërë sakrificat më të skajshme që ajo të ndërtohet sa më e harmonizuar, me e kulturuar, e arsimuar dhe ekonomikisht më e begatë. Shikuar në kontekstin tradicional, vërtet se nga e kaluara kanë mbetur edhe paragjykime të ndryshme që në kohën e sotme duhet të eliminohen, por në të mirë të prosperitetit të familjes së ngushtë. Ende nëpër disa viset tona vazhdon tradita e familjeve shumëanëtarëshe dhe kultivohet mënyra patriarkale e organizimit familjar, që për kushtet e sotme janë të diskutueshme. Mirëpo, krahas kësaj, po ashtu në kushte të sotme ndodhin edhe veprime të të cilat e dobësojnë trungun e familjeve tona. Dukuritë, të shumtën ndodhin në diasporë edhe atë më shumë në Amerikë. Në të vërtet, çiftet e rinj ndahen shumë shpejt. Me këtë problem socialpsikologjik nuk është marrë askush deri më tash nga studiuesit tanë. Nuk është vetëm një rast. Nuk ndahen vetëm çiftet e reja me origjinë nga Malësia, Kraja, Ana e Malit apo Ulqini. Institucioni i martesës te ne shqiptarët është shumë domethënës edhe divorcet përjetohet shumë rëndë brenda familjes dhe opinionit. Cilët faktorë janë ata që e shkaktojnë këtë çakordim të martesave të reja.

Ulqin, 5 janar- Këto ditë dual nga shtypi «Kraja e Shkodrës» e Hajrullah Koliqit, e cila botohet me firmë të Art Club-it të Ulqinit. Ky është libri i tretë që autori ia kushton vendlindjes së tij, Krajës edhe është e shkruar me një gjuhë të lehtë plot nostalgji. Autorët sllavë pas aneksimit të kësaj treve etnike shqiptare  Malit të Zi pas Kongresit të Berlinit (l878), e kanë qujatur  «Crnogorska Kraina». Koliqi, në këtë monografi hedh poshtë tezat e botimeve sllave edhe me gjurmimet e bëra  kundërvihet  me veprën «Kraja e Shkodrës».  Kraja dhe Shkodra kanë lidhje aq  të shumta  dhe të fuqishme, gjeografike, demografike,  ekonomike, historike, kulturore, farefisnore etj. sa që realisht përbëjnë një terësi unike, të ndarë padrejtësisht. Sikur fshati Skje i Krajës  të lidhej me rrugë automobilistike me Zogajt e Shkodrës, disa fshatra të Krajës do të mund të konsideroheshin pjesë e paralagjes së Shkodrës,”- shkruan ai në fillim të librit. Krajanët shkonin në qytetin më të afërt të tyre sipas nevojës, e sidomos ditëve të pazarit. Madje një pjesë e konsiderueshme e këtij qyteti është e banuar me popullsi me prejardhje nga Kraja. Ata janë vendosur në Shkodër në periudha të ndryshme për shkaqe ekonomike. Nuk dihet saktësisht numri i tyre, por dihet me siguri më shumë krajanë ka në Shkodër se sa në Krajë. Ka pasur prijës të komitëve siç ka qenë Hasim Kraja, Sheh Shamia, Hafiz Ibrahim  Kraja, rilindasit Jusuf Kraja, Filip e Kolë Kraja etj.

 Ulqin, 5 janar- Edhe ditët e para të këtij muaji filluan me temperatura shumë të ulëta edhe në Ulqin. Gjatë orëve të natës zhiva në termometër zbret deri në minus 6 gradë  e më shumë. Specialistët thonë se agrumet janë në gjendje të vështirë, por nëse ngricat nuk do të jenë edhe më të theksuara, kanë gjasa që dëmet të jenë më të vogla, sidomos në plantacionet e mandarinave si pema më e ndjeshme. Ka raste edhe të pëlcitje të tubacioneve të ujësjellësit nëpër shtëpi, ndërsa lëndët më të konsumuara për ngrohje janëe drutë, të cilat  e kanë ngritur çmimin edhe vështirë gjenden për t u  blerë. Gjatë tërë ditës npëpr qytet vërehen ngarkesa, madje edhe mbi vetura luksoze.

Ulqin, 4 janar-Në Ulqin konvertimi i markës në monetën e re, euro, sikur nuk ka ngjallur interesim të theksuar, por këmbimi i këtyre valutave bëhet vetëm në Entin e pagesave, dega e këtushme. Dje në  ishte e autorizuar edhe ekspozitura e Bankës malazeze, mirëpo të gjithë qytetarët që i janë drejtuar asaj janë orientuar në Entin e pagesave. Këtu reduktimet e  rrymës elektrike që në orën ll, oo paralizuan konvertimin e markës, kryesisht në valutën e re, sepse nuk mund të rivendoseshin lidhjet kompjuterike me Podgoricën. Padyshim se kjo gjendje, nuk shkaktoi pakënaqësi  vetëm te qytetarët, por edhe të vetë punonjësit në sportelet e këtij enti.

 Këta të fundit, njoftuan qytetarët se ky proces do të zgjasë tre muaj, mirëpo njerëzit kishin pritur gjatë edhe kishin  bërë udhtim për të ardhur këtu në mot të ftohtë edhe kishin dëshirë që të kryejnë punë, të konvertojnë shumat e caktuara. Vërehet edhe kjo: në popull ende ezistojnë paqartësi rreth shumës që nuk do t i  nënshtrohet provizionit. Por, siç është kumtuar, shuma mbi 5 mijë marka  ka provizion në masën prej o,5 për qind.(Intron) Ata qytetarët të cilët kanë arritur të konvertojnë markën në monetën e re, ankohen se nuk kanë marrë apoena të imta dhe se kusurin e marrin në marka në treg, shitore, postë etj.(Intron)

Ulqin, 4 janar- Pas dorëheqjes së anëtarëve të kryesisë së degës së kësaj partie në Malësi, të kryesuar nga Prelë Vulaj dhe Fran Gojçaj, së afërmi do të zgjidhjet ushtruesi i detyrës së kryetarit të kësaj dege. Më pastaj, në koordinim me kryesinë e partisë, do të përgatitet Kuvendi zgjedhor i kësaj dege në të cilin do të zgjidhet  udhëhqeja e UDSH për Malësinë, ka deklarua për media Ferhat Dinosha, zëdhënës  dhe deputet i Unionit Demokratik të Shqiptarëve..

 Ai ka shtuar se UDSH edhe më tej është  forca kryesore  politike nacionale e shqiptarëve në Mal të Zi edhe sipas tij, gjasat janë që të forcohet edhe më shumë në të ardhmen. Ai ka thënë se nuk është e vërtetë se Malësia e ka humbur besimin ndaj tij edhe sikur, vërtet të ishte në shenjestër, atëherë mbi këtë duhet të diskutohet në Këshillin Qendror të UDSH, meqë ai nuk është anëtar i kryesisë së degës  së UDSH për Malësinë. Nuk kanë dhënë dorëheqje të gjithë anëtarët e kryesisë. Dega i ka nëndegët e veta edhe ata që do të marrin vendimin, janë mbështetës apo jo të UDSH-së. Dinosha ka nënvizuar se mbi këto baza nuk mund të thuhet se në Malësi nuk funksionon Unioni Demokratik i Shqiptarëve, duke i quajtur qesharake pohimet se ai e ka privatizuar  partinë dhe se ka qenë kandidat i degës së Ulqinit në krye të listës në zgjedhjet e përgjithshme të vitit të kaluar.

 UDSH vepron në  nivel të Malit të Zi, ndërsa kandidatura ime është inicuar nga  të gjitha degët e partisë, si të Malësisë, Ulqinit e Plavës. Ka pasur edhe kandidatë tjerë për vendin e parë të listës zgjedhore. Në vendin e dytë, por pa u votuar, ka qenë Prelë Vulaj.

 Para rezultateve zgjedhore nuk është bërë fjalë  se kush do të  mbulojë disa funksione republikane nëse arrijmë kushtet edhe na ofrohet  nga mandatari i qeverisë. Mirëpo, morëm ofertën  për ministër të popujve pakicë.

Përfaqësuesit e degës së Malësisë kanë thënë se ky vend i takon personit që ishte në vendin e dytë në listën zgjedhore, ndërkaq dega e Ulqinit fillimisht ka deklaruar se do të mbështesë ministrin e deriatëhershëm, Luigj Junçaj që të mbetet në këtë post, mirëpo pasi kanë marrë përgjigjen se Junçaj  nuk do të mbesë, sepse Vulaj është i dyti në listë, Ulqini ka propozuar Gëzim Hajdinagën. Hajdinaga mori shumicën bindëse në Këshillin Qendror, kurse reagimi i Ferhat Dinoshës ka qenë, nëse Ulqini lë mundësinë për ish-ministrin, atëherë kjo mundësi duhet të ekzistojë edhe për z.Prelë  Vulaj sepse ai ka qenë në listën zgjedhore  e jo Junçaj. Shumica e ka votuar kundër propoyimit tim, sqaron Dinosha. Ai thotë se këtu e kanë burimin pakënaqësitë edhe pse Vulaj ka pasur ofertë që të jetë zëvendësministër.

Në pyetjen  se çfarë do t u   preferoni zgjedhësve lidhur me pavarësinë e Malit të Zi, Dinosha ka thënë se UDSH ende nuk ka marrë qëndrim partia se çfarë do të bëjmë nëse organizohet referendumi, por mendoj se qëndrimi ynë do të jetë që të ftojmë votuesit për të mbështetu pavarësinë e Malit të Zi.(Intron)

 Podgoricë, 4 janar- Edin Vatiq, taksist  nga lagja Zabjello e Podgoricës, për pak këto ditë nuk e pagoi shumë shtrenjtë humanitetin e tij. Rreth orës lo,oo atij i është drejtuar një pacient një person  me emrin Pero N., i cili e ka lutur ta transportojë  urrgjentisht  në Qendrën e ndihmës së shpejtë  sepse i ka humbur ndjenjat. Ashtu edhe ka vepruar. Në qendrën e sipërpërmendur pacientit i kanë kërkuar librezën  e shëndetësisë, por nuk e ka pasur me vete. Atëherë taksisti ia ka  dhënë librezën e tij. Pacienti është pranuar në Urrgjencë, kurse taksisti ka shkuar në punë të vet.

 Për habi të madhe pacienti vdes në spital  edhe personeli ka qenë në dilemë të madhe se  kujt t ia kumtojë këtë lajm të hidhur. Duke u mbështetur në të dhënat e librezës shëndetësore, kanë njoftuar familjen e taksistit  mbi këtë rast. Në familje ka pëlcitur vaji dhe gjëma për të “ vdekurin”, i cili në ato çaste ka qenë duke pirë kafe në një lokal, shëndosh e mirë. Ku e kanë vërejtur anëtarët e familjes  sa nuk janë shastrisur nga gëzimi. I shoqqqëruar nga dy policë, ka shkuar në Qendrën e urrgjencës për të identifikuar  të vdekurin edhe për vete për të “dëshmuar “ se është gjallë. (Intron)